|
1868 | |
|
|
| |
|
|
14 ივნისი | |
|
|
| |
|
|
დუშეთის სამომრიგებლო განყოფილებაში ალექსი ვალიშვილის საქმის განხილვის
დაწყებამდე თეკლე თოღუზაშვილი ითხოვს საჩივრის მოქმედების შეჩერებას და
ხდება მომჩივანისა და ბრალდებულის შერიგება.
| |
წყარო:
საქართველოს ეროვნული არქივი, ფ. 133, № 26, გვ. 2.
პირთა ანოტაციები:
თოღუზაშვილი თეკლე
მჭადიჯვრის თემის სოფელ ძალისის მცხოვრები.
ვალიშვილი ალექსი
მჭადიჯვრის თემის სოფელ ძალისის მცხოვრები |
|
| |
|
|
1876 | |
|
|
| |
|
|
14 ივნისი | |
|
|
| |
|
|
ალექსანდრე ჭყონიას პარიზში უგზავნის ბესარიონ ღოღობერიძისა და სტეფანე
ზარაფოვისგან მისთვის გადასაცემად მიღებულ თანხას. | |
წყარო:
კ. კეკელიძის სახ. ხელნაწერთა ეროვნული ცენტრი, ილია ჭავჭავაძის არქ. № 655.
პირთა ანოტაციები:
ჭყონია ალექსანდრე მირიანის ძე (1855-1907)
საზოგადო მოღვაწე, ქუთაისის გიმნაზიის შემდეგ სწავლობდა მოსკოვსა და პარიზში.
სხვადასხვა დროს მუშაობდა ფოთის, ოზურგეთის, შორაპანის, ქუთაისის სასამართლოებში,
იყო „მოამბისა“ და „ცნობის ფურცელის“ რედაქტორი.
ღოღობერიძე ბესარიონ ლევანის ძე (1832-1879)
პედაგოგი და საზოგადო მოღვაწე, 1876-1879 წლებში ქუთაისის სათავადაზნაურო ბანკის
გამგეობის თავმჯდომარე.
ზარაფიშვილი (ზარაფოვი) სტეფანე (დაბ. 1849?)
1868-1869 წლებში სტუდენტურ მღელვარებაში მონაწილეობისთვის გარიცხეს პეტერბურგის
უნივერსიტეტიდან. 1869 წელს დააბრუნეს თბილისში და 1874 წლამდე ეკრძალებოდა სხვაგან
ცხოვრება. |
|
| |
|
|
1879 | |
|
|
| |
|
|
14 ივნისი | |
|
|
| |
|
|
თავმჯდომარეობს ქშწ-კგ საზოგადოების სხდომას, რომელზეც განიხილავენ სოფელ
რუისში სკოლის გახსნის საკითხს. ითხოვენ ინფორმაციის დაზუსტებას სოფლის
მცხოვრებთა რაოდენობისა და იმ ინვენტარის შესახებ, რაც დასჭირდება
ახალგახსნილ სასწავლებელს. ილია ჭავჭავაძის დავალებით თბილისისა და
ქუთაისის სათავადაზნაურო ბანკებს უგზავნიან წერილებს საზოგადოების
სასარგებლოდ შეწირული თანხის მიწოდების თხოვნით. საქმისმწარმოებელ იონა
მეუნარგიას ავალებენ კანცელარიისათვის ცალკე ოთახის დაქირავებას. | |
წყარო:
საქართველოს ეროვნული არქივი, წერა-კითხვის გამავრცელებელი საზოგადოების ოქმი.
ფ. 481, აღწ. 2., გვ. 13. |
|
| |
|
|
1884 | |
|
|
| |
|
|
14 ივნისი | |
|
|
| |
|
|
თავმჯდომარეობს ქშწ-კგ საზოგადოების სხდომას, რომელზეც განიხილავენ გორის
საოსტატო სემინარიადამთავრებული სტიპენდიანტებისთვის დაფინანსების
შეწყვეტის საკითხს. კმაყოფილდება ქუთაისის სააზნაურო სკოლის ინსპექტორ
ალექსი ჭიჭინაძის თხოვნა სამოგზაუროდ წასვლასთან დაკავშირებით მისთვის
შვებულების მიცემის თაობაზე. | |
წყარო:
საქართველოს ეროვნული არქივი, ფ. 481, № 3, გვ. 3.
პირთა ანოტაციები:
ჭიჭინაძე ალექსი ბესარიონის ძე (1851-1913)
პედაგოგი, საზოგადო მოღვაწე, თბილისის სათავადაზნაურო სკოლის გამგე 1880-1886
წლებში, ქშწკგ საზოგადოების გამგეობის წევრი 1888-1893 წლებში. |
|
| |
|
|
1886 | |
|
|
| |
|
|
14 ივნისი | |
|
|
| |
|
|
გაზეთ „ივერიაში“ უსათაუროდ და ხელმოუწერლად ბეჭდავს მოწინავეს „ტფილისი,
13 ივნისს“ („გუშინ დეპეშამ მოგვიტანა ამბავი...“). მწერლის თხზულებათა
კრებულებში იბეჭდება სათაურით „პრინცების განდევნის საქმე“. გაზეთის ამავე
ნომერში გრძელდება ქშწ-კგ საზოგადოების განვლილი წლის ანგარიშის ბეჭდვა. | |
წყარო:
გაზ. „ივერია“, 1886, 14 ივნისი, № 126, გვ. 1; ი. ჭავჭავაძე, თსკ ოც ტომად, ტ.
8, 2007, გვ. 113. |
|
| |
|
|
1887 | |
|
|
| |
|
|
14 ივნისი | |
|
|
| |
|
|
გაზეთ „ივერიაში“ იბეჭდება ვლადიმერ ინანაშვილის მიერ გერმანული გაზეთიდან
გადმოთარგმნილი ფრიდრიხ ბოდენშტეტის რეცენზია არტურ ლაისტის წიგნზე „ქართველი
პოეტები“. | |
წყარო:
„აზრი ბოდენშტეტისა ა. ლაისტის გერმანულს თარგმანზე. ქართველი პოეტები“, გაზ. „ივერია“,
1887, 14 ივნისი, № 119, გვ. 3.
პირთა ანოტაციები:
ინანაშვილი (ინანიშვილი) ვლადიმერ დიმიტრის ძე
აგრონომი.
ბოდენშტეტი ფრიდრიხ (1819-1892)
გერმანელი პოეტი და მთარგმნელი. მის აზრს ქართველების შესახებ ილია იმოწმებს „ქვათა
ღაღადში“.
ლაისტი არტურ (1852-1927)
გერმანელი მწერალი, პუბლიცისტი, მთარგმნელი. შეისწავლა ქართული ენა, და
აქვეყნებდა საქართველოსთან დაკავშირებულ სტატიებს. თბილისში დააარსა გერმანული
გაზეთი “Kaukazishe post”. |
|
| |
|
|
14 ივნისი | |
|
|
| |
|
|
გაზეთ „ივერიაში“ უსათაუროდ და ხელმოუწერლად აქვეყნებს დასასრულს მოწინავე
წერილისა თარიღით „ტფილისი, 13 ივნისი“ („იგი გარემოება, რომელმაც ხელახლად
აღძრა...“). მწერლის თხზულებათა ოცტომეულში დაიბეჭდა სათაურით „დიმიტრი
სულხანის-ძე ჭავჭავაძის ანდერძი“. | |
წყარო:
გაზ. „ივერია“, 1887, 14 ივნისი, № 119, გვ. 1-2; ი. ჭავჭავაძე, თსკ ოც ტომად,
ტ. 9, თბ., 2006, გვ. 415.
პირთა ანოტაციები:
დიმიტრი სულხანის ძე ჭავჭავაძე (1829-1886)
სამხედრო მოღვაწე, ცხოვრობდა საზღვარგარეთ, გარდაიცვალა თელავში. მემკვიდრე არ
ჰყავდა და მისი ანდერძის მიხედვით მისი დიდძალი ქონება ქველმოქმედებას უნდა
მოხმარებოდა. |
|
| |
|
|
1900 | |
|
|
| |
|
|
14 ივნისი | |
|
|
| |
|
|
ავსებს პირობის წიგნს, რომლის თანახმადაც მოჯამაგირედ აჰყავს დუშეთის
მაზრის სოფელ გურამიანთკარში მცხოვრები სანდრო ლაბაური. | |
წყარო:
კ. კეკელიძის სახ. ხელნაწერთა ეროვნული ცენტრი, ილია ჭავჭავაძის პირადი არქივი №
674.
პირთა ანოტაციები:
ლაბაური სანდრო
დამატებითი ცნობები პიროვნებების შესახებ არ მოგვეპოვება. |
|
| |
|
|
1906 | |
|
|
| |
|
|
14 ივნისი | |
|
|
| |
|
|
თსს ბანკის გამგეობა პეტერბურგში უგზავნის წერილობით თხოვნას, რომ ფინანსთა
სამინისტროს საგანგებო საკრედიტო კანცელარიაში გაარკვიოს რამდენიმე
მნიშვნელოვანი საკითხი: რთავენ თუ არა ნებას თსს ბანკს, რომ გადაიბაროს და
დაფაროს მანამდე პრიკაზში დაგირავებული მამულების სესხები იმ პირობებით,
რომელთა შესახებაც მისწერეს სამინისტროს, იწონებენ თუ არა წესდების
რამდენიმე მუხლში შესატან ცვლილებებს და არიან თუ არა თანახმა იმაზე, რომ
ბანკმა არ იხადოს მის ანგარიშზე დარჩენილი გაუყიდავი მამულების
გადასახადები. | |
წყარო:
კ. კეკელიძის სახ. ხელნაწერთა ეროვნული ცენტრი, ილია ჭავჭავაძის არქივი № 7
(258). |
|
| |
|
