30 ოქტომბერი – დაიბადა ოთარ ლორთქიფანიძე
დამატების თარიღი: 2013-03-13 10:41:38

ლორთქიფანიძე ოთარ დავითის ძე დაიბადა 1930 წელს. ისტორიკოსი, არქეოლოგი. საქართველოს მეცნიერებათა აკადემიის აკადემიკოსი (2001–; წევრ კორი 1997).

 

ისტორიის მეცნიერებათა დოქტორი (1966), პროფესორი (1969). 1972–იდან ისტორიის არქეოლოგიის და ეთნოგრაფიის ინსტიტუტის დირექტორის მოადგილე იყო სამეცნიერო ნაწილში, 1977–იდან – მისისვე ინიციატივით შექმნილი არქეოლოგიური კვლევის ცენტრის ხელმძღვანელი. 1955–იდან ლექციებს კითხულობს თსუ–ში. 1966–იდან იყო ვანის არქეოლოგიური ექსპედიციის ხელმძღვანელი. იკვლევდა ძველი კოლხეთისა და იბერიის ისტორიას არქაული ეპოქიდან გვიანდელ ანტიკურ ხანამდე. 1985 მისი ინიციატივით შეიქმნა ვანის არქეოლოგიური მუზეუმი, ხოლო 1977–იდან მისივე ინიციატივით ეწყობა შავი ზღვისპირეთის ძველი ისტორიული ძველ ისტორიულ და არქეოლოგიურ საკითხებისადმი მიძღვნილი საერთაშორისო სიმპოზიუმები. იყო საქართველოს მეცნიერებათა აკადემიის არქეოლოგიური კომისიის თავმჯდომარის მოადგილე. ავტორია მრავალი სამეცნიერო შრომისა, რომელთაგან ზოგს მიღებული აქვს სხვადასხვა პრემია, მათ შორის ჰუმბოლდტის სახელობის საერთაშორისო პრემია (2000). არჩეული იყო პოლ. არქეოლ. სამეცნიერო საზოგადოების წევრად (1972), კლასიკური არქეოლ. საერთაშორისო ასოციაციის (რომი) წევრად (1978), გერმ. არქეოლოგიის ინსტიტუტის (ბერლინი) წევრკორად (1980); იყო საერთაშორისო ჟურნალების "შავი ზღვა" (რომი–პარიზი), "ძველი ცივილიზაციები სკვითეთიდან ციმბირამდე" (ლეიდენი, ნიდერლანდი). რედაქციების წევრი (1994), კლასიკური მითოლ. იკონოგრაფიული ლექსიკონის საერთაშორისო სამეცნიერო კომიტეტის წევრი (ბაზელი–პარიზი, 1998), ჟურნალ "კოლოკვია პონტიკას" რედაქციის წევრი (ოქსფორდი, 1996), დაჯილდოებულია ღირსების ორდენით (2000).

 

წყარო: ქე. – თბილისი ენციკლოპედია. – თბ. – 2002.     

სოციალური ქსელი:
საქართველოს პარლამენტის ეროვნული ბიბლიოთეკა © 1999-2017
კონფიდენციალურობის პოლიტიკა
დამზადებულია : Pro-Service-ის მიერ