ბიბილიოთეკაში გაწევრიანება-რეგისტრაცია
 

ბიბლიოთეკაში გაწევრიანებისათვის მოქალაქემ უნდა გაიაროს რეგისტრაცია. ბიბლიოთეკაში ყველა მომსახურება უფასოა. 

ბიბლიოთეკაში გაწევრიანება შეუძლია საქართველოსა და უცხო ქვეყნის ყველა მოქალაქეს, რომელიც მკითხველთა რეგისტრაციის განყოფილებაში წარადგენს მოქალაქის პირადობის მოწმობას (ბინის აღნიშვნით).

სკოლის მოსწავლე, რომელსაც არ აქვს მოქალაქის პირადობის მოწმობა, წარადგენს დაბადების მოწმობას, მოსწავლის მოწმობას და მშობლის პირადობის მოწმობას.

მკითხველის ბილეთი გაიცემა უვადო სარგებლობის უფლებით.

მკითხველთა რეგისტრაციის განყოფილება მდებარეობს ბიბლიოთეკის IV კორპუსში, ფურცელაძის ქუჩა N11.

განყოფილება მუშაობს ყოველდღე 9:30-დან 18:00-მდე. ტელ.: +995 (32) 297 16 58

მკითხველი ვალდებულია: 

• წარმოადგინოს მკითხველის ბილეთი ბიბლიოთეკაში შემოსვლისას, გასვლისას, შეკვეთილი მასალის მიღებისას
  
• მკითხველის ბილეთის დაკარგვის შემთხვევაში სასწრაფოდ აცნობოს მკითხველთა რეგისტრაციის განყოფილებას
  
• დაიცვას საქართველოს პარლამენტის ეროვნული ბიბლიოთეკის სამკითხველო დარბაზებით, ფონდებით, კატალოგებით, კარტოთეკებით სარგებლობის წესები.

გახსოვდეთ: ბიბლიოთეკის ფონდები ეროვნული საგანძურია. თქვენს გარდა ამ საგანძურით მომავალმა თაობებმაც უნდა ისარგებლონ. ლიტერატურის დაზიანება, ან ბიბლიოთეკიდან წიგნების, ჟურნალების და გაზეთების გატანა წარმოადგენს სახელმწიფო ქონების დატაცებას.

ყურადღება!

მკითხველთა რეგისტრაციის განყოფილებაში მიმდინარეობს აქცია!