პროექტი ”ჩემი ქალაქი, შენი ქალაქი, ჩვენი ქალაქი”
დამატების თარიღი: 2012-10-15 18:26:00

 

ორგანიზაციამ ”ტფილისის ჰამქარი” ფონდ ”ღია საზოგადოება - საქართველოს” მხარდაჭერით დაიწყო ახალი პროექტი ”ჩემი ქალაქი, შენი ქალაქი, ჩვენი ქალაქი”. პროექტი მიზნად ისახავს ახალგაზრდა თაობის დაინტერესებას თბილისის ურბანული კულტურის საკითხებით, თუ რა კულტურულ მემკვიდრეობას ფლობს თბილისი და რა ურბანული ისტორიის მატარებელია.

 

პროექტის ფარგლებში ”ტფილისის ჰამქარი” გეგმავს სალექციო კურსის ჩატარებას  ეროვნულ ბიბლიოთეკაში.

 

პირველი ლექცია გაიმართა 15 ოქტომბერს, 18:00 საათზე საქართველოს პარლამენტის ეროვნული ბიბლიოთეკის აუდიტორიაში და ”ტფილისის ჰამქრის” თავმჯდომარე ალექსანდრე ელისაშვილმა წაიკითხა ლექცია - ”თბილისის ტოპონიმიკის ისტორია დაარსებიდან დღემდე”.

 

ლექცია შეეხებოდა თბილისის, მისი მოედნების, უბნებისა და ქუჩების სახელდების პროცესს და ამ პროცესის განმაპირობებელ ფაქტორებს სხვადასხვა ისტორიულ ეტაპზე. 

სოციალური ქსელი:
საქართველოს პარლამენტის ეროვნული ბიბლიოთეკა © 1999-2014
კონფიდენციალურობის პოლიტიკა
დამზადებულია : Pro-Service-ის მიერ