დამატების თარიღი: 2012-10-05 15:25:50

საქართველოს პარლამენტის ეროვნული ბიბლიოთეკა წარმოადგენს ქვეყნის მთავარ სახელმწიფო კულტურულ-საგანმანათლებლო, სამეცნიერო და საინფორმაციო დაწესებულებას, საბიბლიოთეკო სისტემის მთავარ ბიბლიოთეკას, ქვეყნის კულტურული მემკვიდრეობის განსაკუთრებული მნიშვნელობის ობიექტს.

ბიბლიოთეკით სარგებლობა შეუძლია საქართველოსა და უცხო ქვეყნის ყველა მოქალაქეს, რომელიც  მკითხველთა რეგისტრაციის განყოფილებაში წარადგენს მოქალაქის პირადობის დამადასტურებელ დოკუმენტს.  

ბიბლიოთეკის ფონდები და მასალები მკითხველის ბილეთის წარდგენის შემდეგ მხოლოდ ბიბლიოთეკის  სამკითხველო დარბაზებში გაიცემა.

ეროვნული ბიბლიოთეკიდან  საბიბლიოთეკო დოკუმენტის  შენობიდან გატანა დაუშვებელია. გამონაკლისს წარმოადგენს ვ. ჰუმბოლდტის  გერმანულენოვანი სამკითხველო დარბაზი.   

დარეგისტრირებულ მომხმარებელს უფლება აქვს ბიბლიოთეკის სამუშაო საათებში იმყოფებოდეს სამკითხველო სივრცეში და ისარგებლოს ელექტრონული კატალოგით, მონაცემთა ბაზებით, ინტერნეტით და ინტრანეტით,  გადაიღოს და დაასკანეროს ბეჭდური მასალა, რისთვისაც მან უნდა მიმართოს ბიბლიოთეკის თანამშრომელს. ასლის გადაღებისას მოქმედებს საქართველოს კანონმდებლობით გათვალისწინებული წესები საავტორო და მომიჯნავე უფლებების შესახებ.

საარქივო მასალებისა და იშვიათ გამოცემათა ფოტოასლებისა და ასლების გადაღება ნებადართულია მხოლოდ განსაკუთრებულ შემთხვევაში უფლებამოსილი პირის ნებართვით.

 

 

სოციალური ქსელი:
 
საქართველოს პარლამენტის ეროვნული ბიბლიოთეკა © 1999-2016
კონფიდენციალურობის პოლიტიკა
დამზადებულია : Pro-Service-ის მიერ