The National Library of Georgia მთავარი - ბიბლიოთეკის შესახებ - ელ.რესურსები
Cover Image
წიგნის დახურვა 0009უნივერსალური ენციკლოპედიური ლექსიკონი (ქ–ჰ)
ფოლდერის დახურვა
დოკუმენტის ნახვა ცა
დოკუმენტის ნახვა ცბ
დოკუმენტის ნახვა ცდ
დოკუმენტის ნახვა ცე
დოკუმენტის ნახვა ცვ
დოკუმენტის ნახვა ცთ
დოკუმენტის ნახვა ცი
დოკუმენტის ნახვა ცკ
დოკუმენტის ნახვა ცლ
დოკუმენტის ნახვა ცმ
დოკუმენტის ნახვა ცნ
დოკუმენტის ნახვა ცო
დოკუმენტის ნახვა ცრ
დოკუმენტის ნახვა ცუ
დოკუმენტის ნახვა ცქ
დოკუმენტის ნახვა ცხ

ცხ

 

ცხადად - დაუფარავად, აშკარად.

ცხადაძე ზაურ - სპორტსმენი (მკლავჭიდი), მსოფლიოს 6-გზის და ევროპის 9-გზის ჩემპიონი (დაიბადა 1964 წელს).

ცხადაძე შალვა - გრაფიკოსი, საქართველოს ხელოვნების დამსახურებული მოღვაწე (1916-1975 წწ).

ცხადი

1) დაუფარავი, აშკარა. || თვალსაჩინო, ნათელი.

2) სინამდვილე.

ცხადლივ - იგივეა, რაც ცხადად.

ცხავათი (ცხავატი)

1) სოფელი ახალგორის მუნიციპალიტეტში.

2) ისტორიულ-გეოგრაფიული რეგიონი აღმოსავლეთ საქართველოში, შიდა ქართლში, დუშეთის მუნიციპალიტეტის დაბა ფასანაურთან.

ცხავათურა - მდინარე ახალგორის მუნიციპალიტეტში, ქსნის მარცხენა შენაკადი.

ცხავერი - სოფელი კასპის მუნიციპალიტეტში.

ცხავერისწყალი - მდინარე კასპის მუნიციპალიტეტში, თეძმის მარჯვენა შენაკადი.

ცხავი - საცრის მსგავსი ხელსაწყო, რომლითაც მარცვლეულს (ხორბალს, ქერს....) წმენდენ კილის, ბზისა და მისთანებისგან.

ცხაკაია მიხეილ (მიხა) - კომუნისტური პარტიისა და საერთაშორისო მუშათა მოძრაობის მოღვაწე (1865-1950 წწ).

ცხაკაია - სენაკის სახელწოდება კომუნისტურ ეპოქაში.

ცხამი - სოფელი საჩხერის მუნიციპალიტეტში (არგვეთის თემის საკრებულო). მდებარეობს ლიხის ქედის დასავლეთ კალთაზე, მდინარე იზვარის ზემოეთში. ზღვის დონიდან - 880 მეტრი, საჩხერიდან - 17 კილომეტრი. 2002 წლის აღწერის მონაცემებით სოფელში ცხოვრობს 620 კაცი.

ცხამრიელი - მდინარე ლენტეხის მუნიციპალიტეტში, მულრიხის მარცხენა შენაკადი.

ცხარე

1) მწვავე, მშუშხავი გემოსი.

2) მეტად მხურვალე, მწველი.

3) მძაფრი, ფიცხელი, სასტიკი.

ცხარი - იგივეა, რაც ცხარე.

ცხაურა - იგივეა, რაც გისოსი.

ცხაური - ცხავისმაგვარი; გისოსის მსგავსი აგებულებისა.

ცხებული - კურთხეული (მეფის ერთ-ერთი ეპითეტი).

ცხედარი - მკვდარი ადამიანის სხეული; გვამი.

ცხეკი - მდინარე მესტიის მუნიციპალიტეტში, მესტიჭალის მარცხენა შენაკადი.

ცხელება - იგივეა, რაც ციებ-ცხელება.

ცხელი - მაღალი ტემპერატურის მქონე; მხურვალე.

ცხელი ზაფხულის სამი დღე - ქართული მხატვრული ფილმი. ეკრანებზე გამოვიდა 1981 წელს. დამდგმელი რეჟისორი - მერაბ კოკოჩაშვილი. სცენარის ავტორები - დავით ჯავახიშვილი, ერლომ ახვლედიანი, მერაბ კოკოჩაშვილი. დამდგმელი ოპერატორი - გიორგი გერსამია. კომპოზიტორი - ნოდარ მამისაშვილი. მთავარ როლებში: კახი კავსაძე, ნინე;ო ჭანკვეტაძე, რამაზ ჩხიკვაძე, ერლომ ახვლედიანი, გია ფერაძე, სულიკო ჟღენტი,

ცხელ-ცხელი

1) ძალიან ცხელი (ახლად გადმოდგმული, გადმოღებული ცეცხლიდან).

2) მრავალი ცხელი.

ცხემლა

1) საქსოვ დაზგაში მისაქსელის მიმწოდებელი იარაღი.

2) იგივეა, რაც რცხილა.

ცხემლისი - სოფელი შუახევის მუნიციპალიტეტში.

ცხემლისხედი - სოფელი ოზურგეთის მუნიციპალიტეტში.

ცხემნა - სოფელი ქედის მუნიციპალიტეტში.

ცხენბურთი - ქართული ეროვნული საცხენოსნო თამაში; ცხენზე მჯდომთა ბურთის თამაში ჩოგნებით.

ცხენდაცხენ - ცხენზე ჯდომით და ისე; ცხენით.

ცხენთარო - სოფელი ზესტაფონის მუნიციპალიტეტში (როდინაულის თემის საკრებულო). მდებარეობს იმერეთის დაბლობზე. მდინარე ყვირილის მარცხენა მხარეს. ზღვის დონიდან - 130 მეტრი, ზესტაფონიდან - 23 კილომეტრი. 2002 წლის აღწერის მონაცემებით სოფელში ცხოვრობს 960 ადამიანი.

ცხენთაროსღელე - მდინარე ზესტაფონის მუნიციპალიტეტში, რუშავის მარცხენა შენაკადი.

ცხენთსარბიელი - იგივეა, რაც იპოდრომი.

ცხენი - დიდი შინაური ჩლიქგაუყოფელი ცხოველი; იყენებენ შესაჯდომად, შესაბმელად და სხვა.

ცხენიანი - ვისაც ცხენი ჰყავს, რაშიც ცხენია შებმული.

ცხენირემი - იგივეა, რაც დომბა.

ცხენისზურგი - მთა ვანის მუნიციპალიტეტში, ლობოროტის ქედის უკიდურეს ჩრდილოეთ ნაწილში, მდინარების კორისწყლის, კვინისწყლის და ძულუხურის წყალგამყოფი (სიმაღლე - 1678 მეტრი).

ცხენისკბილა (Leucojum aestivum)

1) დეკორატიული ბოლქვიანი მცენარე; იკეთებს თეთრ ყვავილს.

2) სიმინდის ერთ-ერთი ჯიში.

ცხენისკუდა (Enigeron canadensis) - ერთწლოვანი სარეველა ბალახი რთულყვავილოვანთა ოჯახისა.

ცხენისმუხლა (Ephedra) - დეკორატიული მცენარე; იზრდება დაბალ ბუჩქად; იყენებენ მედიცინაში.

ცხენისსაძოვარი - მთა ხულოს მუნიციპალიტეტში, სხალთისა და ჩირუხისწყლის წყალგამყოფზე.

ცხენის ძალა - სიმძლავრის მოძველებული სისტემის გარეშე ერთეული, შემოიღეს XVIII საუკუნეში.

ცხენისძუძუ

1) საქართველოში გავრცელებული სხვადასხვა ჯიშის ვაზის სახელწოდება;

2) თხილის ჯიში; გავრცელებულია გურია-იმერეთში.

ცხენისწაბლა (Aesculus hippocastanum) - მაღალი დეკორატიული ხე; ისხამს წაბლის მსგავს ნაყოფს, რომელიც არ იჭმება.

ცხენისწყალი

1) მდინარე დასავლეთ საქართველოში (ლენტეხის, ცაგერის, ხონის, მარტვილის, სამტრედიის და აბაშის მუნიციპალიტეტებში); სათავე აქვს სვანეთის კავკასიონის სამხრეთ კალთებზე, მწვერვალ ფასისმთის დასავლეთით, 2710 მეტრ სიმაღლეზე. ქვემო დინებაში კვეთს კოლხეთის დაბლობს და ერთვის რიონს მარჯვენა მხრიდან სოფელ საჯავახოსთან: საზრდოობს წვიმის, თოვლის და მიწისქვეშა წყლებით. ხარჯი შეართავთან 90 კუბ.მ/წმ. (აუზის ფართობი - 2120 კვ.კმ. სიგრძე - 176 კილომეტრი).

2) მდინარე ხელვაჩაურის მუნიციპალიტეტში, ყოროლისწყლის მარჯვენა შენაკადი.

ცხენიშწყარი - მდინარე ოჩამჩირის მუნიციპალიტეტში, ერთვის შავ ზღვას (სიგრძე - 27 კილომეტრი).

ცხენკარგი - ვისაც კარგი ცხენი ჰყავს.

ცხენ-კაცი - ცხენი და მასზე მჯდომი კაცი ერთად.

ცხენნი - მიცვალებულის ხსოვნის პატივსაცემად გამართული შეჯიბრება ხევსურეთში.

ცხენობანა - საბავშვო თამაში - ჯოხზე გადალაჯება და სირბილი.

ცხენოსანი

1) ცენზე მჯდომი; მხედარი.

2) სპორტსმენი, რომელიც ცხენოსნობას მისდევს.

3) ვინც ცხენზე მჯდომი მოქმედებს.

ცხენოსნობა - ცხენზე ჯდომის, ცხენით სიარულის კარგი ცოდნა.

ცხენსაბმელი - საგანგებოდ მოწყობილი ადგილი, სადაც ცხენებს აბამენ.

ცხენსაშენი - ფერმა, სადაც ჯიშიან ცხენებს აშენებენ.

ცხენშური - მდინარე ლენტეხის მუნიციპალიტეტში, ცხენისწყლის მარცხენა შენაკადი.

ცხენხეთქით - ცხენის ჭენებით.

ცხვანდირი

1) მდინარე მესტიის მუნიციპალიტეტში, ნენსკრის მარჯვენა შენაკადი.

2) მყინვარი მესტიის მუნიციპალიტეტში, სვანეთ-აფხაზეთის ქედის აღმოსავლეთ კალთაზე.

ცხვარა (Centaurea Fischeri) - დეკორატიული მცენარე - მთის ღიღილო; იკეთებს ლურჯ, ყვითელ ან თეთრ ყვავილებს.

ცხვარი

1) წვრილფეხა რქიანი ცხოველი; აშენებენ მატყლის, ხორცისა და რძისათვის (ყველის გასაკეთებლად).

2) (კრებითი) ცხვრის ფარა.

ცხვარიჭამია - სოფელი მცხეთის მუნიციპალიტეტში, საბადურის ქედზე, მდინარე თეზმის (არაგვის მარცხენა შენაკადი) ხეობაში. თემის საკრებულოს ცენტრი (მოიცავს 3 სოფელს: თეზამი, კევლიანი, ცხვარიჭამია). ზღვის დონიდან - 1180 მეტრი, მცხეთიდან - 30 კილომეტრი. 2002 წლის აღწერის მონაცემებით სოფელში ცხოვრობს 75 კაცი.

ცხვედაძე ნიკოლოზ (ნიკო) - საზოგადო მოღვაწე, პედაგოგი, პუბლიცისტი (1845-1911 წწ).

ცხვედიეთი სოფელი დუშეთის მუნიციპალიტეტში (ფასანაურის სადაბო საკრებულო), გუდამაყრის ქედის დასავლეთ კალთაზე, მდინარე მთიულეთის არაგვის მარცხენა მხარეს. ზღვის დონიდან - 1400 მეტრი, დუშეთიდან - 60 კილომეტრი. 2002 წლის აღწერის მიხედვით სოფელში ცხოვრობს 59 კაცი.

ცხვირ - პირველი შემადგენელი რთული ფუძეებისა - ნიშნავს როგორიმე ცხვირის ქონას.

ცხვირა - გრძელი, დიდი ცხვირის მქონე.

ცხვირაშვილი იოსებ - მსახიობი, საქართველოს სახალხო არტისტი (1910-1990 წწ).

ცხვირაწევით - უკადრისად, აგდებით, ამპარტავნულად.

ცხვირაწეული - ამაყი, მედიდური.

ცხვირი

1) ყნოსვის ორგანო ადამიანის სახეზე და ცხოველის დრუნჩზე.

2) წინ წამოშვერილი ნაწილი (მთისა ან რაიმე საგნისა).

ცხვირისატეხელა (Adonis aestivalis) - ერთწლოვანი მცენარე ბაიასებრთა ოჯახისა; იკეთებს წითელ ყვავილს.

ცხვირმოუხოცავი (ცხვირმოუხოცელი) - პატარა, მცირეწლოვანი, ლაწირაკი, ცინგლიანი.

ცხვირსახოცი - თხელი ქსოვილის პატარა ნაჭერი, რომელიც იხმარება ცხვირის მოსაწმენდად.

ცხვირჩამოშვებული - დაღონებული, მოწყენილი.

ცცვირწინ - ძალიან ახლოს, იქვე მახლობლად.

ცხია - ისტორიული სოფელი სამხრეთ საქართველოში, ახლანდელ ახალქალაქის მუნიციპალიტეტში.

ცხიკი - მდინარე მესტიის მუნიციპალიტეტში, თხეიშის მარჯვენა შენაკადი.

ცხილგორა - სოფელი ახალგორის მუნიციპალიტეტში.

ცხილონი - სოფლების ზემო ცხილონისა და ქვემო ცხილონის გავრცელებული სახელწოდება (ახალგორის მუნიციპალიტეტი).

ცხიმეული - სხვადასხვა ცხიმი.

ცხიმეულობა - იგივეა, რაც ცხიმეული.

ცხიმი - ორგანული (მცენარეული ან ცხოველური წარმოშობის) ნივთიერება, რომელშიც წყალი არ იხსნება (ქონი, ზეთი და მისთანები).

ცხიმიანი - ცხიმის შემცველი.

ცხიმიანობა - ცხიმის შემცველობა.

ცხიმოვანა - კეთილთვისებიან კანქვეშა ცხიმოვანი სიმსივნე.

ცხიმოვანი - ცხიმის შემცველი (ბუნებრივად).

ცხინვალი (1931-61 წლებში სტალინირი) - ქალაქი აღმოსავლეთ საქართველოში, სამხრეთ ოსეთის ავტონომიური ოლქის ადმინისტრაციული ცენტრი. მანძილი თბილისიდან - 110 კმ (45 ათასი).

ცხინვალის მუნიციპალიტეტი - ადმინისტრაციულ-ტერიტორიული ერთეული აღმოსავლეთ საქართველოში, სამხრეთ ოსეთში. 1917 წლამდე შედიოდა თბილისის გუბერნიის გორის მაზრაში. თანამედროვე საზღვრებში არსებობს 1965 წლიდან. ფართობი - 981,9 კვ.კმ. 1 ქალაქი, 139 სოფელი.

ცხირეთის ციხე - შუა საუკუნეების ციხესიმაგრე აღმოსავლეთ საქართველოში, შიდა ქართლში, ახლანდელ კასპის მუნიციპალიტეტში.

ცხირი - სოფელი გალის მუნიციპალიტეტში.

ცხმორი - სოფელი ონის მუნიციპალიტეტში.

ცხმორისი - სოფელი ქედის მუნიციპალიტეტში.

ცხნარი - ისტორიული სოფელი აღმოსავლეთ საქართველოში, ქვემო ქართლში, მდინარე ქციის მარცხენა მხარეს (თეთრიწყაროს მუნიციპალიტეტი).

ცხოველი

1) ცოცხალი ორგანიზმი, რომელსაც აქვს მოძრაობისა და შეგრძნების უნარი; სულდგმული (ჩვეულებრივ, ადამიანის გამოკლებით).

2) დიდი, ძლიერი.

ცხოველმყოფელი - სიცოცხლის მომნიჭებელი, მაცოცხლებელი, სულისჩამდგმელი.

ცხოველური

1) ცხოველისაგან მომდინარე, ცხოველისაგან მოპოვებული.

2) ცხოველის დამახასიათებელი; მხეცური, პირუტყვული.

ცხოველქმედობა - ორგანიზმის სასიცოცხლო მოქმედებათა ერთობლიობა.

ცხოვრება

1) არსებობა, სიცოცხლე.

2) თავგადასავალი, გავლილი გზა.

3) მოვლენების ერთობლიობა რაიმე სფეროში; ყოფა-ცხოვრება.

4) ქონება, საცხოვრებელი.

ცხოვრება დონ კიხოტისა და სანჩოსი - ქართული სატელევიზიო მხატვრული ფილმი, 9 სერია. ეკრანებზე გამოვიდა 1969 წელს. დამდგმელი რეჟისორი - რეზო ჩხეიძე. სცენარის ავტორები - მარსიალ სუარესი, სულიკო ჟღენტი, რეზო ჩხეიძე. დამდგმელი ოპერატორი - ლომერ ახვლედიანი. კომპოზიტორი - გია ყანჩელი. მთავარ როლებში: კახი კავსაძე, მამუკა კიკალეიშვილი, რამაზ ჩხიკვაძე, ლეონიდ კურავლიოვი, თამარ სხირტლაძე, ნინო ლაპიაშვილი, ჟანრი ლოლაშვილი, ანასტასია ვერტინსკაია, რუსუდან ბოლქვაძე, ზურაბ ყიფშიძე, ოთარ კობერიძელიკა ჭავჭავაძე, მიხეილ ვაშაძე, მარინა კახიანი.

ცხოვრებისეული - ცხოვრებასთან დაკავშირებული.

ცხოვრებოვი (ცხურბათი) ბორის - მსახიობი, საქართველოს სახალხო არტისტი (1911-1990 წწ).

ცხომარეთი - სოფელი საჩხერის მუნიციპალიტეტში, მდებარეობს რაჭის ქედის სამხრეთ კალთაზე, მდინარე ჯრუჭულის ხეობაში. თემის საკრებულოს ცენტრი (მოიცავს 2 სოფელს: მოხვა, ცხომარეთი). ზღვის დონიდან - 600 მეტრი, საჩხერიდან - 10 კილომეტრი. 2002 წლის აღწერის მონაცემებით სოფელში ცხოვრობს 293 კაცი.

ცხომი - მდინარე ონის მუნიციპალიტეტში, ხევის მარცხენა შენაკადი.

ცხონება - სულის საუკუნო ნეტარება საიქიოში.

ცხონებული

1) ვინც ცხონდა.

2) იტყვიან გარდაცვლილი ადამიანის ხსენებისას მისდამი პატივისცემის გამოსახატავად.

ცხრა

1) რიცხვი და რაოდენობა 9.

2) იხმარება ბევრის, მრავლის გაგებით.

ცხრაასი - რიცხვი და რაოდენობა 900.

ცხრათავიანი - ზღაპრებში - რასაც ცხრა თავი აქვს.

ცხრათვალა - მხურვალე, მცხუნვარე მზის ერთ-ერთი ეპითეტი.

ცხრაკარა

1) ქართულ ხუროთმოძღვრებაში გავრცელებული ტერმინი, უწოდებდნენ ამა თუ იმ ხუროთმოძღვრულ კომპლექსს ან ნაგებობას.

2) იხილე მატანი (2).

ცხრაკეცი - ცხრა ფენად დაკეცილი.

ცხრაკლიტული - ზღაპრებში - მიუვალი საპყრობილე, რომელსაც ცხრა ერთიმეორის მომდევნო დაკეტილი კარი აქვს.

ცხრაკოკიანი - ჭურჭელი (ქვევრი), რომელშიც ცხრა კოკა ჩადის.

ცხრამეტი - რიცხვი და რაოდენობა 19, ათი და ცხრა.

ცხრამუხა - სოფელი ხაშურის მუნიციპალიტეტში.

ცხრატყავა (Lonicera iberica) - საშუალო სიმაღლის დატოტვილი ბუჩქი, ღეროებს ტყავი ადვილად სძვრება, იკეთებს წყვილ-წყვილად მოწითალო-ყვითელ ყვავილებს; ისხამს წვნიან წითელ კენკრას.

ცხრაუღელა - ცხრა უღელში შებმული (ხარ-კამეჩი).

ცხრაფეხა - იგივეა, რაც კიბორჩხალა.

ცხრაფონა - სოფელი ქობულეთის მუნიციპალიტეტში.

ცხრაფურცელა

1) მრავალფენიანი (ნამცხვარი).

2) მრავალფენიანი ცომისაგან გამომცხვარი ფუნთუშა.

ცხრა-ცხრა - თითოზე ცხრა ან ჯერზე ცხრა.

ცხრაძარღვა - იგივეა, რაც მრავალძარღვა.

ცხრაძმა - რკინიგზის სადგური მარაბდა-თეთრიწყაროს ხაზზე.

ცხრა ძმა ხერხეულიძე - მარაბდის ბრძოლაში (1625 წლის 1 იანვარი) გმირულად დაღუპული მებრძოლები.

ცხრაძმისხევი (ცხრაზმისხევი) - ისტორიულ-გეოგრაფიული რეგიონი აღმოსავლეთ საქართველოში, შიდა ქართლში, მდინარე ქსნის ხეობის ზემო წელში.

ცხრაძმულა - მდინარე ახალგორის მუნიციპალიტეტში, ქსნის მარცხენა შენაკადი (სიგრძე - 15 კილომეტრი).

ცხრაწყარო

1) მთა ახალგორის მუნიციპალიტეტში, ხარულის ქედზე (1345 მეტრი).

2) მთა ბორჯომის მუნიციპალიტეტში, თრიალეთის ქედის დასავლეთ ნაწილში (2683 მეტრი).

3) უღელტეხილი ბორჯომის მუნიციპალიტეტში, თრიალეთის ქედზე.

4) სოფელი ზესტაფონის მუნიციპალიტეტში. მდებარეობს მდინარე ყვირილის მარცხენა მხარეს. თემის საკრებულოს ცენტრი. ზღვის დონიდან - 320 მეტრი, ზესტაფონიდან - 3 კილომეტრი. 2002 წლის აღწერის მონაცემებით სოფელში ცხოვრობს 1567 ადამიანი. ისტორიულ წყაროებში პირველად XVIII საუკუნეში მოიხსენიება. აქ იყო იმერეთის მეფეთა ერთ-ერთი რეზიდენცია.

ცხრაჯვარა - მღვიმე ამბროლაურის მუნიციპალიტეტში, ნაქერალის ქედზე.

ცხრაჯვარი - მთა ტყიბულის და ამბროლაურის მუნიციპალიტეტების საზღვარზე, რაჭის ქედზე (სიმაღლე - 1589 მეტრი).

ცხრიანი

1) ცხრის მქონე, ცხრის შემცველი.

2) სათამაშო ქაღალდი (ბანქო), რომელზედაც ცხრა ნიშანია გამოსახული.

ცხრილი

1) თხელი ფიცრის რკალზე ამოკრული ტკეჩის ბადურა ხორცლეულის გასაწმენდად.

2) რისამე ჩამოთვლა ან განაწესი, სვეტაბად, გარკვეული წესით ჩამოწერილი.

ცხრო - ციება, ციებ-ცხელება.

ცხროჭა - ისტორიული სოფელი ახლანდელი ახალციხის მუნიციპალიტეტში.

ცხრუკვეთი - სოფელი ჭიათურის მუნიციპალიტეტში (სვერის თემის საკრებულო), მდებარეობს ჭიათურის პლატოზე, მდინარე საძალისხევის (ყვირილის მარცხენა შენაკადი) მარცხენა მხარეს. ზღვის დონიდან - 600 მეტრი, ჭიათურიდან - 18 კილომეტრი. 2002 წლის აღწერის მონაცემებით სოფელში ცხოვრობს 406 კაცი.

ცხუკუშერი - სოფელი ცაგერის მუნიციპალიტეტში.

ცხუმალდი - სოფელი ლენტეხის მუნიციპალიტეტში.

ცხუმარი - სოფელი მესტიის მუნიციპალიტეტში.

ცხუმი - ქალაქ სოხუმის ადრინდელი ქართული სახელი.

ცხუნკური - სოფელი წყალტუბოს მუნიციპალიტეტში, მდებარეობს ჩრდილოეთ იმერეთის ბორცვიან მთისწინეთში, მდინარე სემის (გუბისწყლის მდგენელი) ნაპირას, წყალტუბო-ცაგერის საავტომობილო გზაზე. თემის საკრებულოს ცენტრი. ზღვის დონიდან - 260 მეტრი, წყალტუბოდან - 15 კილომეტრი. 2002 წლის აღწერის მონაცემებით სოფელში ცხოვრობს 1280 კაცი. სოფელში მდებარეობს ცხუნკურის მღვიმე. ისტორიულ წყაროებში პირველად მოიხსენიება XVI საუკუნეში.