გამარჯობა, სამყაროვ
დამატების თარიღი: 2012-09-27 14:48:00
ავტორი: ანინა ტეფნაძე

როგორც წესი, ბლოგზე პირველი პოსტი მისალმებას უნდა ისახავდეს მიზნად, სწორედ ამიტომ, ვორდპრესზე დარეგისტრირებული ყველა ბლოგზე ავტომატურად ქვეყნდება პირველი პოსტი, რომელსაც ,,გამარჯობა, სამყაროვ” ჰქვია.

მას შემდეგ კი, რაც გამარჯობას ეტყვი სამყაროს, სამყარო აუცილებლად დაგისვამს კითხვას: რისთვის შეიქმნა ეს ბლოგი?
მართლაც და რად უნდათ ბიბლიოთეკებს ბლოგები? ან, კონკრეტულად საქართველოს პარლამენტის ეროვნულ ბიბლიოთეკას რად უნდა ბლოგი? პასუხი მარტივია: ეროვნულ ბიბლიოთეკას, ისევე როგორც ნებისმიერ ბიბლიოთეკას სურს,  რომ არსებულ და პოტენციურ მკითხველებს ესაუბროს, მიაწოდოს ინფორმაცია და მათგანაც მიიღოს უკუკავშირი. ბლოგი კი ამ მიზნის მისაღწევად შესანიშნავი საშუალებაა.

გარდა ამისა, ჩვენ, ანუ ამ ბლოგის ავტორებს  გვსურს, სულ სხვა თვალით დაგანახოთ ეროვნული ბიბლიოთეკა. გაჩვენოთ მისი შედარებით უცნობი მხარეები (ძირითადად კი სახალისო მხარეები) და  ვისაუბროთ ყველაფერზე, რაც მრავალწლოვანი კედლების მიღმა ხდება.

http://mwignobari.wordpress.com/

სოციალური ქსელი:
საქართველოს პარლამენტის ეროვნული ბიბლიოთეკა © 1999-2014
კონფიდენციალურობის პოლიტიკა
დამზადებულია : Pro-Service-ის მიერ