19 თებერვალს საქართველოს პარლამენტის ეროვნული ბიბლიოთეკის თანამშრომლები ლეიკემიით დაავადებულ ბავშვთა დასახმარებლად აქციაში ,,გაიღე სისხლი-გადაარჩინე სიცოცხლე“ ჩაერთვნენ.

17 თებერვალს, ქალაქ სტამბოლში, ქართული ხელოვნების სახლში, საქართველოს პარლამენტის ეროვნულმა ბიბლიოთეკამ ქართული ბიბლიოთეკა გახსნა. პროექტი „რუსთაველის კლუბისა“ და ქართული გამომცემლობების („მერიდიანი“, „ბაკურ სულაკაურის გამომცემლობა“, „ელფი“, „მაცნე“, „დიოგენე’) ეგიდით განხორციელდა.

არასამთავრობო ორგანიზაცია “ჰელფინგ ჰენდმა“ საქართველოს პარლამენტის ეროვნულ ბიბლიოთეკას კონფლიქტურ რეგიონსა და თბილისში მცხოვრებ ახალგაზრდებს შორის ურთიერთობის გაღრმავების საქმეში შეტანილი განსაკუთრებული წვლილისთვის მადლობა გამოუცხადა.

14 თებერვალს საქართველოს პარლამენტის ეროვნული ბიბლიოთეკის გენერალური დირექტორი გიორგი კეკელიძე საქართველოს პარლამენტის თავმჯდომარეს დავით უსუფაშვილს შეხვდა.

ამჟამად ეროვნული ბიბლიოთეკის ვებსაიტის მომხმარებლებისთვის ხელმისაწვდომია: ზვიად გამსახურდიას უზენაესი საბჭოს თავმჯდომარეობის, პრეზიდენტობისა და დევნილობის პერიოდის საჯარო გამოსვლები, ინტერვიუები, მიმართვები, ბრძანებულებები, რომლებიც გამოქვეყნდა 1990-1994 წლებში; ედუარდ შევარდნაძის საჯარო გამოსვლები, მიმართვები, ინტერვიუები, გამოქვეყნებული გაზეთ „საქართველოს რესპუბლიკაში“ 1992 წლის მარტიდან 1997 წლის აპრილამდე, 1997 წლის ივნისსა და 1998 წლის იანვარში.

ბორის პაიჭაძის ოჯახმა ეროვნულ ბიბლიოთეკას გადასცა უდიდესი ქართველი ფეხბურთელის, სპორტის დამსახურებული ოსტატის ბორის პაიჭაძის ცხოვრების ამსახველი ძვირფასი ფოტოფონდი.

12 თებერვალს ეროვნულმა ბიბლიოთეკამ ორგანიზაცია ”ჰელფინ ჰენდისა” და ქალთა გლობალური ფონდის მიერ ორგანიზებული პროექტის „ახალგაზრდა ლიდერები – მშვიდობის მშენებლობაში“ ფარგლებში ოკუპირებული ტერიტორიიდან ჩამოსულ ბავშვებს უმასპინძლა.

მამარდაშვილის ციფრული ბიბლიოთეკის "სამოქალაქო საზოგადოების ციფრული ბიბლიოთეკის" კოლექციას დაემატა ბრაიენს ლ. მაიერსის ნაშრომი "ღარიბების მხარდამხარ"

11 თებერვლიდან 3 მარტამდე, ეროვნული ბიბლიოთეკის მკითხველებისათვის ჩაირთო სტალინის ციფრული არქივი. ელექტრონულ მასალებზე წვდომას უზრუნველყოფს იელის უნივერსიტეტი და საინფორმაციო სამსახური Eastview.

11 თებერვალს 14:00 საათზე საქართველოს პარლამენტის ეროვნული ბიბლიოთეკის გენერალურმა დირექტორმა გიორგი კეკელიძემ და თურქეთის იუნუს ემრეს სახელობის ინსტიტუტის საქართველოს წარმომადგენლობის ხელმძღვანელმა ბარიშ დემირლიმ „პრაიმ–თაიმის“ ოფისში ერთობლივი ბრიფინგი გამართეს.