ოდა-ბიბლიოთეკა და წისქვილი-სამკითხველოები ზუგდიდში
დამატების თარიღი: 2019-04-15 13:53:00

13-14 აპრილს ეროვნული ბიბლიოთეკის მოძრაობა ეკვილიბრიუმი ზუგდიდის მუნიციპალიტეტს ეწვია. სოფელ კოკის სკოლას წიგნები გადაეცა, ხოლო წისქვილში სამკითხველო მოეწყო. სამკითხველოები მოეწყო ასევე სოფელ რუხისა და სოფელ ზედა ეწერის წისქვილებში.  

„გილოცავთ ქართული ენის დღეს!
ხშირად წავაწყდები ხოლმე სოციალურ ქსელში, მსოფლიოს სხვა ქალაქებიდან სკვერის სამკითხველოების სურათებს და დანანებით ნათქვამსაც, ნეტავ ჩვენს ქალაქებშიც იყოსო, არადა უკვე ათ ქალაქში და ათ სოფელში დავდგით ულამაზესი, ვფიქრობ, რომ მსოფლიოში საუკეთესო წიგნის მცირე ბიბლიოთეკები. ყველგან იმ სივრცის კონტექსტის მიხედვით ვაკეთებთ. ოსტატი ჩვენი თანამშრომელი თენგო მოდუა. დღეს ზუგდიდში დაპირებული ოდა-ბიბლიოთეკა მოვაწყვეთ - წაიღეთ წიგნები და დააბრუნეთ ან იქვე წაიკითხეთ. და კიდევ, ჯერ კოკის სკოლაში ჩავიტანეთ წიგნები, მერე კი კოკის, რუხის და ზემო ეწერის წისქვილებში სამკითხველოები მოვაწყვეთ. საერთოდ კი, მადლობა სამეგრელოს ამ დაუმსახურებელი სიყვარულისთვის"- განაცხადა გიორგი კეკელიძემ. 

 

 

სოციალური ქსელი:
საქართველოს პარლამენტის ეროვნული ბიბლიოთეკა © 1999-2019
კონფიდენციალურობის პოლიტიკა
დამზადებულია : Pro-Service-ის მიერ