დიმიტრი ბუჩქიევი

ბუჭყიაშვილები მიეკუთვნებიან თბილისის გუბერნიის წარჩინებულ თავადაზნაურთა გვარს. ამ გვარის მამაკაცთა უმეტესი ნაწილი სამხედრო სამსახურში იყო რუსეთის საიმპერატორო არმიაში.

დიმიტრი ბუჭყიაშვილი (Бучкиев, ბუჩქიევი) იყო ერეკლე II-ის მინბაშის (ათასისთავი) ივანე ბუჭყიაშვილის შვილი. მსახურობდა შირვანის პოლკში (ლეგიონი). რუსეთ–ოსმალეთის ომის (1828–1829) დროს მონაწილეობდა ახალციხის აღებაში.

1847-1850 წლებში იყო ალექსანდროპოლის (ახლანდელი გიუმრი) ციხე–სიმაგრის კომენდანტი პოლკოვნიკის ჩინით.

1849. 06. 12-დან - რუსეთის არმიის გენერალ-მაიორი.

მისი ძმა იყო პოდპოლკოვნიკი გედეონ ბუჩქიევი.

ივანე ბუჭყიაშვილი და მისი შთამომავლები დაკრძალული არიან თბილისის ანჩისხატის ტაძარში.

წყარო:

საქართველო: ენციკლოპედია: ტ.I.–თბ., 1997.–გვ.513

http://mematiane.ge/product-details.php?id=3761&lang=ru