29 ნოემბერს 15:00 საათზე საქართველოს პარლამენტში გაიხსნება გამოფენა ”არჩევნები - ერის შემოქმედი”. მას გახსნიან: საქართველოს პარლამენტის წევრი ლევან ბერძენიშვილი და გამოფენის ორგანიზატორები: ეროვნული ბიბლიოთეკის გენერალური დირექტორი გიორგი კეკელიძე, საქართველოს ცენტრალური საარჩევნო კომისიის თავმჯდომარე თამარ ჟვანია და ეროვნული არქივის დირექტორი თეონა იაშვილი.

2013 წლის 25 ნოემბერს სამხრეთ აფრიკის ეროვნული ბიბლიოთეკის აღმასრულებელმა დირექტორმა, ბატონმა ჯონ ცებემ პრეტორიაში ხელი მოაწერა ურთიერთგაგების მემორანდუმს სამხრეთ აფრიკის ეროვნულ ბიბლიოთეკასა და საქართველოს პარლამენტის ეროვნულ ბიბლიოთეკას შორის. საქართველოს პარლამენტის ეროვნული ბიბლიოთეკის გენერალურმა დირექტორმა ბატონმა გიორგი კეკელიძემ მემორანდუმს ხელი მოაწერა თბილისში მიმდინარე წლის სექტემბერში.

22 ნოემბერს 12:00 საათზე საქართველოს პარლამენტის ეროვნულ ბიბლიოთეკაში საქართველოს პარლამენტის ეროვნულ ბიბლიოთეკასა და „საქართველოს კინემატოგრაფიის ეროვნულ ცენტრს“ შორის მემორანდუმი გაფორმდება.

საქართველოს პარლამენტის ეროვნული ბიბლიოთეკის დარბაზებში, ანგლო -ამერიკული სამკითხველო დარბაზიდან ჩაირთო ლიტერატურული ენციკლოპედია (The Literary Encyclopedia), რომელიც ძალიან დაეხმარება ლიტერატურის სპეციალისტებს.

დღეიდან 17 დეკემბრამდე, საქართველოს პარლამენტის ეროვნული ბიბლიოთეკის დარბაზებში, ანგლო-ამერიკული სამკითხველო დარბაზის ინიციატივით, მკითხველებისა და თანამშრომლებისთვის ჩართულია ინგლისურენოვანი მონაცემთა ბაზები.

12 ნოემბერს საქათველოს პარლამენტის ეროვნულ ბიბლიოთეკაში პროექტი „ახალგაზრდა ლიდერ ქალთა კლუბები“ განხორციელდა.

დაიწყო საქართველოს პარლამენტის ეროვნული ბიბლიოთეკისა და პირველი არხის ერთობლივი პროექტი ”ჩემი წიგნი.” პროექტში ჩართვა შეუძლია ნებისმიერ მსურველს, რომელიც შეავსებს აპლიკაციას შემდეგ მისამართზე http://1tv.ge/mybook/#form.

ლევილის „შატოს“ წიგნთსაცავში დაცული არქივის მნიშვნელოვანი ნაწილი, პერიოდული გამოცემები, წერილები, პოლიტიკური და მხატვრული ლიტერატურა, საქართველოს პარლამენტის ეროვნულ ბიბლიოთეკას გადაეცა. მასალები უკვე საქართველოშია. უნიკალური არქივი - ირაკლი წერეთლისა და ივანე ზურაბიშვილის ნაშრომები, დავით საღირაშვილის წერილები, საქართველოს ემიგრანტული მთავრობის მიერ საერთაშორისო ორგანიზაციებისადმი მიწერილი ოფიციალური დოკუმენტები - ეროვნული ბიბლიოთეკის ემიგრაციის დარბაზში განთავსდება.

ონლაინ და დისტანციური განათლების ცენტრი საქართველოს პარლამენტის ეროვნული ბიბლიოთეკის ახლადგახსნილ ლიბერთი ელექტრონულ დარბაზში მომხმარებელს საშუალებას აძლევს უფასოდ ისარგებლოს უცხო ენების ონლაინ შესწავლის უახლესი მეთოდით http://teach.ge/.

ეროვნული ბიბლიოთეკა გამომცემლობებთან ერთად ახლადგახსნილ ”ლიბერთი ელექტრონულ დარბაზში” ახალ პროექტს იწყებს. პროექტის ფარგლებში ყოველ სამშაბათს და ხუთშაბათს გაიმართება შეხვედრები გამომცემლობების მიერ შერჩეულ თანამედროვე ქართველ ავტორებთან. ”ლიბერთი ელექტრონული დარბაზის” პირველი სტუმარი იქნება მწერალი შორენა ლებანიძე, რომელიც გამომცემლობა ”არტანუჯმა” წარადგინა.