ეროვნული ბიბლიოთეკა ასტრიდ ლინდგრენის პრემიაზე წარსადგენ კანდიდატებს არჩევს
დამატების თარიღი: 2012-03-07 15:48:00

საქართველოს პარლამენტის ეროვნულ ბიბლიოთეკაში ასტრიდ ლინდგრენის პრემიაზე წარსადგენ კანდიდატთა შერჩევა მიმდინარეობს.

 

საქართველოს პარლამენტის ეროვნული ბიბლიოთეკა საქართველოდან ყოველწლიურად 2 კანდიდანს წარადგენს ასტრიდ ლინდგრენის პრემიაზე.

 

საბავშვო მწერლის ხსოვნისადმი მიძღვნილი ჯილდო (Astrid Lindgren Memorial Award, ALMA) მსოფლიოში ყველაზე დიდი პრემიაა ბავშვთა ლიტერატურის სფეროში. 5 მილიონი შვედური კრონა (დაახლოებით 705 000 აშშ დოლარი ან 525 000 ევრო) ყოველწლიურად  ერთ ან რამდენიმე გამარჯვებულს გადაეცემა.

 

ეროვნული ბიბლიოთეკის მიერ შეიძლება ნომინირებულნი იყვნენ ავტორები, ილუსტრატორები, ზეპირი მთხრობელები და ბავშვთა კითხვის პოპულარიზაციის ხელშემწყობი კერძო პირები თუ ორგანიზაცები.

 

ეროვნული ბიბლიოთეკისთვის ნომინანტების შერჩევისას მნიშვნელოვანი იქნება გამომცემლობების, ცალკეული ავტორებისა და ლიტერატურის სფეროში მოღვაწე ორგანიზაციების აზრი. ამიტომ მიმართავს მათ დაასახელონ ადამიანები, რომლებიც მათ მიაჩნიათ საქართველოდან ამ პრემიაზე წარსადგენ კანდიდატებად.

 

საქართველოს პარლამენტის ეროვნული ბიბლიოთეკა საბოლოო გადაწყვეტილებას აპრილის ბოლოს მიიღებს.

 

სოციალური ქსელი:
საქართველოს პარლამენტის ეროვნული ბიბლიოთეკა © 1999-2014
კონფიდენციალურობის პოლიტიკა
დამზადებულია : Pro-Service-ის მიერ