ბედის ფორმულა : შვიდწიგნეული
დამატების თარიღი: 2018-11-16 17:11:00

წინამდებარე კრებულში შესულია რაულ ჩილაჩავას მიერ შვიდი წლის მანძილზე შექმნილი შვიდი პოეტური წიგნი, თავისებური შვიდწიგნეული, რომელიც ავტორს წარმოუდგენია, როგორც მეხსიერების სხვენი, განცდების, მოგონებების, წუხილის, სიხარულის, შეშფოთების,  სიმშვიდის, რწმენისა და ეჭვების საიმედო საცავი. რაულ ჩილაჩავას ლექსთა კრებული „სხვენი" მისი ყველა სხვა წიგნის მსგავსად საქართველოს გარეთ, უცხოენოვან სამყაროშია შექმნილი. ავტორი უკვე რამდენიმე ათეული წელიწადია, საკუთარი ბიოგრაფიით, ცხოვრების წესითა და შემოქმედებით გვიდასტურებს მის მიერვე შემოწმებულ ჭეშმარიტებას: არა აქვს მნიშვნელობა , სად ცხოვრობს მწერალი, მთავარია რით ცხოვრობს იგი, რა ასულდგმულებს მას. პოეტის „სხვენზე", სადაც ერთმანეთს ერწყმის ფაქიზი ლირიკა და სამოქალაქო პათოსი, ფილოსოფიურ-მედიტაციური და ირონიულ-პაროდიული ნაკადი, ბევრ ისეთ რამეს იპოვით, რაც ნამდვილ ესთეტიკურ სიამოვნებას მოგანიჭებთ.

სოციალური ქსელი:
საქართველოს პარლამენტის ეროვნული ბიბლიოთეკა © 1999-2018
კონფიდენციალურობის პოლიტიკა
დამზადებულია : Pro-Service-ის მიერ