სიმონ მაჩაბელი

სი­მონ მა­ჩა­ბე­ლი ქარ­თვე­ლი არტისტია, რო­მე­ლიც სა­შემ­სრუ­ლებ­ლო ხე­ლოვ­ნე­ბის მრა­ვალ სფე­რო­ში მუ­შა­ობს, იქ­ნე­ბა ეს თე­ატ­რი, ოპე­რა, კინო თუ მოდა.

ბავშვობიდან ხატავდა, მაგრამ მხატვრობასთან და შესაბამისად, მთელ ამ სფეროსთან სერიოზული ურთიერთობა, 14 წლიდან უფრო ინტენსიურად დაიწყო. 
1992-1998 წლებში სწავლობდა თბილისის სახელმწიფო სამხატვრო აკადემიაში თეატრის მხატვრობაზე, სადაც სცენოგრაფიასთან ერთად კოსტიუმების დიზაინის სკოლაც გაიარა;

2001- 2003 წლებ­ში ედინ­ბურ­გის ხე­ლოვ­ნე­ბის კო­ლე­ჯის, 2006 -2008 წლებ­ში კი Central St. Martin’s-ის ხე­ლოვ­ნე­ბი­სა და დი­ზა­ი­ნის კო­ლე­ჯის (მაგისტრატურა ქალთა ტანსაცმლის) სტუ­დენ­ტი გახ­ლდათ.

ახალგაზრდა მხატვრის პირ­ვე­ლი და­მო­უ­კი­დე­ბე­ლი სპექ­ტაკ­ლი იყო რეჟისორ დათო საყ­ვა­რე­ლი­ძის სა­დიპ­ლო­მო სპექ­ტაკ­ლი “ქორ­წი­ნე­ბა აფი­შით”, რუ­სულ მო­ზარდ მა­ყუ­რე­ბელ­თა თე­ატ­რში. შემ­დეგ კი, ჯერ კიდევ სამხატვრო აკადემიის სტუდენტმა, ახალბედა რეჟისორ დათო დოიაშვილთან ერთად მონაწილეობა მიიღო თბილისის მარჯანიშვილის თეატრში შექსპირის „მეფე ლირის“ დადგმაში. ედინბურგის სკოლაშიც ამ სპექტაკლის წყალობით მოხვდა - მარჯანიშვილის თეატრის გასტროლების დროს ესტუმრა ედინბურგის კოლეჯს და თავისი პორტფოლიო მიიტანა, მათ კი სწავლის გაგრძელება ურჩიეს.

პირველი მოდის კოლექცია შექმნა ედინბურგის კოლეჯში, მაშინ როცა დიპლომზე მუშაობდა, თუმცა ეს არ იყო მკაცრად განსაზღვრული მოდა -  ფაკულტეტს, რომელზეც სიმონი სწავლობდა, ერქვა Performance Costume Design, რაც, ცხადია, გულისხმობდა მოდას, თუმცა თეატრალური წარმოდგენებისთვის, კინოსთვის და ა.შ.;

მოდის პირველი პროფესიონალური კოლექცია კი სან მარტინის კოლეჯში სწავლის დროს წარადგინა, რომელიც შემდეგ ლონდონის მოდის კვირეულზე აჩვენეს.

საქართველოში დაბრუნების შემდეგ სიმონ მაჩაბელმა განახორციელა რამდენიმე მოდის კოლექცია, მუშაობდა კოსტიუმების მხატვრად და პროდიუსერად რიგ თეატრალურ სპექტაკლებსა და მხატვრულ ფილმებზე. მოგვიანებით კი მისმა ინტერესის სფერომ ინტერიერის დიზაინიც მოიცვა.

ამჟამად  ჰო­ლან­დი­ის სა­მე­ფო თე­ატ­რის მთა­ვა­რი მხატ­ვა­რია.  

ხელოვანი თა­ნამ­შრომ­ლობ­და და თა­ნამ­შრომ­ლობს რო­გორც ად­გი­ლობ­რივ, ისე უცხო­ურ ბრენ­დებ­თან, იყო არა­ერ­თი ფილ­მის, თე­ატ­რა­ლუ­რი და სა­ო­პე­რო სპექ­ტაკ­ლის ფრო­დაქ­შენ დი­ზა­ი­ნე­რი. ხში­რად ეწყო­ბა მისი ნა­მუ­შევ­რე­ბის გა­მო­ფე­ნე­ბიც.

2003- 2005 წლებში თანამშრომლობდა მაკა ასათიანის მოდის სახლთან;

2015 წლიდან კოლაბორაციაშია Mercedes-Benz Fashion Week-თან;

სიმონ მაჩაბელმა გაიმარჯვა კონკურსში და შექ­მნა სა­პა­ტიო გვარ­დი­ის ოფი­ცი­ა­ლუ­რი სამ­ხედ­რო ფორ­მა. მანვე იზრუნა ქარ­თვე­ლი ოლიმ­პი­ე­ლე­ბის ჩაც­მუ­ლო­ბა­ზე „პარიზი 2024-ზე“. სპორტსმენების უნიფორმები საქართველოს დროშის ფერებით, ანბანითა და ჯვრით არის შთაგონებული. ოლიმ­პი­უ­რი ნაკ­რე­ბის ფორ­მე­ბს სხვადასხვა შრიფტით  აწერია „საქართველო“, ამავე დროს, ჯვა­რი გა­თა­მა­შე­ბუ­ლია ეი­ფელ­თან და პა­რიზს უკავ­შირ­დე­ბა. 

დიზაინერი ამბობს, რომ მის შემოქმედებაზე დიდ გავლენას ახდენს ქართული კულტურა და ფოლკლორი. განსაკუთრებით უყვარს და აღელვებს ეთნოგრაფიული ყოფა, რაც ხშირად აისახება მის მიერ გაფორმებულ სპექტაკლებში. თეატრალურ კოსტიუმებში ხშირად იყენებს ტილოს ან  აბრეშუმს, ოღონდ უხეშ აბრეშუმს, რომელიც ხალხური წარმოებისაა, ძალიან უყვარს ხეც და სულ ცდილობს იპოვოს ისეთი მასალა, რომელიც იქნება ენდემური და მხოლოდ საქართველოსთვის დამახასიათებელი.

მოდის, თეატრისა და კინოს კოსტიუმების დიზაინერის მრავალფეროვანი გამოცდილება, კოსტიუმის,  ტექსტილის, სასულიერო სამოსისა და ხელოვნების ისტორიის კვლევის ჭრილში, მისთვის როგორც კონცეპტუალისტი არტისტისთვის  ერთგვარი დამხმარე საშუალებებია ექსპოზიციების მოსაწყობად.

სიმონ მაჩაბლის გაფორმებულია: თბილისის კინომსახიობთა თეატრში დადგმული მიხეილ მარმარინოსის სპექტაკლი ჰაინერ მიულერის "მედეა -  მასალა" (2001);

ოსკარ უაილდის „სალომე“ თბილისის მარჯანიშვილის სახელობის დრამატულ თეატრში; საფრანგეთში, ლიონის საოპერო თეატრში ანდრი ჟოლდაკთან ერთად გაკეთებული  ჩაიკოვსკის ოპერა "ჯადოქარი" და უნგრელი კომპოზიტორის, ბელა ბარტოკის ოპერა “ლურჯწვერა ჰერცოგის სასახლე” (პრემიერა გაიმართა 2021 წლის 26 მარტს  ფრანგულ ფესტივალზე “თავისუფალი ქალები”.) და მრავალი სხვა.

წყარო:

https://www.facebook.com/artareatv2.0/videos/701730290557030/

https://hammockmagazine.ge/articles/1424/n-a

https://machabeli.com/

მაჩაბელი სიმონ. მე ყველგან ვცდილობ ვიპოვო რაღაც, რაც აირეკლება ჩემს ნამუშევარში: ინტერვიუ /სიმონ მაჩაბელი // OK! საქართველო: ყოველთვიური ჟურნალი. თბილისი, 2021, ივლისი, N84

მაჩაბელი სიმონ. კოსტიუმებთან ურთიერთობის ხელოვნება:ინტერვიუ / სიმონ მაჩაბელი // ბომონდი, თბილისი, 2019, ივლისი, N6 (131). გვ. 44-47