The National Library of Georgia მთავარი - ბიბლიოთეკის შესახებ - ელ.რესურსები
Cover Image
წიგნის დახურვა 0006უნივერსალური ენციკლოპედიური ლექსიკონი (მ-ნ)
ფოლდერის დახურვა
დოკუმენტის ნახვა მა
დოკუმენტის ნახვა მბ
დოკუმენტის ნახვა მგ
დოკუმენტის ნახვა მდ
დოკუმენტის ნახვა მე
დოკუმენტის ნახვა მვ
დოკუმენტის ნახვა მზ
დოკუმენტის ნახვა მთ
დოკუმენტის ნახვა მი
დოკუმენტის ნახვა მკ
დოკუმენტის ნახვა მლ
დოკუმენტის ნახვა მმ
დოკუმენტის ნახვა მნ
დოკუმენტის ნახვა მპ
დოკუმენტის ნახვა მჟ
დოკუმენტის ნახვა მრ
დოკუმენტის ნახვა მს
დოკუმენტის ნახვა მტ
დოკუმენტის ნახვა მუ
დოკუმენტის ნახვა მფ
დოკუმენტის ნახვა მქ
დოკუმენტის ნახვა მღ
დოკუმენტის ნახვა მყ
დოკუმენტის ნახვა მშ
დოკუმენტის ნახვა მჩ
დოკუმენტის ნახვა მც
დოკუმენტის ნახვა მძ
დოკუმენტის ნახვა მწ
დოკუმენტის ნახვა მჭ
დოკუმენტის ნახვა მხ
დოკუმენტის ნახვა მჯ

მი

 

მი

1) წინასართი ზმნისა:
ა) აღნიშნავს მიმართულებას აქედან იქით.
ბ) ზმნის უსრული სახის ფორმას აქცევს სრული სახისად.
გ) აწმყოს ფორმას აძლევს მყოფადის მნიშვნელობას.
დ) ზოგჯერ ზმნას არსებითად უცვლის მნიშვნელობას.

2) (იტალ.) - მუსიკალური გამის მესამე ბგერა რე-სა და ფა-ს შორის, ამ ბგერის აღმნიშვნელი ნოტი.

3) მ. ლ. მილის მიერ შემუშავებული საბჭოური ეპოქის ვერტმფრენის მარკა.

მიაგი - პრეფექტურა იაპონიაში.

მიაგკოვი ანდრეი - თეატრისა და კინოს რუსი მსახიობი, მოღვაწეობს მოსკოვის სამხატვრო თეატრში (დაიბადა 1938 წელს).

მიაზები (ბერძ.) - ადამიანისა და ცხოველის დაავადებანი, რომლებსაც იწვევენ ბუზის მატლები.

მიაზმები (ბერძ.) - რისამე ლპობის შედეგად გაჩენილი შხამიანი ანაორთქლი.

მიაკელინი იურიე ესაიას ემანუელ - ფინეთის მუშათა მოძრაობის მოღვაწე (1875-1923 წწ).

მიაკონოძე - ქალაქი იაპონიაში, კუნძულ კიუსიუზე (135 ათასი).

მიალგია (ბერძ.) - (მედიც.) კუნთების ტკივილის შეტევა.

მიალკი აუგუსტ - ესტონელი მწერალი (1900 - 1979 წწ).

მიამიტი

1) ვინც ადვილად იჯერებს ყველაფერს, ვინც ადვილად ტყუვდება, უეშმაკო, გულუბრყვილო.

2) ასეთი ადამიანის დამახასიათებელი.

მიამიტობა - მიამიტის თვისება.

მიამოტო იურიკო - იაპონელი მწერალი (1899-1952 წწ).

მიამოტო კენძი - იაპონიის კომუნისტური მოძრაობის მოღვაწე (1908-1995 წწ).

მიანიკი ედუარდ - ესტონელი მწერალი (1905 - 1966 წწ).

მიანმა (მიანმარის კავშირი, ადგილობრივ ენაზე - Pyi-daung-zu Myan-ma Naing-ngan-daw, 1989 wlamde birma)
- სახელმწიფო სამხრეთ-აღმოსავლეთ აზიაში, ინდოჩინეთის ნახევარკუნძულის ჩრდილო-დასავლეთ ნაწილში. ჩრდილოეთით მას ესაზღვრება ჩინეთის სახალხო რესპუბლიკა, აღმოსავლეთით - ლაოსი, სამხრეთ-აღმოსავლეთით - ტაილანდი, დასავლეთით - ბანგლადეში, ჩრდილო-დასავლეთით - ინდოეთი; სამხრეთით აკრავს ანდამანის ზღვა, ხოლო სამხრეთ დასავლეთით - ბენგალის ყურე.
- დამოუკიდებლობის დღე (დიდი ბრიტანეთისგან) - 1948 წლის 4 იანვარი.
- ჰიმნი - „Kaba Ma Kyei“.
- მმართველობის ფორმა - სამხედრო ხუნტა.
- სახელმწიფოს და მთავრობის მეთაური - სახელმწიფო საბჭოს თავმჯდომარე.
- ფართობი - 678 500 კვ.კმ.
- შედგება 7 ეროვნული ოლქის და 7 ადმინისტრაციული ოლქისაგან.
- მოსახლეობა - 50,5 მილიონი.
- სიმჭიდროვე - 75 ადამიანი 1 კვ.კმ.-ზე.
- მორწმუნეთა უმრავლესობა ბუდისტები არიან.
- დედაქალაქი - ნაიფიიდო (2005 წლიდან).
- სახელმწიფო ენა - ბირმული.
- ვალუტა - კიატი (ჯა).
- ქვეყნის კოდი - MMR.
- დროის სარტყელი - UTC +6.30.
- სატელეფონო კოდი - +95.
- ინტერნეტ-დომენი - mm.

მიანმარის კავშირი - იხილე მიანმა.

მიანტიურანტა ერო - ფინელი მოთხილამურე, ოლიმპიური თამაშების სამგზის ჩემპიონი სათხილამურო სპორტში 1960 და 1964 წლებში (დაიბადა 1937 წელს).

მიაო - სამხრეთ ჩინეთსა და ვიეტნამში მცხოვრები ხალხი (9 მილიონამდე).

მიასთენია (ბერძ.) - (მედიც.) ნერვული სისტემის მძიმე ქრონიკული დაავადება, რომლისთვისაც დამახასიათებლია კუნთების სწრაფი დაღლა.

მიასი

1) ქალაქი რუსეთის ჩელიაბინსკის ოლქში (170 ათასი).

2) მდინარე რუსეთში, ურალის სამხრეთ ნაწილსა და დასავლეთ ციმბირში, ისეტის მარჯვენა შენაკადი (სიგრძე - 658 კილომეტრი).

მიასკოვსკი ნიკოლა - რუსი კომპოზიტორი, საბჭოთა კავშირის სახალხო არტისტი (1881-1950 წწ).

მიასნიკოვი (ნამდვილი გვარი მიასნიკიანი, ფსევდონიმი - მარტუნი) ალექსანდრე - მაღალჩინოსანი საბჭოთა პარტიული და სახელმწიფო მოღვაწე, ლიტერატორი (1886-1925 წწ).

მიასნიკოვკა (ყოფილი ბებუტოვკა) - ყოფილი სოფელი გულრიფშის მუნიციპალიტეტში.

მიასოედოვი გრიგორი - რუსი ფერმწერი (1834 - 1911 წელი).

მიატევი კრისტე ივანოვ - ბულგარელი არქეოლოგი და ხელოვნების ისტორიკოსი (1892 - 1966 წწ).

მიაძავა კიიტი - იაპონიის პრემიერ-მინისტრი 1991-93 წლებში.

მიაძაკი - ქალაქი იაპონიაში, კუნძულ კიუსიუზე, ამავე სახელწოდების პრეფექტურის ადმინისტრაციული ცენტრი (295 ათასი).

მიახლოებითი - იგივეა, რაც დაახლოებითი.

მიახლოებული - ვინც, რაც მიუახლოვდა რასმე.

მიბაძვა

1) ავტორის მიერ თავისი ნაწარმოების სხვა მწერლის ნაწარმოებთან შეგნებულად დამსგავსება.

2) ზოგადად - მიმსგავსება, იმიტაცია.

მიბნედილი - ვინც მიიბნიდა, რაც მიებნიდათ.

მიბნელებული - ცოტათი დაბნელებული.

მიბნეული - რაც მიაბნიეს.

მიბჟუტული

1) რაც მიიბჟუტა.

2) (გადატანით) თითქმის მოხუჭული, მიმქრალი.

მიგარია - მთა მარტვილის და ჩხოროწყუს მუნიციპალიტეტებში, ეგრისის ქედზე (2024 მეტრი).

მიგელ ბრაგანსელი (მიგელ მარია ევარიშტუ დი ბრაგანსა) - პორტუგალიის მეფე (1802-1866 წწ).

მიგელის ომები - სამოქალაქო ომები პორტუგალიაში აბსოლუტიზმის მომხრეებსა და კონსტიტუციის მომხრეებს შორის 1823-34 წლებში.

მიგი - ა.მიქოიანის და მ.გურევიჩის მიერ შემუშავებული საბჭოთა ეპოქის ვერტმფრენის მარკა.

მიგიენი (ნამდვილი სახელი და გვარი მილოშ დიერდ ნიკოლა) - ალბანელი მწერალი (1911-1938 წწ).

მიგირლო - სოფელი ბოლნისის მუნიციპალიტეტში.

მიგმატიტი - არაერთგვაროვანი, შერეული ქანი.

მიგორებული - რაც მიგორდა.

მიგრანტი (ლათ.)

1) ადამიანი, რომელიც საცხოვრებლად გადადის ერთი ადგილიდან მეორეზე.

2) (ბიოლ.) ცხოველი, რომელიც მიგრაციას განიცდის.

მიგრაცია (და მიგრირება) (ლათ.)

1) ადამიანების, ხალხთა გადასახლება ქვეყნის შიგნით ან მის საზღვრებს გარეთ.

2) (ბიოლ.) ცხოველთა გადაადგილება ცხოვრების პირობების შეცვლის ან განვითარების ციკლის გავლის შედეგად.

3) რაიმე ელემენტების, უჯრედების გადაადგილება, გადანაწილება.

მიგრენი (ფრანგ.) - თავის ნერვული დაავადება, თავის ძლიერი ტკივილი, ჩვეულებრივ, ცალ მხარეს (ქართული სინონიმია შაკიკი).

მიგრეხ-მოგრეხილი - დაკლაკნილი.

მიგრიაულები - სოფელი დუშეთის მუნიციპალიტეტში (ხეობის თემის საკრებულო), ქართლის ქედის დასავლეთ კალთაზე, მდინარე წირდალისხევის (არაგვის მარცხენა შენაკადი) ნაპირას. ზღვის დონიდან - 1480 მეტრი, დუშეთიდან - 31 კილომეტრი. 2002 წლის აღწერის მიხედვით სოფელში ცხოვრობს 19 კაცი.

მიგრიაულთა - სოფელი დუშეთის მუნიციპალიტეტში (მაღაროსკარის თემის საკრებულო), გუდამაყრის ქედის აღმოსავლეთ კალთაზე, მდინარე ფშავის არაგვის მარჯვენა მხარეს. ზღვის დონიდან - 1400 მეტრი, დუშეთიდან - 46 კილომეტრი. 2002 წლის აღწერის მიხედვით სოფელში ცხოვრობს 20 კაცი.

მიგროვებული - გროვად დადგმული ან დაყრილი იქით, გვერდზე.

მიდამო - რაიმე ადგილის გარემომცველი სივრცე, ახლომახლო ადგილები, არემარე, გარემო.

მიდასი

1) ბერძნული მითების პერსონაჟი, წყაროთა ღვთაება და ტყის დემონი.

2) ფრიგიის მეფე (ძვ.წ.აღ. 738 - 696 წწ).

მიდგარდი - სკანდინავიური მითოლოგიის თანახმად, ადამიანებით დასახლებული სამყარო.

მიდებული - რაც მიადეს, მიიდეს ან მიედო.

მიდელაანი - სოფელი ახალგორის მუნიციპალიტეტში.

მიდელბურგი - ქალაქი ნიდერლანდში. ზელანდიის პროვინციის ადმინისტრაციული ცენტრი (40 ათასი).

მიდელი (მიდლი) (ჰოლან.) - (ზღვ.) გემის შუა, ყველაზე განიერი ნაწილი.

მიდენდორფი ალექსანდრე - რუსი ბუნებისმეტყველი და მოგზაური (1815-1894 წწ).

მიდი უორენ ჯადსონ - ამერიკელი გეოლოგი (1883-1960 წწ).

მიდი ჯეიმზ ედუარდ - ინგლისელი ეკონომისტი, 1978 წლის ნობელის პრემიის ლაურეატი ბ.ულინთან ერთად (1907-1995 წწ).

მიდი ჯორჯ ჰერბერტ - ამერიკელი ფილოსოფოსი და სოციალური ფსიქოლოგიის სპეციალისტი (1863-1931 წწ).

მიდი (ჰუვერი) - წყალსაცავი აშშ-ში, მდინარე კოლორადოზე (ნევადის შტატი).

მიდია - ირანის ჩრდილო-დასავლეთ ნაწილში მდებარე ისტორიული სახელმწიფო ძვ.წ.აღ. VII-VI საუკუნეებში, დედაქალაქი - ეკბატანა.

მიდიები - ორსაგდულიანი მოლუსკები, გავრცელებული არიან მსოფლიო ოკეანის ზომიერ ან ტროპიკულ წყლებში, წმენდენ წყალს მასში შეწონილი ნაწილაკებისაგან, ამიტომ იწოდებიან „წყლის სანიტრებად“.

მიდლენდი - დაბლობი დიდ ბრიტანეთში.

მიდლოუდიანი - საგრაფო დიდ ბრიტანეთში, შოტლანდიაში.

მიდლსბრო (მიდლზბრო) - ქალაქი დიდ ბრიტანეთში, ინგლისში. კლივლენდის საგრაფოს ადმინისტრაციული ცენტრი (145 ათასი).

მიდლსექსი - საგრაფო დიდ ბრიტანეთში (1965 წლიდან ლონდონის კონურბაციაში).

მიდლტონი - ქალაქი დიდ ბრიტანეთში, სამხრეთ-აღმოსავლეთ ლანკაშირის კონურბაციაში.

მიდლტონი ტომას - ინგლისელი დრამატურგი (1580-1627 წწ).

მიდრაში - ჰომილეტიკური (დამოძღვრის ხასიათის მქონე) ლიტერატურული ჟანრი ებრაულ სამყაროში.

მიდრეკილება - სწრაფვა, ლტოლვა რამესადმი, რისამე განწყობილება, ხალისი, ნიჭი, უნარი.

მიდრეკილი - ვინც, რაც მიდრიკეს ან მიიდრიკა.

მიდუეი - მარჯნის კუნძული წყნარ ოკეანეში, ჰავაის არქიპელაგში.

მიდჰათ-ფაშა აჰმედ - ოსმალეთის სახელმწიფო მოღვაწე, დიდი ვეზირი, პირველი თურქული კონსტიტუციის (1876 წ) ერთ-ერთი ავტორი (1822-1884 წწ).

მიე - პრეფექტურა იაპონიაში, კუნძულ ჰონსიუს ცენტრალურ ნაწილში.

მიედა ნდრე - ალბანელი პოეტი და საზოგადო მოღვაწე (1866-1937 წწ).

მიეთმოეთი (საუბ.)

1) ვინც მიედ-მოედება, ვისაც უთავბოლო, აბდაუბდა ლაპარაკი სჩვევია.

2) იგივეა, რაც მიეთმოეთობა.

მიეთმოეთობა (საუბ.) - უთავბოლოდ ლაპარაკი, აბდაუბდის ლაპარაკი.

მიეი (მერგუი)

1) არქიპელაგი ანდამანის ზღვაში.

2) ქალაქი-პორტი მიანმაში (230 ათასი).

მიელეცი - ქალაქი პოლონეთის ჟეშუვის სავოევოდოში.

მიელიტი (ბერძ.) - ზურგის ტვინის ანთება.

მიელოლევკოზი - ქრონიკული ლევკოზის ფორმა.

მიელოციტები (ბერძ.) - ძვლის ტვინის უჯრედები, რომლებისგანაც წარმოიქმნება სისხლის მარცვლოვანი თეთრი სხეულაკების (გრანულოციტების) ყველა ფორმა.

მიერ - თანდებული: იხმარება ნათესაობით ბრუნვაში წინამავალ სახელთან ერთად.

მიერესი - ქალაქი ესპანეთის ასტურიის პროვინციაში (70 ათასი).

მიეროსლავსკი ლუდვიკ - პოლონეთის პოლიტიკური მოღვაწე (1814-1878 წწ).

მიესა (მიესენი) - ტბა ნორვეგიაში (სიღრმე 449 მეტრი).

მიესენი - იხილე მიესა.

მიეშკო I მეჩისლავ - პოლონეთის ისტორიულად დადასტურებული პირველი მთავარი პიასტების დინასტიისა (გარდაიცვალა 992 წელს).

მივარდნილი

1) ვინც, რაც მივარდა.

2) შორეული, განაპირა, მიყრუებული, ძნელად მისასვლელი.

მივატნი - ტბა ისლანდიაში.

მივიწყებული - ვინც, რაც მიივიწყეს.

მივლინება - სამსახურებრივი დავალებით ან სასწავლო, სამედიცინო და ა.შ. მიზნით გაგზავნა სადმე.

მივლინებული - ვინც მიავლინეს.

მიზა - ადგილ-მამულის სახელი ესტონეთში.

მიზანდარი ალოიზ - ქართველი პიანისტი, კომპოზიტორი და პედაგოგი, ქართული პიანისტური სკოლის ფუძემდებელი (1838-1912 წწ).

მიზანდარი გივი - მოქანდაკე (დაიბადა 1932 წელს).

მიზანდარი ვალერიან - მოქანდაკე, საქართველოს სახალხო მხატვარი (1911-1982 წწ).

მიზანდასახული - გარკვეული მიზნით წამოწყებული, შესრულებული.

მიზანდასახულობა (წიგნ.) - დასახული მიზანი, ამოცანა, დანიშნულება.

მიზანთროპი (ბერძ.) - პირი, რომელიც ადამიანებს, საზოგადოებას გაურბის, უჟმური, კაცთმოძულე.

მიზანთროპია - ადამიანთა სიძულვილი, კაცთმოძულეობა.

მიზანი

1) რაც უნდა განახორციელონ, რისკენაც მიისწრაფვიან, რასაც უნდა მიაღწიონ.

2) ადგილი ან საგანი, წერტილი, რომელსაც უნდა მოახვედრონ.

მიზანსცენა (ფრ.) - სასცენო მოწყობილობის და მსახიობების განლაგება წარმოდგენის ამა თუ იმ მომენტში.

მიზანსწრაფვა (წიგნ.) - რაიმე გარკვეული მიზნისაკენ სწრაფვა, მისწრაფება, მიზანდასახულობა.

მიზანშეუწონელი - რაც მიზანშეწონილი არ არის.

მიზანშეწონილი - დასახული მიზნის შესაფერი, გარკვეული თვალსაზრისით გამართლებული, გონივრული, პრაქტიკულად სასარგებლო.

მიზანშეწონილობა - მიზანშეწონილის თვისება, დასახული მიზნის შესაფერისობა.

მიზეზი

1) მოვლენა, გარემოება, რომელიც იწვევს, ხელს უწყობს ახალი მოვლენის წარმოშობას.

2) საფუძველი, საბაბი რაიმე მოქმედებისათვის.

მიზეზიანი

1) ვინც რისამე მიზეზს ეძებს, შარიანი, ჟინიანი, ჭირვეული.

2) (გადატანით) სადავიდარაბო, საშარო.

მიზეზ-მიზეზ - მიზეზი რომ არ აქვს, მიზეზი რომ ვერ მოუნახავს.

მიზეზობრივი (წიგნ.) - მიზეზით განპირობებული, მიზეზით გამოწვეული.

მიზეზობრიობა (ფილოს.) - გენეტიკური კავშირი მოძრავი მატერიის კონკრეტულ სახეობებსა და ფორმებს შორის.

მიზერიკორდი - შუა საუკუნეების დასავლეთ ევროპაში გავრცელებული ცივი იარაღი, პატარა ხანჯალი.

მიზესი ჟაკ იაკობ - გერმანელი მოჭადრაკე, საერთაშორისო დიდოსტატი (1865-1954 წწ).

მიზესი ლუდვიგ ფონ - ამერიკელი ეკონომისტი (1881-1973 წწ).

მიზესი რიხარდ - გერმანელი მათემატიკოსი და მექანიკოსი (1883-1953 წწ).

მიზიანო ფრანჩესკო - იტალიისა და საერთაშორისო მუშათა მოძრაობის მოღვაწე (1884-1936 წწ).

მიზიდული - რაც მიიზიდეს.

მიზიდულობა - ფიზიკაში - ყოველი ორი სხეულის თვისება მიიზიდონ ერთმანეთი.

მიზითხი - წარმართული ხანის ხალხური რიტუალური ცეკვა, გავრცელებული იყო აფხაზეთში.

მიზისები - უხერხემლო ცხოველთა რიგი უმაღლესი კიბოსნაირების ქვეკლასისა.

მიზნობრივი - განსაზღვრული მიზნისათვის დანიშნული, გარკვეული მიზნის მქონე.

მიზომილი - რაც მიუზომეს.

მიზორამი - შტატი ინდოეთის ჩრდილო-აღმოსავლეთ ნაწილში, ადმინისტრაციული ცენტრი - აიჯალი.

მიზოფობია - დანაგვიანების, გაჭუჭყიანების აკვიატებული შიში.

მიზრაფი - თხელი პატარა ფირფიტა თარის დასაკრავად, თანამედროვე მედიატორის ანალოგი.

იზღვავებული - ვინც, რაც მიზღვავდა.

მითავაზებული - რაც მისთავაზეს ვისმე.

მითაიშვილი ლილიანა - ბალერინა, საქართველოს სახალხო არტისტი (დაიბადა 1937 წელს).

მითანი (მაითანი) - უძველესი სამეფო ჩრდილოეთ შუამდინარეთში, იეროგლიფურ წყაროებში იხსენიება „ნაჰარინის“.(ორმდინარეთის) სახელწოდებით.

მითელი - ლეიბის, საბნის და მისთანების შიგნით პირი, რომელშიც ბუმბული, მატყლი ან ბამბაა მოთავსებული.

მითვისება - სხვისი ქონების მისაკუთრება იმ პირის მიერ, რომელიც ამ ქონებას დროებით, არაკანონიერად ფლობდა.

მითვისებული - რაც მიითვისეს.

მითვლილი

1) თვლისას მიმატებული, სათვალავში ჩაგდებული.

2) თვლით მიღებული, ჩაბარებული.

მითი (ბერძ.) - ძველი ხალხური თქმულება ქვეყნის წარმოშობაზე, ღმერთებზე და ლეგენდარულ გმირებზე.

მითითება - ადმინისტრაციული სასჯელი მცირე სამსახურებრივი დანაშაულისა.

მითიური - მითის ხასიათის მქონე.

მითო - ქალაქი-პორტი ვიეტნამში, ტიემზინგის პროვინციის ადმინისტრაციული ცენტრი.

მითოლოგია (ბერძნ.)

1) მეცნიერება მითების შესახებ.

2) მითების ერთობლიობა.

მითოლოგიური - მითოლოგიის ხასიათისა.

მითრა (სპარს.) - ძველი ირანის, ძველი ინდოეთისა და ზოგი სხვა ქვეყნის რელიგიაში, მზის, სინათლის, სიწმინდისა და სიმართლის ღმერთი.

მითრაიზმი - ძველი ირანის, ინდოეთისა და ზოგი სხვა ქვეყნის რელიგიაში - მითრას კულტი, აღმოცენდა ზოროასტრიზმის ნიადაგზე, ახალი წელთაღრიცხვით პირველ საუკუნეებში ფართოდ გავრცელდა რომის იმპერიაში, ქრისტიანობამ მისგან ისესხა ზიარების წეს-ჩვეულება, ჯვრის სიმბოლო, შობის დღესასწაული და სხვა.

მითრიდატე

1) კოლხეთის მმართველი ძვ.წ.აღ. I საუკუნეში.

2) ქართლის მეფის მითრიდატე I-ის ძე, მეფობდა სომხეთში 35-51 წლებში.

მითრიდატე I

1) ქართლის (იბერიის) მეფე I საუკუნის დასაწყისში.

2) (არშაკ VI) - პართიის მეფე (გარდაიცვალა დაახლოებით 136 წელს).

მითრიდატე II - ქართლის (იბერიის) მეფე I საუკუნის 70-იან წლებში, ფარსმან I-ის ძე.

მითრიდატე III - ქართლის (იბერიის) მეფე, იხსენიება რომში ნაპოვნი საფლავის ქვის წარწერაში, რომელიც 114-115 წლებით თარიღდება.

მითრიდატე IV (მირდატი) - ქართლის მეფე IV საუკუნის 60-70-იან წლებში.

მითრიდატე V (მირდატი) - ქართლის მეფე III საუკუნის დასასრულს.

მითრიდატე VI (მირდატი) - ქართლის მეფე V საუკუნის 10-20-იან წლებში..

მითრიდატე VI ევპატორი (დიონისე) - პონტოს მეფე ძვ.წ.აღ. 121 წლიდან (ძვ. წ.აღ. 132 - 63 წწ).

მითრიდატე VII (მირდატი) - ქართლის მეფე V საუკუნის შუაწლებში.

მითრიდატე VIII - ბოსფორის სახელმწიფოს მეფე 40-45 წლებში (გარდაიცვალა 68 წელს).

მითური

1) მითთან, მითებთან დაკავშირებული.
2) ზღაპრული, ლეგენდარული.
3) შეთხზული, გამონაგონი, მოჩმახული.

მითქმა-მოთქმა - რაიმე საქმის გამო ატეხილი ლაპარაკი, ჭორაობა.

მიიზაკიული - ქალაქი ესტონეთში.

მიიკე - ქალაქი-პორტი იაპონიის იაპონიის ფუკუკოს პრეფექტურაში.

მიიო დარიუს - ფრანგი კომპოზიტორი, დირიჟორი, მუსიკის კრიტიკოსი და პედაგოგი (1892-1974 წწ).

მიიჩინა - ქალაქი მიანმაში, კაჩინის ეროვნული ოლქის ადმინისტრაციული ცენტრი (50 ათასი).

მიკადო (იაპ.) - იაპონიის იმპერატორთა ტიტული.

მიკაელისი კარინ (ქალიშვილობაში კატარინა ბეკი) - დანიელი მწერალი ქალი (1872-1950 წწ).

მიკაელისი სოფუს ავგუსტ ბერტელ - დანიელი მწერალი და კრიტიკოსი (1865-1932 წწ).

მიკანიტი (ლათ.) - ქარსისა და მჭიდა ნივთიერებათაგან დამზადებული ფენოვანი საიზოლაციო მასალა, იყენებენ ელექტროტექნიკაში.

მიკაფოლიუმი (ლათ.) - ელექტროსაიზოლაციო მასალა მაღალი ძაბვის ელექტრული დანადგარებისათვის, წარმოადგენს ქაღალდს, რომელზედაც დაწებებულია ნაწეწი ქარსის ფენები.

მიკელინსკასი იონას - ლიტველი მწერალი (დაიბადა 1922 წელს).

მიკელოცო დი ბარტოლომეო - იტალიელი არქიტექტორი და მოქანდაკე (1396-1472 წწ).

მიკელსენი კრისტიან - ნორვეგიის პრემიერ-მინისტრი 1905-07 წლებში (1857-1925 წწ).

მიკელუჩი ჯოვანი - იტალიელი არქიტექტორი (1891-1985 წწ).

მიკენასი ვლადას - ესტონელი მოჭადრაკე, საერთაშორისო დიდოსტატი (1910-1995 წწ).

მიკენასი იუოზას - ლიტველი მოქანდაკე, საბჭოთა კავშირის სახალხო მხატვარი (1901-1964 წწ).

მიკენე - უძველესი ქალაქი სამხრეთ საბერძნეთში (არგოლიდაში).

მიკენის კულტურა - ბრინჯაოს ხანის კულტურა, კრეტა-მიკენის კულტურის ბოლო საფეხური (ძვ.წ.აღ. XVI-XII სს).

მიკერძება (ძვ.) - იგივეა, რაც მიკერძოება.

მიკერძოება - უსამართლოდ უპირატესობის მინიჭება, მხარის დაჭერა ვინმესათვის, მიდგომა.

მიკერძოებული - უსამართლოდ ცალმხრივი, არაობიექტური.

მიკვირია (საუბ.) - ვისაც ყველაფერი უკვირს, მატაოცი.

მიკვლეული - რასაც მიაკვლიეს, მიგნებული.

მიკიბ-მოკიბული - რაც მიკიბ-მოკიბეს, აბნეული, ნართაული, მოჩმახული.

მიკივერი მიკ - ესტრადის ესტონელი მსახიობი, რეჟისორი, საბჭოთა კავშირის სახალხო არტისტი (დაიბადა 1937 წელს).

მიკიმოტო - ხელოვნური მარგალიტის მწარმოებელი იაპონური ფირმა. დაარსებულია 1890 წელს.

მიკირები - ინდოეთში, ასამის შტატში მცხოვრები ხალხი.

მიკიტანი - სამიკიტნოს პატრონი და დახლიდარი.

მიკიტენკო ივანე - უკრაინელი მწერალი (1897-1937 წწ).

მიკიშა მიხაილ - უკრაინელი მომღერალი (დრამატული ტენორი) (1885-1971 წწ).

მიკლაკნილ-მოკლაკნილი - მიგრეხილ-მოგრეხილი, მიხვეულ-მოხვეული.

მიკლუხო-მაკლაი ნიკოლაი - რუსი ეთნოგრაფი, ავსტრალიის და ოკეანეთის მკვლევარი (1846-1888 წწ).

მიკმაკები - ალგონკინების ჯგუფის ინდიელი ხალხი, ბინადრობენ კანადის კვებეკის პროვინციაში.

მიკმენდილი - ძალზე მისუსტებული, ოდნავ გასაგონი ხმა.

მიკნავებული - ვინც, რაც მიკნავდა, ძალაგომელეული.

მიკობაქტერიები (ბერძ.) - აქტინომიცეტების მონათესავე ბაქტერიები, ცალკეული სახეობანი იწვევენ ადამიანის დაავადებებს.

მიკოზი (ბერძ.)

1) საერთო სახელწოდება ადამიანისა და ცხოველის სხვადასხვა დაავადებისა, რომელთაც პარაზიტი სოკოები იწვევენ.

2) რთული სიტყვის ბოლო შემადგენელი ნაწილი, ნიშნავს სოკოვან დაავადებებს.

მიკოლაიტის-პუტინასი ვინცას - ლიტვის სახალხო მწერალი (1893-1967 წწ).

მიკოლაიჩიკი სტანისლავ - პოლონეთის ემიგრანტული მთავრობის პრემიერ-მინისტრი 1943-44 წლებში (1901-1966 წწ).

მიკოლოგია (ბერძ.) - ბოტანიკის ნაწილი, რომელიც სოკოებს სწავლობს.

მიკონკილ-მოკონკილი - კონკებით ბევრ ადგილზე დაკერებული.

მიკორიზა (ბერძ.) - (ბოტან.) სოკოს მიცელიუმისა და უმაღლესი მცენარის ფესვის ურთიერთსასარგებლო თანაცხოვრება (სიმბიოზი).

მიკოსებული (საუბ.) - რაც მიაკოსეს ან მიეკოსება.

მიკოტროფული მცენარეები (მიკოტროფები) - (ბოტან.) მცენარეები, რომლებიც ქმნიან მიკორიზას და საკვებ ნივთიერებებს იღებენ ნიადაგიდან, ფესვებში ჩასახლებული სოკოების დახმარებით.

მიკოშა ვლადისლავ - რუსი კინოოპერატორი და რეჟისორი, საბჭოთა კავშირის სახალხო არტისტი (დაიბადა 1909 წელს).

მიკრო - რთული სიტყვების პირველი შემადგენელი ნაწილი აღნიშნავს:

1) ძალიან პატარას, წვრილს.
2) რაც დაკავშირებულია ძალიან პატარა საგნების, სიდიდეების შესწავლასთან.

მიკროავტობუსი (ბერძ.) - პატარა ავტობუსი (10-12 ადგილიანი).

მიკროამპერი (ელექტ.) - ამპერის მემილიონედი ნაწილი.

მიკროამპერმეტრი - მიკროამპერების გასაზომი ხელსაწყო.

მიკროანალიზი (ბერძ.) - მიკროქიმიის ნაწილი, თვისებრივი და რაოდენობრივი ქიმიური ანალიზის ისეთი მეთოდების ერთობლიობა, რომელთა დროსაც ანალიზი სრულდება მცირე მოცულობით და ნივთიერებათა მცირე რაოდენობით.

მიკრობაროგრაფი (ბერძ.) - ბაროგრაფი, რომლითაც ხდება ატმოსფერული წნევის ცვლილებათა ავტომატური რეგისტრაცია დიდი სიზუსტით.

მიკრობი (ბერძ.) - უმარტივესი ცხოველური ან მცენარეული ორგანიზმი, რომელიც მხოლოდ მიკროსკოპით შეიძლება დავინახოთ.

მიკრობიოლოგია - მეცნიერება, რომელიც მიკრობებს სწავლობს.

მიკროგლოსარიუმი (ბერძ.) - (ლინგვ.) რაიმე ერთი დარგის ლექსიკონი, რომელსაც შეადგენენ ხოლმე მანქანური თარგმანის საჭიროებისათვის.

მიკროდენსიტომეტრი (ბერძ.) - იგივეა, რაც მიკროფოტომეტრი.

მიკროდისექცია (ბერძ.) - იგივეა, რაც მიკრურგია .

მიკროელემენტები (ბერძ.) - ქიმიური ელემენტები, რომლებიც მოიპოვება მცენარეულ და ცხოველურ ორგანიზმებში (პროცენტის მეათასედი ნაწილების რაოდენობით).

მიკროვოლტი (ელექტ.) - ვოლტის მემილიონედი ნაწილი.

მიკროინსტრუმენტები (ბერძ.) - პატარა ლაბორატორიული ინსტრუმენტები.

მიკროკეფალი (ბერძ.) - (ანთროპ.) ადამიანი, რომელსაც არანორმალურად პატარა თავი აქვს.

მიკროკეფალია (ანთროპ.) - თავის ქალის არანორმალური სიპატარავე.

მიკროკლიმატი - პატარა სივრცის კლიმატი, რაც განპირობებულია ადგილის თავისებურებით (ტყით, მინდვრით, ჭაობით და სხვა).

მიკროკლინი (ბერძ.) - ქანწარმომქმნელი მინერალი მინდვრის შპატის ჯგუფისა, შედის გრანიტების, პეგმატიტების, გნაისების შემადგენლობაში, კერამიკული მრეწველობის უმნიშვნელოვანესი ნედლეულია.

მიკროკოკები (ბერძ.) - ბურთისებრი ბაქტერიები, რომელთაგან ზოგი სახეობები ჩირქოვან დაავადებათა გამომწვევნი არიან.

მიკროკოსმოსი (ბერძ.) - უმცირეს სიდიდეთა (ატომების, ელექტრონების და სხვა) სამყარო.

მიკროკრისტალური - უწვრილესი კრისტალებისაგან შემდგარი.

მიკროლანდშაფტი (ბერძ.) - მიწის ნაკვეთი, რომელიც განსხვავებულია ახლომახლო ადგილებისაგან რაიმე ნიშნებით (ჭაობი ან ტყე მინდორში და სხვა).

მიკროლითები (ბერძნ.)

1) (გეოლ.) პაწაწა, მიკროსკოპული პრიზმული კრისტალები ეფუზიური ქანების ძირითადი მასისა.
2) (არქეოლ.) გეომეტრიული ფორმის მინიატურული ქვის იარაღები მეზოლითის ეპოქის პირველყოფილი ადამიანისა.

მიკროლიტრაჟიანი (ბერძ.) - (მიკროლიტრაჟიანი ავტომობილი) მსუბუქი ავტომობილი, რომელიც განკუთვნილია ძირითადად ინდივიდუალური სარგებლობისათვის, აგრეთვე სპეციალური სამსახურებისათვის.

მიკრომანიპულატორი (ბერძ.) - ლაბორატორიული ხელსაწყო, რომლის საშუალებითაც ხერხდება მიკროინსტრუმენტების ფაქიზი და ზუსტი მოძრაობა და სრულდება რთული ოპერაციები მიკროსკოპის ქვეშ მოთავსებულ უჯრედზე.

მიკრომანომეტრი (ბერძ.) - მგრძნობიარე მანომეტრი წნევის მცირე სხვაობათა გასაზომად.

მიკრომეტრი (ბერძ.)

1) უმცირეს ხაზოვან სიდიდეთა ზუსტად გასაზომი ხელსაწყო.
2) მიკრონის ახალი სახელწოდება (1967 წლიდან)

მიკრომეტრია - უმცირესი ხაზებისა და ნაწილების გაზომვა.

მიკრომინიატურიზაცია (ბერძ.) - რისამე ზომების მკვეთრი შემცირება.

მიკრონაწილაკები (ბერძ.) - ძალიან მცირე მასის მქონე ნაწილაკები, ისეთები, როგორიცაა ელემენტარული ნაწილაკები, აგრეთვე ატომგულები, ატომები, მოლეკულები.

მიკრონეზია

1) წყანარი ოკეანის დასავლეთ ნაწილში მდებარე კუნძულთა საერთო სახელი (დაახლოებით 1500 პატარა, ძირითადად მარჯნის კუნძული).
2) იხილე მიკრონეზიის ფედერაციული შტატები.

მიკრონეზიის ფედარაციული შტატები (ინგლ. Federated States of Micronesia).

- სახელმწიფო წყნარი ოკეანის დასავლეთ ნაწილში, კაროლინის არქიპელაგის კუნძულებზე, ახალი გვინეის სანაპიროს ჩრდილოეთით,
- ფორმალური დამოუკიდებლობა მიიღო აშშ-სგან 1986 წლის 3 ნოემბერს.
- ეროვნული დევიზი - „Peace Unity Liberty“ (მშვიდობა, ერთობა, თავისუფლება).
- ჰიმნი - „Patriots of Micronesia“` (მიკრონეზის პატრიოტები).
- მმართველობის ფორმა - რესპუბლიკა.
- სახელმწიფოს და მთავრობის მეთაური - პრეზიდენტი.
- საკანონმდებლო ორგანო - ეროვნული კონგრესი.
- ფართობი - 702 კვ.კმ.
- შედგება 4 შტატისგან.
- მოსახლეობა - 108 ათასი.
- სიმჭიდროვე - 157 ადამიანი 1 კვ.კმ.-ზე.
- სარწმუნოება - ქრისტიანობა (პროტესტანტები და კათოლიკები).
- ოფიციალური ენა - ინგლისური.
- დედაქალაქი - პალიკირი.
- ვალუტა - აშშ-ს დოლარი.
- დროის სარტყელი - UTC +10.
- სატელეფონო კოდი - +691.
- ინტერნეტ-დომენი - fm.

მიკრონი (ბერძ.) - მეტრის მემილიონედი ანუ მილიმეტრის მეათასედი ნაწილი (სახელწოდება „მიკრონი“ გაუქმებულია ზომა-წონის მე-13 გენერალური კონფერენციის მიერ (1967 წ) მისი რეკომენდაციით ამ ერთეულს ეწოდება მიკრომეტრი).

მიკროორგანიზმები - საერთო სახელწოდება მიკროსკოპულ ცოცხალ არსებათა, რომლებიც მიეკუთვნებიან უდაბლეს ორგანიზმებს (ასეთებია: ბაქტერიები, აქტინომიცეტები, საფუარები, ობის სოკოები, მიკროსკოპული წყალმცენარეები, უმარტივესნი).

მიკროპარკირება - ავტომობილების მოთავსება თანამედროვე დიდი ქალაქის სხვადასხვა ადგილებში მოწყობილ სპეციალურ ავტოსადგომებში.

მიკროპილე (ბერძ.)

1) (ზოოლ.) მწერების, ობობების, ზოგი მოლუსკის, ზოგი თევზის და სხვა ცხოველების კვერცხის გარსში არსებული ერთი ან რამდენიმე ნახვრეტი, რომლებიდანაც კვერცხში შედის სპერმატოზოიდი.
2) (ბოტან.) უმაღლესი თესლოვანი მცენარეების თესლკვირტის წვეროზე არსებული ნახვრეტი, საიდანაც (დამტვერვის დროს) შედის მტვრის მილი.

მიკროპროცესორი - ინფორმაციის დამუშავების პროგრამულად მართული მოწყობილობა, რომელიც შესრულებულია ერთ კრისტალზე ან რამდენიმე დიდ ინტეგრალურ სქემაზე, იყენებენ ელექტრონულ გამომთვლელ მიკრომანქანებში, ავტომატური მართვის სისტემებში.

მიკრორაიონი - რაიონის უმცირესი ერთეული, კომპაქტურად დასახლებული ადგილი.

მიკრორელიეფი - ადგილის რელიეფი, სადაც სიმაღლეებს შორის სხვაობა რამდენიმე მეტრია.

მიკროსეისმები (ბერძ.) - დედამიწის სულ უმნიშვნელო რყევები, რომლებსაც იწვევენ ციკლონები და ტაიფუნები.

მიკროსკოპი (ბერძ.) - ოპტიკური ხელსაწყო ძლიერ გამადიდებელი შუშით, იხმარება თვალით უხილავი საგნებისა და ორგანიზმების დასათვალიერებლად.

მიკროსკოპია

1) პრაქტიკული დისციპლინა, რომელიც სწავლობს მიკროსკოპის მოწყობილობასა და გამოყენებას, აგრეთვე მიკოროსკოპული პრეპარატების მომზადებას.
2) რისამე შესწავლა მიკროსკოპის საშუალებით.

მიკროსკოპული

1) რაც მიკროსკოპის გამოყენებით ხდება.

2) რაც მხოლოდ მიკროსკოპით შეიძლება დავინახოთ, ძალიან პატარა.

მიკროსოციოლოგია (ბერძ.) - სოციოლოგიის ერთ-ერთი მიმართულება, მისი უფრო გავრცელებული სახელწოდებაა სოციომეტრია.

მიკროსპორანგიუმი (ბერძ.) - (ბოტან.) სპორანგიუმი, რომელშიც ვითარდება მიკროსპორები.

მიკროსპორები (ბერძ.) - (ბოტან.) წვრილი სპორები, რომლებისგანაც ვითარდება მხოლოდ მამრობითი წანაზარდები.

მიკროსპოროფილი (ბერძ.) - (ბოტან.) მცენარის სახეცვლილი ფოთოლი, რომელზედაც ვითარდებიან მიკროსპორანგიუმები.

მიკროსტრუქტურა - მაგარ ნივთიერებათა აგებულება, რის დანახვაც უმიკროსკოპოდ არ შეიძლება.

მიკროტომი (ბერძ.) - ლაბორატორიული ხელსაწყო, რომლითაც იღებენ ცხოველთა და მცენარეთა ქსოვილის ანათალს მისი აგებულების შესასწავლად მიკროსკოპის საშუალებით.

მიკროტონი (ბერძ.) - (ფიზ.) ელექტრონების მაჩქარებლის ერთ-ერთი სახეობა.

მიკროტოპია (ბერძ.) - მიკროსკოპიდან გადაღებული ფოტოსურათის ანაბეჭდი.

მიკროფაგები (ბერძ.) - სისხლის თეთრი უჯრედების (ლეიკოციტების) ერთ-ერთი ფორმა, ორგანიზმის ანთებითი რეაქციის დროს მიკროფაგები გამოსახლდებიან ხოლმე სისხლძარღვებიდან და იჭერენ, შთანთქავენ და ინელებენ მიკრობებს.

მიკროფილმი - ხელნაწერი, ნაბეჭდი ან გრაფიკული ტექსტის ძლიერ დაპატარავებული გამოსახულება კინო ან ფოტოფირზე.

მიკროფლორა - ერთობლიობა მცენარეული მიკროორგანიზმებისა, რომლებიც მოიპოვება რაიმე ბუნებრივ გარემოში.

მიკროფონი (ბერძ.) - ხელსაწყო, რომელიც ბგერით რხევებს ელექტრულ რხევებად გარდაქმნის ხმის გარკვეულ მანძილზე გადასაცემად ან გასაძლიერებლად.

მიკროფორიანი

1) რასაც მიკროსკოპული ფორები აქვს, ძალიან წვრილად დაჩვრეტილი (ითქმის რეზინზე).
2) ასეთი რეზინისაგან გაკეთებული.

მიკროფოტოგრაფია

1) მიკროსკოპის საშუალებით გადიდებული ობიექტების ფოტოგადაღება.

2) ამგვარად მიღებული გადიდებული გამოსახულება.

მიკროფოტომეტრი (ბერძ.) - ხელსაწყო ოპტიკური სიმკვრივეების გასაზომად ფოტოგრაფიულ გამოსახულებათა (სპექტოგრამის, რენტგენოგრამის, ასტრონომიული ფოტოგრაფიის და სხვა) მცირე მონაკვეთზე, აღჭურვილია მიკროსკოპული ოპტიკით.

მიკროქიმია (ბერძ.) - მეცნიერება ქიმიური ანალიზისა და სინთეზის ხერხების შესახებ, რომლებსაც მიმართავენ უმცირესი რაოდენობის ნივთიერებებზე ცდების დროს.

მიკროქირურგია (ბერძ.) - ქირურგიული ოპერაციის წარმოება მიკროსკოპის ქვეშ ძალიან პატარა ქსოვილებზე, სისხლძარღვებზე, პაწაწა ძვლებზე (პირველად გამოიყენეს ოტოლარინგოლოგიაში, შემდეგ ოფთალმოლოგიაში და სხვა).

მიკროცეფალი - იგივეა, რაც მიკროკეფალი.

მიკროჰესი (ბერძ.) - მცირე სიმძლავრის ჰიდრავლიკური ელექტროსადგური.

მიკრული

1) რაც მიაკრეს ან მიეკრა.
2) რაც ვინც მიიკრეს.

მიკრურგია (ბერძ.) - ოპერაციების წარმოება მიკროსკოპის ქვეშ სპეციალური ინსტრუმენტით (მიკრომანიპულატორით) ძალიან პატარა ობიექტებზე; მიკროდისექცია.

მიკუთვნებული - რაც მიეკუთვნა.

მიკულაშ პელჰრჟიმოველი - ჰუსიტური რევოლუციური მოძრაობის მოღვაწე, ტაბორიტების იდეოლოგი (ჩეხეთი) (დაახლოებით 1385-1460 წწ).

მიკულაშ ჰუსელი - ჰუსიტური რევოლუციური მოძრაობის მოღვაწე, ტაბორიტების იდეოლოგი (ჩეხეთი) (დაახლოებით 1370-1420 წწ).

მიკულსკი სტანისლავ - პოლონელი მსახიობი (დაიბადა 1929 წელს).

მიკუნი - ქალაქი რუსეთის კომის რესპუბლიკაში.

მიკუნჭული - კუნჭულში მიმალული.

მილაგებული

1) რაც მილაგდა.
2) ვინც მილაგდა.

მილაგებულ-მოლაგებული

1) რაც მიალაგ-მოალაგეს.
2) ვინც მილაგ-მოლაგდა.

მილადინოვები დიმიტრ (1810-1862) და კონსტანტინ (1830-1862 წწ) - ბულგარეთის აღორძინების მოღვაწენი, განმანათლებლები.

მილაკი - მცირე ზომის წვრილი მილი.

მილანი - ქალაქი იტალიის ჩრდილოეთ ნაწილში, მილანის პროვინციის და ლომბარდიის ოლქსი ადმინისტრაციული ცენტრი, 1815-59 წლებში ლომბარდია-ვენეციის სამეფოს დედაქალაქი (1.4 მილიონი).

მილან ობრენოვიჩი - სერბიის მთავარი, შემდეგ მეფე (1854-1901 წწ).

მილარა - სოფელ აჩადარის ძველი სახელწოდება.

მილარეპა - ტიბეტელი პოეტი-მისტიკოსი (1040-1123 წწ).

მილაშკინა ტამარა - რუსი მომღერალი (სოპრანო), საბჭოთა კავშირის სახალხო არტისტი (დაიბადა 1934 წელს).

მილაცო - ქალაქი იტალიის სიცილიის ოლქში.

მილახვარი - სამეურნეო დარგის მოხელე XVIII საუკუნის საქართველოში; განაგებდა მამულებს, მონაწილეობდა საფინანსო საკითხების გადაწყვეტაში.

მილახვრიანთკარი - ყოფილი სოფელი დუშეთის მუნიციპალიტეტში, შეუერთდა ქალაქ დუშეთს.

მილდა - ლიტვურ მითოლოგიაში - სიყვარულის ქალღმერთი.

მილდიუ (ინგლ.) - ვაზის ავადმყოფობა ერთგვარი (ქართული სინონიმია ჭრაქი).

მილე - ისტორიული ქალაქი კუნძულ სიცილიაზე.

მილე ჟან ფრანსუა - ფრანგი ფერმწერი და გრაფიკოსი (1814-1875 წწ).

მილედი (ინგლ.) - ინგლისში: დიდგვაროვანი გათხოვილი ქალის, ლორდის მეუღლის ხსენება ანდა მისდამი მიმართვა.

მილევი გეო (ნამდვილი სახელი და გვარი გეორგ მილევ კასაბოვი) - ბულგარელი პოეტი (1895-1925 წწ).

მილეთი (საუბ.) - (მილეთის ხალხი) ქვეყნის ხალხი, მთელი ქვეყანა.

მილეი ედნა სენტ-ვისენტ - ამერიკელი პოეტი ქალი (1892-1950 წწ).

მილეკერი კარლ - ავსტრიელი კომპოზიტორი და დირიჟორი (1842-1899 წწ).

მილენარიზმი (ლათ.) - იგივეა, რაც ქილიაზმი.

მილერი არტურ - ამერიკელი დრამატურგი (დაიბადა 1915 წელს).

მილერი მერტონ - ამერიკელი ეკონომისტი, 1990 წლის ნობელის პრემიის ლაურეატი ხ.მარკოვცთან და უ. შარპთან ერთად (დაიბადა 1923 წელს).

მილერი ნილ ელგარ - ამერიკელი ფსიქოლოგი (1909-1990 წწ).

მილერი ჰენრი - ამერიკელი მწერალი (1891-1980 წწ).

მილეროვო - ქალაქი რუსეთის როსტოვის ოლქში (40 ათასი).

მილესი კარლ - შვედი მოქანდაკე (1875-1955 წწ).

მილეტის სკოლა - ძველ საბერძნეთში: პირველი ფილოსოფიური სკოლა, რომლის წარმომადგენლები იყვნენ გულუბრყვილო მატერიალისტები, თალესი, ანაქსიმანდრე და ანაქსიმენ (მე-6 საუკუნე ძველი წელთაღრიცხვით; იონიის ქალაქ მილეტის სახელის მიხედვით).

მილეტიჩი სვეტოზარ - სერბიის პოლიტიკური და საზოგადო მოღვაწე (1826-1901 წწ).

მილეული - დასუსტებული, გამხდარი, გალეული.

მილექსება - ქართული ზეპირსიტყვიერების ტრადიციული ჟანრი; ფართოდ არის გავრცელებული ფშავში.

მილზი ჩარლზ რაიტ - ამერიკელი სოციოლოგი და პუბლიცისტი (1916-1962 წწ).

მილი

1) გრძელი, ჩვეულებრივ მრგვალი, ღრუ საგანი სითხის, ორთქლის, კვამლისა და მისთანების სადენად.
2) (ლათ.) - მანძილის საზომი ერთეული, გეოგრაფიული მილი უდრის 7420 მეტრს, საზღვაო - 1852 მეტრს.
3) (ლათ.) - რთული სიტყვის პირველი შემადგენელი ნაწილი, აღნიშნავს მეათასედ ნაწილს ძირითადი ერთეულისას, რომელიც მოცემულია სიტყვის მეორე ნაწილში.

მილი ჯეიმზ - ინგლისელი ფილოსოფოსი, ისტორიკოსი და ეკონომისტი (1773-1836 წწ).

მილი ჯონ სტიუარტ - ინგლისელი ფილოსოფოსი, ეკონომისტი და საზოგადო მოღვაწე (1806-1873 წწ).

მილიამპერი (ლათ.) - ამპერის მეათასედი ნაწილი.

მილიამპერმეტრი (ლათ.) - ამპერმეტრი, რომლითაც დენის ძალას ზომავენ მილიამპერებით.

მილიარდერი - მიალიარდებად ღირებული ქონების პატრონი.

მილიარდი (ფრ.) - რიცხვი 1 000 000 000, ათასი მილიონი.

მილიარისიუმი (ლათ.) - გვიანდელი რომისა და ადრინდელი ბიზანტიის (მე-4-7 საუკუნეები) ვერცხლის მონეტა.

მილიარიუმი (ლათ.) - ძველ რომში:

1) სიგრძის საზომი, უდრიდა 1000 ორმაგ ნაბიჯს (ანუ 1,48 კილომეტრს), იგივეა, რაც რომაული მილი.

2) ქვის ბოძები, რომლებიც დადგმული იყო რომიდან პროვინციებში მიმავალ გზებზე ერთმანეთისაგან თითო მილის დაშორებით.

მილიასი ხუან ხოსე - ესპანელი მწერალი (დაიბადა 1946 წელს).

მილიგრამი - გრამის მეათასედი ნაწილი.

მილიერანი ალექსანდრე ეტიენ - საფრანგეთის სახელმწიფო და პოლიტიკური მოღვაწე (1859-1943 წწ).

მილიერანიზმი - ოპორტუნისტული მიმდინარეობა დასავლეთ ევროპის სოციალ-დემოკრატიულ პარტიებში მე-19 საუკუნის ბოლოს და მე-20 საუკუნის დასაწყისში (ფრანგი სოციალისტის მილერანის გვარის მიხედვით, რომელიც 1899 წელს შევიდა საფრანგეთის ბურჟუაზიულ მთავრობაში).

მილიერი ჟან ბატისტ - ფრანგი რევოლუციონერი (1817-1871 წწ).

მილივოლტი - ვოლტის მეათასედი ნაწილი.

მილიკენი რობერტ ენდრიუს - ამერიკელი ფიზიკოსი, 1923 წლის ნობელის პრემიის ლაურეატი (1868 - 1953 წწ).

მილიმეტრი - სიგრძის საზომი ერთეული, მეტრის მეათასედი.

მილიონა - მწვერვალი ყაზბეგის მუნიციპალიტეტში, მთიულეთ-ფშავის კავკასიონზე.

მილიონერი - მილიონებად ღირებული ქონების პატრონი.

მილიონი

1) მდინარე ყაზბეგის მუნიციპალიტეტში, ერთვის ბიდარას.

2) (ფრანგ.) რიცხვი 1 000 000, ათასჯერ ათასი.

3) (ფრანგ.) (გადატანით) უამრავი.

მილიონიანი - მილიონის შემცველი.

მილიონობით - რამდენიმე მილიონის ოდენობით.

მილისი

1) სოფელი ქედის მუნიციპალიტეტში.

2) (ცობოლა, რუს. втулка) - ტექნიკაში - ცილინდრული ან კონუსური ფორმის დეტალი (ღერძული სიმეტრიით), რომელიც თავად თავსდება სხვა დეტალში და ათანაბრებს მასში გამავალი სხვა მექანიზმის მოძრაობას.

მილისწყარო - სოფელი დუშეთის მუნიციპალიტეტში (მჭადიჯვრის თემის საკრებულო), მდინარე ნარეკვავის (არაგვის მარჯვენა შენაკადი) ხეობაში. ზღვის დონიდან - 1000 მეტრი, დუშეთიდან - 20 კილომეტრი. 2002 წლის აღწერის მიხედვით სოფელში ცხოვრობს 2 კაცი.

მილისხევი - მდინარე მცხეთის მუნიციპალიტეტში, დიღმისწყლის მარცხენა შენაკადი.

მილიტარიზაცია - სახელმწიფოთა ეკონომიკური, პოლიტიკური და საზოგადოებრივი ცხოვრების დამორჩილება დამპყრობლური ომის მომზადების მიზნებისათვის, სამხედრო ორგანიზაციის მეთოდების გადატანა სამოქალაქო ურთიერთობათა სფეროში.

მილიტარიზმი (ლათ.) - გამალებული შეიარაღების რეაქციული, აგრესიული, იმპერიალისტური პოლიტიკა, რომლის მიზანია ახალი ომების მომზადება.

მილიტარისტი - მილიტარიზმის მომხრე და განმახორციელებელი.

მილიტარისტული - მილიტარიზმის დამახასიათბელი.

მილიუსი ჯონ - ამერიკელი კინოსცენარისტი, რეჟისორი, პედაგოგი (დაიბადა 1944 წელს).

მილიუტენკო დიმიტრი - უკრაინელი მსახიობი, საბჭოთა კავშირის სახალხო არტისტი (1899-1966 წწ).

მილიჩ კრომერჟიჟელი - ჩეხი მქადაგებელი (გარდაიცვალა 1374 წელს).

მილიცია (ლათ.)

1) ყოფილ საბჭოთა კავშირში, სახელმწიფო ადმინისტრაციული დაწესებულება წესრიგის, საკუთრებისა და საზოგადოების უშიშროების დასაცავად.

2) (ძვ.) არამუდმივი ჯარი შექმნილი სახელმწიფო ცხოვრების განსაკუთრებულ პირობებში.

მილიციელი - მილიციის რიგითი თანამშრომელი.

მილნი ალენ ალექსანდერ - ინგლისელი მწერალი (1882-1956 წწ).

მილნი ედუარდ ართურ - ინგლისელი ასტროფიზიკოსი (1896-1950 წწ).

მილორავა შოთა - კომპოზიტორი, საქართველოს სახალხო არტისტი (1925-1990 წწ).

მილორდი (ინგლ.) - ინგლისში: არისტოკრატის, ლორდის ხსენება. მილორდ! - მისდამი მიმართვა.

მილოსი - კუნძული ეგეოსის ზღვის კიკლადების არქიპელაგში, ეკუთვნის საბერძნეთს.

მილოშევიჩი სლობოდან - სერბიის (1896-97 წწ) და იუგოსლავიის (1997-2000 წწ) პრეზიდენტი (დაიბადა 1941 წელს).

მილოშ ობრენოვიჩი (მილოშ ტეოდოროვიჩი) - სერბიის მთავარი, ობრენოვიჩების დინასტიის დამაარსებელი (1780-1860 წწ).

მილოში ჩესლავ - პოლონელი პოეტი, 1980 წლის ნობელის პრემიის ლაურეატი (დაიბადა 1911 წელს).

მილრეისი (პორტ.) - ფულის ერთეული ბრაზილიაში (1942 წელს შეიცვალა კრუზეიროთი) და პორტუგალიაში (1911 წელს შეიცვალა ესკუდოთი).

მილსადენი - მილებისაგან შემდგარი ნაგებობა აირების, თხევად ან ფხვიერ ნივთიერებათა გარკვეულ მანძილზე გადასაცემად.

მილტიადე - ათენელი მხედართმთავარი და სახელმწიფო მოღვაწე (დაახლოებით ძვ.წ.აღ. 550 - 489 წწ).

მილტინისი იუოზას - ლიტველი რეჟისორი და მსახიობი, საბჭოთა კავშირის სახალხო არტისტი (1907-1984 წწ).

მილტონი ჯონ - ინგლისელი პოეტი, პოლიტიკური მოღვაწე, მოაზროვნე (1608-1674 წწ).

მილუნოვიჩი მილო - ჩერნოგორიელი ფერმწერი (1897-1967 წწ).

მილუოკი - ქალაქი აშშ-ს უისკონსინის შტატში (630 ათასი, გარეუბნებით - 1,6 მილიონი).

მილურსმული - რაც მილურსმეს.

მილუტინი (სტეფან უროშ II) - სერბიის მეფე ნემანიჩების დინასტიისა (გარდაიცვალა 1321 წელს).

მილუტინოვიჩი სიმა - სერბი მწერალი, ისტორიკოსი (1791-1857 წწ).

მილუშვილი - მიბნედილი, მოთენთილი, მოშვებული.

მილშტეინი სესარ - არგენტინელი ბიოქიმიკოსი, 1984 წლის ნობელის პრემიის ლაურეატი გ. კლერთან ერთად (დაიბადა 1914 წელს).

მილჩენკო ანატოლი - საერთაშორისო კატეგორიის მსაჯი ფეხბურთში, დაიბადა და მოღვაწეობს საქართველოში (დაიბადა 1938 წელს).

მიმაგრებული

1) რაც მიამაგრეს.

2) ვინც მიამაგრეს.

მიმადლებული (ძვ. და წიგნ.)

1) მინიჭებული, ბოძებული.

2) დაჯილდოებული რაიმე კარგი თვისებით, რაიმე სიკეთით.

მიმავალი

1) ვინც, რაც მიდის.

2) საითკენმე მიმართული.

მიმალული - რაც, ვინც მიიმალა ან მიმალეს.

მიმანსა (სანსკრ.) - ინდუიზმის ერთ-ერთი ძირითადი ფილოსოფიური სისტემა (ექვსიდან).

მიმანსი - მსახიობების ჯგუფი, რომლებიც საოპერო და საბალეტო სპექტაკლების მასობრივ სცენებში მონაწილებენ.

მიმართ - ცალკემდგომი თანდებული, იხმარება ნათესაობით ბრუნვასთან და აღნიშნავს დამოკიდებულებას ვინმესთან, რამესთან.

მიმართება (წიგნ.) - შეფარდება, ფარდობა.

მიმართებითი - ფარდობითი, შეფარდებითი, შედარებითი.

მიმართვა - იგივეა, რაც მოწოდება.

მიმართულება

1) რისამე გეზი, გზა, კურსი.

2) საზოგადოებრივი მიმდინარეობა, დაჯგუფება.

მიმართულებითი (მიმართულებითი ბრუნვა) - სახელის ერთ-ერთი ფორმა, მისი ნიშნებია -ად ან -დ; იგივე ვითარებითი ბრუნვა.

მიმართული

1) რაც მიმართეს.

2) დანიშნული, გამიზნული.

მიმასი - პლანეტა სატურნის თანამგზავრი, აღმოაჩინა ინგლისელმა ასტრონომმა ვ.ჰერშელმა 1789 წელს.

მიმატება (მათემ.) - იგივეა, რაც შეკრება.

მიმატებული - ზედ დართული, დამატებული, შეკრებილი.

მიმბაძველი (მიმბაძავი) - ვინც ჰბაძავს, მიჰბაძავს ვისმე.

მიმგვანება - იგივეა, რაც მიმსგავსება.

მიმგვანებული - იგივეა, რაც მიმსგავსებული.

მიმდგარი - ვინც, რაც მიდგა სადმე ან მიადგა რასმე.

მიმდებარე - რისამე გვერდში, ახლომახლო არსებული ადგილი.

მიმდევარი

1) ვინც მისდევს, უკან მიჰყვება ვისმე, რასმე, მიმყოლი.

2) ადამიანი, რომელიც ამა თუ იმ მოძღვრებას, შეხედულებას, თვალსაზრისს მისდევს, აღიარებს.

მიმდინარე

1) რაც მიმდინარეობს.

2) ამჟამინდელი, ახლანდელი.

3) ყოველდღიური, მორიგი.

მიმეოგრაფი (ბერძ.) - აპარატი, რომელსაც იყენებენ ნაწერი ტექსტის ანაბეჭდების მისაღებად (მცირე რაოდენობით).

მიმესისი - ცნება ძველბერძნულ ფილოსოფიაში, რაც ადამიანის შემოქმედების, ხელოვნების არსს შეესაბამება.

მიმეტიზმი (ბერძ.) - მიმიკრიის სახეობა, ზოგი ცხოველის დამსგავსება იმავე ადგილას მცხოვრებ სხვა ცხოველთან.

მიმზიდველი - მომხიბლავი, წარმტაცი.

მიმზიდველობა - მიმზიდველის თვისება.

მიმთვისებელი - ვინც მიითვისა რამე.

მიმი (ბერძ.)

1) ძველ საბერძნეთსა და რომში: სახალხო წარმოდგენა, რომელშიც გაერთიანებული იყო დიალოგი, სიმღერა და ცეკვა.

2) ასეთი წარმოდგენის მონაწილე მსახიობი, აქედან შემდეგში იტალიაში განვითარდა „ნიღბების კომედია“.

3) ამჟამად პანტომიმის შემსრულებელი მსახიობი.

მიმიკა (ბერძ.)

1) სახის კუნთების მოძრაობა, რომელიც გამოხატავს ადამიანის გრძნობებსა და განცდებს, განწყობილებას.

2) გრძნობების, განცდების გამოხატვის ხელოვნება სახის კუნთების სათანადო მოძრაობით.

მიმიკრია (ინგლ.) - (ბიოლ.) ზოგი სახეობის ცხოველებისა და მცენარეების თავდაცვითი შეგუება, ფორმით ან ფერით დამსგავსება, გარემო საგნებთან, სხვა ცხოველებთან ან მცენარეებთან.

მიმინო

1) მტაცებელი ფრინველი ქორისებრთა ოჯახისა, იკვებება, უმთავრესად ხორცით, აშინაურებენ და გეშავენ სანადიროდ.

2) რეჟისორ გია დანელიას ფილმი, გადაღებულია 1977 წელს; სცენარის ავტორი - რეზო გაბრიაძე.

მიმინოსხევი - სოფელი ზნაურის მუნიციპალიტეტში.

მიმინოშვილი ალექსი - არქიტექტორი (1911-1967 წწ).

მიმინოშვილი მევლუდ - საერთაშორისო კატეგორიის მსაჯი ფეხბურთში (დაიბადა 1942 წელს).

მიმინოშვილი რომან - ლიტერატურათმცოდნე და მთარგმნელი (დაიბადა 1928 წელს).

მიმირი - გოლიათი სკანდინავიური მითოლოგიაში, მეთვალყურე სიბრძნის წყაროსი, რომელიც სამყაროს მაცოცხლებელი ხის, იგდრასილის ფესვებიდან ჩქეფს.

მიმისტი - მსახიობი, რომელიც ოსტატურად ფლობს მიმიკას.

მიმიცა ვატროსლავ - იუგოსლავიელი კინორეჟისორი (დაიბადა 1923 წელს).

მიმკვდარი - ძალიან დასუსტებული, მისუსტებული.

მიმკვდარებული - ვინც, რაც მიმკვდარდა.

მიმკლავი - ტანვარჯიშში - ხელების ჩამოშვება ტანის გასწვრივ, ჩამოშვებული ხელები.

მიმკრთალი - მკრთალი, ფერმიხდილი.

მიმლოცველი - ვინც მიულოცავს.

მიმმართველი - რაიმესთვის მიმართულების მიმცემი.

მიმნდობი - ვინც ადვილად ენდობა, მიენდობა ხოლმე ვისმე, რასმე.

მიმნერმე - ძველბერძენი პოეტი (ძვ.წ.აღ. VII-VI საუკუნეები).

მიმნიჭებელი (წიგნ.) - ვინც, რაც მიანიჭებს, შესძენს რასმე.

მიმო - რთული წინსართი ზმნისა: მი და მო, ჩვეულებრივ აღნიშნავს მიმართულებას, მოძრაობას იქით და აქეთ.

მიმობნეული - რაც მიმოაბნიეს.

მიმოდრამა - იგივეა, რაც პანტომიმა.

მიმოზა (Mimosa) - სამხრეთის ქვეყნებში გავრცელებული მცენარე, ისხამს წვრილ ყვითელ სურნელოვან ყვავილებს.

მიმომფრენი - ფრინველები, რომლებიც ზამთრობით თბილ ქვეყნებში მიფრინავენ.

მიმომხილველი - მიმოხილვის ავტორი.

მიმორხევა - მოხდენილი მოძრაობა.

მიმოსვლა

1) სვლა, მოძრაობა.

2) იგივეა, რაც მისვლა-მოსვლა.

მიმოსი - ანტიკური ხალხური თეატრის კომიკური ჟანრი.

მიმოტანა - მიმორხევა ტანისა.

მიმოფანტული - იგივეა, რაც მიფანტულ-მოფანტული.

მიმოფენილი

1) რაც მიმოფინეს.

2) (გადატანით) შორიშორ არსებული, დიდ ფართობზე გაშლილი.

მიმოქნევა - აქეთ-იქით ქნევა, გაქნევა.

მიმოქცევა

1) მიქცევა და მოქცევა.

2) მოძრაობა, ბრუნვა, ტრიალი.

3) ყიდვა-გაყიდვა.

4) დასრულებული ციკლი ოპერაციებისა, რომლებიც სრულდება ტრანსპორტის საშუალებით.

მიმოყრილი - იგივეა, რაც მიყრილ-მოყრილი.

მიმოწერა - იგივეა, რაც მიწერ-მოწერა.

მიმოხვრა - იგივეა, რაც მიხრა-მოხრა.

მიმოხილვითი (წიგნ.) - მიმოხილვის ხასიათისა.

მიმოხილული - რაც მომოიხილეს.

მიმპარავი - ქურდულად მიმსვლელი, ვისაც, რასაც ქურდულად მისვლა სჩვევია.

მიმრქმელი (ძვ.) - ნათლია.

მიმსგავსებული - რაც, ვინც მიემსგავსა რასმე, ვისმე.

მიმსვლელი - ვინც მიდის ან მივა სადმე.

მიმსვლელ-მომსვლელი - მიმსვლელი და მომსვლელი, ბევრი მიმსვლელი.

მიმსხდარი - ვინც, რაც მიუსხდა რასმე.

მიმტანი

1) ვინც მიიტანს, ვისაც მიაქვს რამე.

2) იგივეა, რაც ოფიციანტი.

მიმტან-მომტანი - ვინც მიიტანს და მოიტანს რასმე, ვისაც მიაქვს და მოაქვს რამე.

მიმტაცებელი - ვინც, რაც მიიტაცებს რასმე.

მიმტყუებელი - ვინც, რაც მიიტყუებს.

მიმფრენი - იგივეა, რაც მიმფრინავი.

მიმფრინავი - რაც ფრინავს.

მიმქრალი

1) გაქრობამდე მისული, თითქმის ჩამქრალი.

2) (გადატანით) უსიცოცხლო.

მიმქროლავი - ვინც, რაც მიქრის.

მიმღები

1) ვინც იღებს, მიიღებს ვისმე, რასმე.

2) რაც ვისიმე, რისიმე მიღებას აწარმოებს.

მიმღეობა (გრამატ.) - ზმნის ფორმა, რომელსაც ზმნის ნიშან-თვისებებთან ერთად აქვს ზედსართავი სახელის ნიშან-თვისებები.

მიმყვანი - ვინც, რაც მიიყვანს.

მიმყოლი - ვინც, რაც მიჰყვება ვისმე, რასმე, ამყოლი, მიმდევარი.

მიმშველებელი - ვინც მიეშველება ვისმე, დამხმარე, მშველელი.

მიმცემი - ვინც მისცემს.

მიმცხრალი - იგივეა, რაც დამცხრალი.

მიმწვარი - დამწვარი და ჭურჭლის ძირზე მიკრული.

მიმწოდებელი - ვინც, რაც მიაწოდებს.

მიმწყდარი - რაც მიწყდა.

მიმჭკნარი - ტოტზე დამჭკნარი.

მიმხედავი - ვინც მიხედავს ვისმე, რასმე, ყურისმგდებელი, მომვლელი.

მიმხვდარი - ვინც მიხვდა რასმე.

მიმხვდომი - იგივეა, რაც მიმხვედრი.

მიმხვედრი - ვინც მიხვდება.

მიმხრობილი - ვინც მიემხრო ვისმე.

მიმჯდარი - ვინც მიჯდა ან მიუჯდა ვისმე, რასმე, ვინმესთან, რამესთან ახლოს დამჯდარი.

მინა

1) გამჭვირვალე ნივთიერება, რომელიც მიიღება კვარცის სილის გადნობის შედეგად, ამგვარი ნივთიერებისაგან დამზადებული თხელი ფიცარი ან სხვა ფორმის ნაკეთობა.

2) (უმცროსი) ფრანსისკო ხავიერ - ესპანელი რევოლუციონერი (1789-1817 წწ).

3) (უფროსი) - ესპანელი რევოლუციონერი (1781-1836 წწ).

4) (ლათ.) - ფულისა და წონის ერთეული ძველი აღმოსავლეთის ქვეყნებში და ანტიკურ საბერძნეთში.

მინაბული - იგივეა, რაც განაბული, ოდნავ დახუჭული, მილულული თვალები.

მინაევი დიმიტრი - რუსი პოეტი (1835-1889 წწ).

მინავლებული - ნავლად ქცეული, ჩაფერფლილი.

მინაზებული - ვინც, რაც მინაზდა, განაზებული.

მინალთუნი (თურქ.) (ძვ.) - ერთი მანეთი.

მინამბერი - მუშა, რომელიც მინის ნაკეთობას ამზადებს ბერვით.

მინამოტო - იაპონიის სამხედრო-ფეოდალურ გამგებელთა (სიოგუნთა) პირველი დინასტია (1192-1333 წწ).

მინამქრული

1) ნამქრად მიყრილი.

2) რაც ნამქრით დაიფარა.

მინანგკაბაუ - ინდონეზიაში, ძირითადად კუნძულ სუმატრაზე, მცხოვრები ხალხი.

მინანგრბაუ - ინდონეზიაში მცხოვრები ხალხი (7 მილიონი).

მინანქარი

1) სხვადასხვა ფერის მინის მსგავსი არაგამჭვირვალე მასა, რომლითაც ფარავენ ლითონის საგნებს, ემალი.

2) თეთრი მკვრივი ნივთიერება, რომლითაც დაფარულია კბილი, ემალი.

მინანქრიანი - მინანქრით დაფარული, მომინანქრებული.

მინარევი - სხვა ნივთიერებაში შერეული ნივთიერება.

მინარეთი (არაბ.) - მეჩეთის კოშკი, საიდანაც მუსლიმანებს მოუწოდებენ სალოცავად.

მინარტი მარსელ გილეს იოზეფ - ნიდერლანდელი ასტროფიზიკოსი (1893-1970 წწ).

მინას-დე-რიოტინტო - ქალაქი ესპანეთის უელვის პროვინციაში.

მინასი - ქალაქი ურუგვაიში, ლავალიეხის დეპარტამენტის ადმინისტრაციული ცენტრი.

მინას-ჟერაისი - შტატი ბრაზილიის სამხრეთ-აღმ ოსავლეთ ნაწილში, ფართობი - 586,6 ათასი კვ.კმ. მოსახლეობა - 16 მილიონი, ადმინისტრაციული ცენტრი - ბელუ-ორიზონტი.

მინატანი - რაც მიიტანეს, მიტანილი.

მინატიტლანი - ქალაქი მექსიკის ვერაკრუსის შტატში (145 ათასი).

მინაქში - შივაიზმის ინდუისტურ მითოლოგიაში თევზის თვალებიანი ქალღმერთი, შივას ცოლი.

მინაყარი - რაც მიაყარეს, მიყრილი.

მინაშენი - რაც მიაშენეს, მიშენებული.

მინაშვილი გურამ - კალათბურთელი(186 სმ). თამაშობდა თბილისის „დინამოსა“ (1953-67) და „სინათლეში“ (1968-71). სსრკ ნაკრების წევრი (1957-64), 1960 წლის რომის ოლიმპიური თამაშების მეორე პრიზიორი, მსოფლიოს ჩემპიონატის მესამე პრიზიორი (1963), ევროპის სამგზის ჩემპიონი (1957, 59, 63), ევროპის ქვეყნების ჩემპიონთა თასის მფლობელი (1962), სსრკ ჩემპიონი (1953), სამგზის მეორე (1959, 60, 61) და მესამე (1965) პრიზიორი (დაიბადა 1936 წელს).

მინაშუქი - რაც მიაშუქეს, მიშუქებული.

მინაჩი ვლადიმირ - სლოვაკი მწერალი (დაიბადა 1922 წელს).

მინაძე - სოფელი ახალციხის მუნიციპალიტეტში.

მინაწერი

1) რაც მისწერეს ვისმე, მიწერილი.

2) რაც მიაწერეს, მიწერილი.

მინა-ჰასან-ტანი - იხილე კენიტრა.

მინბაში - ათასეულის უფროსი, ათასისთავი გვიანდელ ფეოდალურ საქართველოში.

მინგეჩაური - ქალაქი აზერბაიჯანის დასავლეთ ნაწილში (90 ათასი).

მინგრევ-მონგრეული - იგივეა, რაც მინგრეულ-მონგრეული.

მინგრეული - რაც მიანგრიეს.

მინგრეულ-მონგრეული - მთლად დანგრეული.

მინდა - სოფელი ხელვაჩაურის მუნიციპალიტეტში.

მინდანაო - კუნძული ფილიპინების არქიპელაგში, ეკუთვნის ფილიპინებს.

მინდაუგასი (მინდოვგი) - ლიტვის პირველი დიდი მთავარი (გარდაიცვალა 1263 წელს).

მინდაძე ალექსანდრე - კინოდრამატურგი (დაიბადა 1948 წელს).

მინდაძეები - სოფელი ხულოს მუნიციპალიტეტში.

მინდელუ - ქალაქი-პორტი კაბო-ვერდეში (50 ათასი).

მინდვრიანი

1) სადაც მინდორია.

2) პატარა მინდორი ტყეში.

მინდი (ძვ.) - მეწისქვილის წილი, მარცვლეულის დაფქვის საზღაური მარცვლის ან ფქვილის სახით.

მინდია (ხოგაის მინდია) - ქართული ფოლკლორის პერსონაჟი, გველისმჭამელი.

მინდობილი

1) რაც მიანდეს, დაკისრებული, დავალებული.

2) ვინც მიენდო ვისმე.

მინდობილობა - საბუთი, რომლითაც ვისმე ანდობენ იმოქმედოს ამ საბუთის მიმცემის სახელით.

მინდოვგი - იხილე მინდაუგასი.

მინდოდაური - ხვარამზე სამუკას ასული, XIX საუკუნის ქართველი სახალხო მთქმელი.

მინდონი - ბირმის (მიანმას) მეფე 1853-78 წლებში.

მინდორაშვილი რევაზ - მოჭიდავე (თავისუფალი ჭიდაობა, 84 კგ). ევროპის ჩემპიონი (2003), მეორე (2004) და მესამე (2002) პრიზიორი, მსოფლიოს ჩემპიონატის მესამე პრიზიორი (2003). 2008 წლის პეკინის ოლიმპიადის ჩემპიონი (დაიბადა 1976 წელს).

მინდორ-ველი - მინდორი და ველი, მინდვრები და ველები.

მინდორი

1) სწორი ბალახიანი ადგილი, ტრიალი.

2) მიწის ნაკვეთი, სახნავ-სათესად გამოყენებული.

მინდორ-მინდორ - მინდვრებზე გავლით, მინდვრებზე.

მინდორო - კუნძული ფილიპინების არქიპელაგში, ეკუთვნის ფილიპინებს.

მინდორსაცავი - ხელოვნურად გაშენებული ტყის ზოლი, რომელიც იცავს მინდვრის ნათესებს ქარისაგან და სხვა დამაზიანებელ მოვლენათაგან.

მინდუვუნი (ნამდვილი სახელი უ ვანი) - ბირმელი მწერალი (1909-1990 წწ).

მინე ჟორჟ - იხილე მინი .

მინეაპოლისი - ქალაქი აშშ-ს მინესოტას შტატში (370 ათასი, გარეუბნებით 2,5 მილიონი).

მინებიანი - რასაც მინა, მინები აქვს, რაშიც მინა და მინებია ჩასმული.

მინეზინგერი (გერმ.) - შუა საუკუნეებში გერმანიაში: პოეტი-მომღერალი, რომელიც სიყვარულსა და რაინდობას უმღეროდა.

მინელებული - რაც მინელდა.

მინელი ვინსენტე - ამერიკელი კინორეჟისორი (1903 - 1986 წწ).

მინელი ლაიზა - ამერიკელი მომღერალი და კინომსახიობი (დაიბადა 1946 წელს).

მინერალი (ფრანგ.) - დედამიწის ქერქში შემავალი ბუნებრივი არაორგანული ქიმიური ნაერთი.

მინერალიზატორები (გეოლ.) - მაგმაში გახსნილი აირები (ფთორი, ქლორი და სხვა) და წყლის ორთქლი, რომლებიც ხელს უწყობენ ამოფრქვეული ქანების კრისტალიზაციას.

მინერალიზაცია (მინერალიზება)

1) ორგანულ ნივთიერებათა გარდაქმნა მინერალებად, მინერალურ ნაერთებად.

2) რისამე გაჯერება მინერალური მარილებით.

მინერალითი - აზბესტური ცემენტი, იყენებენ უწვავი გადასახურების, კიბეების, იატაკების და სხვათა დასამზადებლად.

მინერალოგია (ლათ.ბერძ.) - მეცნიერება მინერალების შესახებ.

მინერალური - მინერალების შემცველი.

მინერალური წყლები (მინვოდი) - ქალაქი რუსეთის სტავროპოლის მხარეში (75 ათასი).

მინერვა (ლათ.) - რომაულ მითოლოგიაში, სიბრძნის ქალღმერთი, მეცნიერების, ხელოვნებისა და ხელოსნების მფარველი (ბერძნულ მითოლოგიაში მას შეესაბამება ათენა).

მინესოტა - შტატი აშშ-ს ჩრდილოეთ ნაწილში. ფართობი 224,3 ათასი კვ.კმ. მოსახლეობა 4,4 მილიონი. ადმინისტრაციული ცენტრი - სენტ-პოლი.

მინზი გარდინერ - ამერიკელი ეკონომისტი (1896 - 1985 წწ).

მინთაძეები - სოფელი ხულოს მუნიციპალიტეტში.

მინი

1) ჩინეთის იმპერატორთა დინასტია (1368-1644 წწ).

2) მინიმალური ან მინიატურული, ითქმის ძალიან მოკლე კაბაზე, ქვედატანზე, აგრეთვე ძალიან პატარა ავტომობილზე.

მინი ჟაკ პოლ - ფრანგი აბატი, შუა საუკუნეების ლიტერატურის გამომცემელი (1800-1875 წწ).

მინი ჟორჟ - ბელგიელი მოქანდაკე (1866-1941 წწ).

მინი ჯორჯ - აშშ-ს პროფკავშირული მოძრაობის ერთ-ერთი ლიდერი (1894-1980 წწ).

მინიარი - ქალაქი რუსეთის ჩელიაბინსკის ოლქში.

მინიატურა (იტალ.)

1) ფერადებით მოხატული მთავრული ასო ან სურათი ძველ ხელნაწერებში.

2) ფაქიზად შესრულებული პატარა ნახატი რამე ნაკეთობაზე.

3) პატარა ლიტერატურული ან მუსიკალური ნაწარმოები.

4) (გადატანით) დაპატარავებული რამ.

მინიატურიზაცია - რაიმე ხელსაწყოების, მოწყობილობათა და მისთანების ზომების შემცირება.

მინიატურისტი - მინიატურების მხატვარი, მინიატურების მწერალი.

მინიატურული

1) მინიატურის ხასიათისა.

2) (გადატანით) პატარა და მოხდენილი.

მინიე ფრანსუა ოგიუსტ მარი - ფრანგი ისტორიკოსი (1796-1884 წწ).

მინიმალი (ლათ.) - საგანი ყველაზე პატარა ზომისა (როგორისაც კი შეიძლება დაუშვან ან გაითვალისწინონ).

მინიმალიზმი (ლათ.)

1) მოთხოვნათა დაყვანა მინიმუმამდე.

2) XX საუკუნის 60-იანი წლების მიმდინარეობა დასავლეთის გამომსახველობით ხელოვნებაში, რომლის მიზანი „უბრალო სტრუქტურების“ შექმნა იყო.

მინიმალური - ყველაზე ნაკლები, უმცირესი.

მინიმეტრი - წირითი ზომების გასაზომი ხელსაწყო.

მინიმუმი (ლათ.) - ყველაზე ნაკლები, უმცირესი ოდენობა.

მინინი კუზმა - რუსი ხალხის ეროვნულ-განმათავისუფლებელი მოძრაობის ერთ-ერთი ორგანიზატორი პოლონელ დამპყრობთა წინააღმდეგ ბრძოლისას (? - 1616 წ).

მინიო (მინიუ) - მდინარე ესპანეთსა და პორტუგალიაში, ერთვის ატლანტის ოკეანეს (სიგრძე - 340 კილომეტრი).

მინიონი (ფრანგ.) - სასტამბო შრიფტი, პეტიტზე წვრილი, რომლის ზომა (კეგელი) უდრის 7 პუნქტს (2,6 მილიმეტრს).

მინისებრი (მინისებური) - მინის მსგავსი.

მინისტერიალები (ლათ.) - შუა საუკუნეებში დასავლეთ ევროპაში: მეფის ან მსხვილი ფეოდალის მსახურები.

მინისტრი (ლათ.) - მთავრობის წევრი, ამა თუ იმ სამინისტროს ხელმძღვანელი.

მინიუ - ისტორიული ოლქი პორტუგალიაში.

მინიშნება - არა პირდაპირ, არამედ რაიმე ნიშნებით, მისახვედრად თქმა რისამე.

მინიჭებული - მიცემული, მიკუთვნებული.

მინკო ვასილი - უკრაინელი მწერალი (1902-1989 წწ).

მინკოვი სვეტოსლავ კონსტანტინოვ - ბულგარელი მწერალი (1902-1966 წწ).

მინკოვსკი ჰერმან - გერმანელი მათემატიკოსი და ფიზიკოსი (1864-1909 წწ).

მინკუსი ლუდვიგ - ჩეხი (სხვა ცნობებით პოლონელი) მევიოლინე და კომპოზიტორი (1826-1907 წწ).

მინო-ოვარი - იხილე ნობი.

მინორატი (გერმ.)

1) მემკვიდრეობიდ ფეოდალური წესი, რომლის მიხედვითაც ქონება მთლიანად გადადის ოჯახში ყველაზე უმცროსის ხელში.

2) ამ წესით მიღებული მამული.

მინორი (ფრანგ.) - მუსიკალური წყობა, რომლის ბგერები ქმნის მცირე ტერციაზე აგებულ აკორდს, დამახასიათებელია ნაღვლიანი ბგერითი ელფერი.

მინორიტები (ლათ.) - იხილე ფრანცისკელები.

მინორსკი ვლადიმერ - რუსი აღმოსავლეთმცოდნე, ირანისტი (1877-1966 წწ).

მინორული

1) (მუს.) მინორთან დაკავშირებული, მინორისათვის დამახასიათებელი ბგერების შეხამებაზე დამყარებული.

2) (გადატანით) ნაღვლიანი, კაეშნიანი.

მინოსი (ბერძ.) - ბერძნულ მითოლოგიაში - ზევსისა და ევროპეს შვილი, კუნძულ კრეტის (ქალაქ კნოსისის) მეფე, ძლიერი საზღაო სახელმწიფოს შემქმნელი და კანონმდებლობის დამფუძნებელი; გარდაიცვალების შემდეგ გახდა სულების ერთ-ერთი მსაჯული მიწისქვეშეთის სამეფოში.

მინოტავრი (ბერძ.) - ბერძნულ მითოლოგიაში: ურჩხული, რომელსაც აქვს ადამიანის ტანი და ხარის თავი, მეფე მინოსს ჰყავდა ლაბირინთში და კვებავდა ჭაბუკებითა და ქალიშვილებით, რომელთაც ათენელები გზავნიდნენ ხარკად კუნძულ კრეტაზე.

მინოტისი ალექსის - ბერძენი მსახიობი და რეჟისორი (1900-1990 წწ).

მინჟილკიევი ბულატ - ყირგიზი მომღერალი, ბანი, საბჭოთა კავშირის სახალხო არტისტი (დაიბადა 1940 წელს).

მინსაზქენდი - სოფელი წალკის მუნიციპალიტეტში.

მინსკი - ბელორუსიის დედაქალაქი 1919 წლიდან. ცნობილია 1067 წლიდან მენესკის სახელით (1,7 მილიონი).

მინსკი (ნამდვილი გვარი მილენკინი) ნიკოლაი - რუსი მწერალი, რუსული სიმბოლიზმის ერთ-ერთი მამამთავარი (1855-1937 წწ).

მინტაი - თევზი ვირთევზასებრთა ოჯახისა. აქვს სარეწაო მნიშვნელობა.

მინტოფი დომინიკ - მალტის პრემიერ-მინისტრი 1955-58 და 1971-84 წლებში (1916-1995 წწ).

მინტურნო ანტონიო - იტალიელი ღვთისმსახური და პოეტი (? - 1574 წწ).

მინუსი (ლათ.)

1) გამოკლების ან უარყოფითი სიდიდის ნიშანი.

2) (გადატანით) ნაკლი, დეფექტი.

მინუსინსკი - ქალაქი რუსეთის კრასნოიარსკის მხარეში (75 ათასი).

მინუსკულები (ლათ.) - პატარა ასოები (უპირატესად ძველი ბერძნული და ლათინური დამწერლობისა).

მინუტი (ლათ.)

1) კუთხისა და რკალის საზომი ერთეული, უდრის გრადუსის 1/60 ნაწილს.

2) ძველად - წუთი.

მინჩხი იოანე - იხილე იოანე მინჩხი.

მინჩხურნი - საგალობელთა ორიგინალური საზომები, რომელთა შემოღება უკავშირდება იოანე მინჩხს.

მინძიანი - მდინარე ჩინეთში, მდინარე იანძის მარცხენა შენაკადი (სიგრძე - 793 კილომეტრი).

მინჯანი - ქალაქი მიანმის მანდალაის ოლქში.

მინჯუ ჩოსონი - ჩრდილოეთ კორეის ყოველდღიური გაზეთი, გამოდის 1945 წლიდან.

მიო (ბერძ.) - რთული სიტყვის პირველი შემადგენელი ნაწილი, აღნიშნავს კუნთებთან დაკავშირებულს.

მიობლასტები (ბერძ.) - (ანატ.) ცხოველებისა და ადამიანების ახალგაზრდა კუნთოვანი უჯრედები.

მიოგლობინი (ბერძ.) - კუნთების ჰემოგლობინი, კუნთების რთული ცილა წითელი ფერისა, შემადგენლობითა და თვისებებით ახლოსაა ჰემოგლობინთან, მომუშავე კუნთს უზრუნველყოფს ჟანგბადის ერთგვარი მარაგით, განსაკუთრებით ბევრი მიოგლობინი მოიპოვება სელაპის, ვეშაპის, დელ-ფინის და მისთანების კუნთებში, რის წყალობითაც მათ დიდხანს შეუძლიათ წყალქვეშ ყოფნა.

მიოგრაფია (ბერძ.) - კუნთების შეკუმშვითი მოქმედების რეგისტრაცია.

მიოზინი (ბერძ.) - ცილა, რომელიც შედის კუნთოვანი ქსოვილის შეკუმშვაში ელემენტების შემადგენლობაში, შეადგენს კუნთის ცილების მთელი რაოდენობის 40-60%-ს

მიოზიტი (ბერძ.) - (მედიც.) კუნთების ანთება.

მიოკარდი (ბერძ.) - გულის კუნთოვანი კედელი.

მიოკარდიტი (მედიც.) - გულის კუნთის, მიოკარდის ანთება.

მიოკლონია (ბერძ.) - (მედიც.) კუნთების ცალკეული ჯგუფებისა და კუნთოვანი ბოჭკოების არანებისმიერი და არარიტმული სწრაფი შეკუმშვები, იწვევს ანთებითი, ტოქსიკურ-ალერგიული და სხვა პროცესები.

მიოლოგია (ბერძ.) - ანატომიის ნაწილი, რომელიც კუნთებს შეისწავლის.

მიომა (ბერძ.) - კეთილთვისებიანი სიმსივნე კუნთოვანი ქსოვილისა, ხშირად ვითარდება საშვილოსნოში.

მიონემა - კუმშვადი ცილოვანი ძაფები ზოგი უმარტივესის ციტოპლაზმაში.

მიოპათია (ბერძ.) - (მედიც.) კუნთების მემკვიდრეობითი განვითარებადი დისტროფია.

მიოპია (ბერძ.) - (მედიც.) ახლომხედველობა.

მიორი - ქალაქი ბელორუსიის ვიტებსკის ოლქში.

მიოტონია (ბერძ.) - (მედიც.) მემკვიდრეობითი ნერვულ-კუნთოვანი დაავადება - შეკუმშული კუნთი დიდხანს ვერ დუნდება და შემდეგ მისი მოდუნება ხდება ძალიან ნელა.

მინოფიბრილი - კუნთის ბოჭკოს ციტოპლაზმის სტრუქტურული ელემენტი.

მიოცენი (ბერძ.) - (გეოლ.) დედამიწის ისტორიის მესამეული პერიოდის ერთ-ერთი დიდი მონაკვეთი (20-25 მილიონიდან 6 მილიონ წლამდე ძველი წელთაღრიცხვით).

მიპატიჟებული - ვინც მიიპატიჟეს.

მიჟი - მდინარე ლენტეხის მუნიციპალიტეტში., მუხრის მარცხენა შენაკადი.

მირა - აღმოჩენის რიგის მიხედვით პირველი ცვალებადი ვარსკვლავი ვეშაპის თანავარსკვლავედში.

მირაბელი (ფრანგ.) - ერთგვარი ჯიშის ღოღნოშო, აქვს წვრილი ყვითელი ნაყოფი.

მირაბილიტი (ლათ) - იგივეა, რაც გლაუბერის მარილი.

მირაბო ვიქტორ რიკეტი მარკიზ დე - ფრანგი ეკონომისტი (1715-1789 წწ).

მირაბო ონორე გაბრიელ რიკეტი - საფრანგეთის დიდი რევოლუციის მოღვაწე (1749-1791 წწ).

მირა დე ამესკუა ანტონიო - ესპანელი პოეტი და დრამატურგი (დაახლოებით 1574-1644 წწ).

მირაკლი (ფრანგ.) - შუა საუკუნეებში: რელიგიურ დამრიგებლობითი პიესა, რომელშიც აღწერილი იყო სასწაულები და მისთანები, განსაკუთრებით განვითარდა საფრანგეთში.

მირანდა ფრანსისკო - ვენესუელელი პატრიოტი, ქვეყნის დამოუკიდებლობისათვის ბრძოლის ერთ-ერთი ხელმძღვანელი, გენერალისიმუსი (1750-1816 წწ).

მირანდა

1) პლანეტა ურანოსის თანამგზავრი, აღმოაჩინა ამერიკელმა ასტრონომმა ჯ.პ კოიპერმა 1948 წელს.

2) შტატი ვენესუელის ჩრდილოეთ ნაწილში, ადმინისტრაციული ცენტრი - ლოს-ტეკესი.

მირაჟი (ფრანგ.)

1) ატმოსფეროს ოპტიკური მოვლენა, როდესაც ჰორიზონტთან ჩნდება დედამიწაზე არსებული საგნების ცრუ გამოსახულებანი.

2) (გადატანით) მოჩვენებითი რამ.

მირაციდი - მწოველების პირველი მატლური სტადია.

მირაჯი (არაბ.) - მუსლიმანთა ყოველწლიური რელიგიური დღესასწაული, ცაზე მუჰამედის ლეგენდარული ღამეული ამაღლების აღსანიშნავად.

მირბახი ვილჰელმ - გერმანელი დიპლომატი (1871-1918 წწ).

მირბო ოქტავ - ფრანგი მწერალი (1848 ან 1850 - 1917 წწ).

მირგოროდი - ქალაქი უკრაინის პოლტავის ოლქში (50 ათასი).

მირდალსეიკიუდლი - მყინვარული საფარი ისლანდიის სამხრეთ ნაწილში.

მირ დარდი (ნამდვილი სახელი საიდ ხოჯა მირი) - ინდოელი პოეტი (1721-1785 წწ).

მირ ვაისი - ღილზაიების ბელადი (გარდაიცვალა 1715 წელს)

მირვან II - იხილე მარვან II იბნ მუჰამადი.

მირვეთი - სოფელი ხელვაჩაურის მუნიციპალიტეტში.

მირზა (სპარს.)

1) ირანში - სამეფო სახლის წევრების ტიტული, ამ ტიტულის მქონე პირი.

2) ირანში: უმაღლესი მოხელის ან მეცნიერის საპატიო სახელი.

3) აღმოსავლეთის ზოგ ქვეყანაში, მდივანი, მწერალი.

მირზა საჰიბზადა ისკანდერ ალი - პაკისტანის პირველი პრეზიდენტი 1956-58 წლებში (1899-1969 წწ).

მირზაანი - დაბა დედოფლისწყაროს მუნიციპალიტეტში.

მირზაგიტოვი ასჰატ - ბაშკირი დრამატურგი (1928 - 1989 წწ).

მირზა თაყი-ხანი (ამიე ნეზამი) - ირანის სახელმწიფო მოღვაწე (1808-1852 წწ).

მირზაი - ირანული წარმოშობის აზერბაიჯანული სოლო ცეკვა.

მირზაობა (2 მარტი) - ცნობილი ქართველი პოეტის მირზა გელოვანის დაბადების დღე, თიანეთის მუნიციპალიტეტში ბოლო ათწლეულებში სახალხო დღესასწაულის სახით აღინიშნება. ამ დღეს მის სახლ-მუზეუმში იკრიბებიან პოეტები, მწერლები, იმართება ლიტერატურული საღამოები და სხვადასხვა კულტურული ღონისძიებები.

მირზაპური - ქალაქი ინდოეთის უტარ-პრადეშის შტატში (170 ათასი).

მირზა ღალიბი ნოუშა ასადულა-ხან - ინდოელი პოეტი, წერდა სპარსულ და ურდუ ენებზე (1796-1869 წწ).

მირზაშვილი თენგიზ - ფერმწერი, გრაფიკოსი, თეატრის მხატვარი (1934-2008 წწ).

მირზაშვილი რევაზ - კინოს მხატვარი, საქართველოს სახალხო მხატვარი (1901-1988 წწ).

მირზაჩული - უზბეკეთის ქალაქ გულისტანის სახელი 1922 - 1961 წლებში.

მირზოიანი - ყაზახეთის ქალაქ ჯამბულის სახელი 1936-38 წლებში.

მირზოიანი ედვარდ - სომეხი კომპოზიტორი, საბჭოთა კავშირის სახალხო არტისტი (დაიბადა 1921 წელს).

მირ თაყი მირი მუჰამად - ინდოელი პოეტი, წერდა ურდუ და სპარსულ ენაზე (1724-1810 წწ).

მირთმეული - რაც მიართვეს.

მირი

1) ქალაქი-პორტი მალაიზიის სარავაკის შტატში (40 ათასი).

2) ორბიტალური სადგური დედამიწის ირგვლივ ორბიტაზე. შეიქმნა სსრკ-ში, ორბიტაზე გაყვანილ იქნა 1986 წლის 20 თებერვალს.

მირი სტეფანოზის ძე - VIII საუკუნის I ნახევრის ქართველი პოლიტიკური მოღვაწე.

მირიადი (ბერძ.) - (წიგნ.) ურიცხვი, უთვალავი.

მირიან I (მირვანი) - ქართლის (იბერიის) მეფე ძვ.წ.აღ. II საუკუნის დასაწყისში.

მირიან II (მირვანი) - ქართლის (იბერიის) მეფე, ფარნავაზის ძე.

მირიან III- ქართლის მეფე IV საუკუნეში.

მირიანაშვილი ალექსანდრე (სანდრო) - კომპოზიტორი, საქართველოს სახალხო არტისტი (1915-1987 წწ).

მირიანაშვილი ბელა - თეატრისა და კინოს მსახიობი.

მირიანაშვილი პეტრე - პუბლიცისტი, პედაგოგი, ლიტერატურის კრიტიკოსი, მთარგმნელი (1860-1940 წწ).

მირიანი

1) პროზაული ნაწარმოები, ზღაპრულ ფონზე გადაშლილი სამიჯნურო თავგადასავალი ჩინეთის მეფის ხოსროვშას ძის მირისა და მაღრიბის ხელმწიფის ილაილის ასულის ნომიავთაბისა.

2) სოფელი კასპის მუნიციპალიტეტში.

მირივილისი სტრატის (ნამდვილი გვარი სტამატოპულოსი) - ბერძენი მწერალი (1892-1969 წწ).

მირიკინი (დურუკული) - ფართოცხვირიანი მაიმუნი, პატარაა, ბინადრობს სამხრეთ ამერიკის ტყიან მთებში, მსოფლიოში ერთადერთი მაიმუნი, რომელსაც დღისით სძინავს, ღამე კი ღვიძავს.

მირინგიტი (ლათ.) - ყურის დაფის აპკის ანთება.

მირკანი - მარტის ძველქართული სახელი.

მირკვიჩკა ივან - ბულგარელი ფერმწერი და გრაფიკოსი (1856-1938 წწ).

მირკინა ზინაიდა - რუს პოეტი ქალი (დაიბადა 1926 წელს).

მირმეკიონი - ანტიკური ქალაქი ქერჩის ნახევარკუნძულზე.

მირმეკოფილია (ბერძ.) - ზოგი მცენარის აგებულების ან გამონაყოფის გამოყენება ჭიანჭველების მიერ. მირმეკოფილია გავრცელებულია უპირატესად ტროპიკულ ამერიკასა და სამხრეთ-აღმოსავლეთ აზიაში.

მირმეკოქორია (ბერძ.) - ჭიანჭველების მიერ მცენარეთა თესლის გავრცელება.

მირმინკელა (მირმიქელა) - სვანური ორ და სამსართულიანი ფერხული; ცეკვის შინაარსი საბრძოლო ხასიათისაა.

მირმუჰსინი - უზბეკი მწერალი (დაიბადა 1921 წელს).

მირნი - ქალაქი რუსეთის იაკუტიის რესპუბლიკაში (40 ათასი).

მირნი პანას - უკრაინელი მწერალი (1849-1920 წწ).

მირო გაბრიელ - ესპანელი მწერალი (1879-1930 წწ).

მირო ჟოან - ესპანელი ფერმწერი, მოქანდაკე, გრაფიკოსი (1893-1983 წწ).

მირონი

1) (ბერძ.) - სურნელოვანი ზეთი, ნელსაცხებელი, რომელიც მზადდება ტროპიკულ მცენარეთა ფისისაგან, იხმარება ქრისტიანულ მღვდელმსახურების დროს.

2) ძველბერძენი მოქანდაკე (ძვ.წ.აღ. V საუკუნე).

მირონოვი ანდრეი (ნამდვილი გვარი მენაკერი) - რუსი მსახიობი, მოღვაწეობდა მოსკოვის სატირის თეატრში (1941-1987 წწ).

მირონოვკა - ქალაქი უკრაინის კიევის ოლქში.

მირონცხება (ძვ.) - რელიგიური წესი, მირონის წასმა შუბლზე.

მირონცხებული (ძვ.)

1) მონათლული.

2) მეფედ კურთხეული.

მირონწმინდა - სოფელ წითელხევის ძველი სახელწოდება.

მიროშნიჩენკო ევგენია - უკრაინელი მომღერალი ქალი (ლირიკო-კოლორატურული სოპრანო), საბჭოთა კავშირის სახალხო არტისტი (დაიბადა 1931 წელს).

მიროშნიჩენკო ირინა - კინოსა და თეატრის რუსი მსახიობი ქალი, მოღვაწეობს მოსკოვის სამხატვრო თეატრში (დაიბადა 1942 წელს).

მირპურქასი - ქალაქი პაკისტანის სინდის პროვინციაში (125 ათასი).

მირ სეიდ ალი - ირანელი მინიატურისტი (XVI საუკუნე).

მირსკისეული - სოფელი ლაგოდეხის მუნიციპალიტეტში.

მირტემირი (ნამდვილი სახელი და გვარი მირტემირ ტურსუნოვი) - უზბეკეთის სახალხო პოეტი (1910-1978 წწ).

მირტი (ბერძ.) - მარადმწვანე ბუჩქი ან ხე, იკეთებს თეთრ სურნელოვან ყვავილებს, ხარობს უპირატესად სუბტროპიკულ და ტროპიკულ არეებში.

მირუთი - იხილე მერათი.

მირქარიმოვა ყუნდუზ - ბალეტის უზბეკი მსახიობი ქალი, საბჭოთა კავშირის სახალხო არტისტი (დაიბადა 1925 წელს).

მირქმა იესო ქრისტესი - მაცხოვრის მიყვანის დღე იერუსალიმის ტაძარში დაბადებიდან მე-40 დღეს. აღინიშნება 2(15) თებერვალს.

მირშაქარი მირსაიდ - ტაჯიკეთის სახალხო პოეტი (დაიბადა 1912 წელს).

მირჩა (მოხუცებული) - ვლახეთის გოსპოდარი, მხედართმთავარი (გარდაიცვალა 1418 წელს).

მირჩილვა - ლითონის ნაწილების ერთმანეთთან დაკავშირება კალით.

მირჩილი - მთა გერმუხის ქედზე (2430 მეტრი).

მირცხულავა ალიო (ნამდვილი გვარი მაშაშვილი) - პოეტი (1903-1971 წწ).

მირცხულავა დიდიმ - დირიჟორი, საქართველოს სახალხო არტისტი (1912-1997 წწ).

მირხონდი მუჰამად იბნ ჰავანდშაჰ - ირანელი ისტორიკოსი (1433-1498 წწ).

მირ ჯალალი (ნამდვილი სახელი მირ ჯალალ ალი ოღლი ფაშაევი) - აზერბაიჯანელი მწერალი (1908-1978 წწ).

მის (ინგლ.) - ინგლისსა და ამერიკის შეერთებულ შტატებში, გაუთხოვარი ქალის ხსენება ან მისდამი მიმართვა.

მისაბაძი - ვისაც, რასაც უნდა მიჰბაძონ.

მისაბმელი - რაც უნდა მიაბან.

მისაგეგებლად - მიგებების მიზნით, შესახვედრად.

მისადაგებული - შეწყობილი, შეთანხმებული, შეხამებული.

მისადგომები

1) ადგილი, გზა, რითაც მიადგებიან რაიმე დასახლებულ პუნქტს.

2) ნაპირზე საგანგებოდ მოწყობილი ადგილი, რასაც გემები მიადგებიან.

მისადგომი - რასთანაც მისვლა შეიძლება.

მისადევარი

1) ვისამე შორეული ნათესაობა.

2) ახლომახლო ადგილები, არემარე, მიდამო.

მისაკერებელი - რაც უნდა მიაკერონ.

მისაკრავი

1) რაც უნდა მიაკრან.

2) სადაც უნდა მიაკრან.

3) რითაც უნდა მიაკრან.

მისაკუთრებული - დასაკუთრებული, მითვისებული.

მისალოცავი - რაც უნდა მიულოცონ, მილოცვისთვის განკუთვნილი.

მისამართი

1) წარწერა საფოსტო გზავნილზე, რომლითაც აღნიშნულია მიმღების ადგილსამყოფელი.

2) ვისიმე, რისიმე ადგილსამყოფელი.

მისამხრობი - ვინც უნდა მიიმხრონ.

მისანდობი - ვისაც შეიძლება მიანდონ რამე ან მიენდონ, საიმედო.

მისანი - ბედის გამომცნობი, მკითხავი, გულთმისანი.

მისანიჭებელი - რაც უნდა მიანიჭონ.

მისართმევი

1) რაც უნდა მიართვან.

2) რაც უნდა მიირთვან საჭმელად, სასმელად.

მისასალმებელი - მისალმების გამომხატველი.

მისასვლელი

1) რითაც უნდა მივიდნენ სადმე, მისადგომი.

2) ვინც უნდა მივიდეს.

მისასხურებელი

1) რაც უნდა მიასხურონ.

2) რითაც უნდა მიასხურონ, სასხურებელი.

3) რასაც უნდა მიასხურონ.

მისატანი

1) რაც უნდა მიიტანონ.

2) რითაც უნდა მიიტანონ.

მისატყუებელი

1) ვინც, რაც უნდა მიიტყუონ.

2) რითიც უნდა მიიტყუონ ვინმე.

მისაფარებელი - რაც უნდა მიაფარონ.

მისაფერებელი - იგივეა, რაც მოსაფერებელი.

მისაქსელი - ქსოვის დროს ქსელში გასატარ-გამოსატარებელი ძაფი; ზედა.

მისაქცევი - რასაც ყურადღება უნდა მიაქციონ, ყურადღების ღირსი.

მისაქციელი - სოფელი მცხეთის მუნიციპალიტეტში, მდინარე არაგვის მარჯვენა მხარეს, საქართველოს სამხედრო გზაზე. თემის საკრებულოს ცენტრი (მოიცავს 9 სოფელს: აღდგომელაანთკარი, ახალდაბა, ახალუბანი, ლამი, მისაქციელი, ნაოზა, ნატახტარი, უფურუთი, ფრეზეთი). ზღვის დონიდან - 600 მეტრი, მცხეთიდან - 16 კილომეტრი. 2002 წლის აღწერის მონაცემებით სოფელში ცხოვრობს 2105 კაცი.

მისაღები

1) რაც, ვინც უნდა მიიღონ.

2) დასაფასებელი, მოსაწონი.

3) სადმე მიღებისათვის განკუთვნილი, დანიშნული.

4) ოთახი, რომელშიც მიღებას ელოდებიან მომსვლელები.

მისაღწევი

1) რასაც უნდა მიაღწიონ.

2) რითაც უნდა მიაღწიონ რასმე.

მისაყვანი - ვინც, რაც უნდა მიიყვანონ.

მისაყიდი - რაც უნდა მიჰყიდონ ვისმე, რასმე.

მისაყრდენი (მისაყრდნობი) - რასაც მიაყრდნობენ რასმე ან მიეყრდნობიან.

მისაშვები - ვინც, რაც უნდა მიუშვან.

მისაშველებელი

1) ვინც, რაც უნდა მიაშველონ.

2) ვისაც, რასაც უნდა მიეშველონ.

მისაჩქმალავი - რაც უნდა მიჩქმალონ.

მისაცემი

1) რაც უნდა მისცენ ვისმე.

2) სადაც უნდა მისცენ რამე, რითაც უნდა მისცენ რამე.

მისაძილებელი - მისაძინებლად, მიძინების მიზნით.

მისაძღვნელი - რაც უნდა მიუძღვნან.

მისაწებებელი - რაც უნდა მიაწებონ.

მისაწევი - რაც უნდა მისწიონ.

მისაწერი - რაც უნდა მისწერონ.

მისაწვდენი - რასაც შეიძლება მიაწვდინონ რამე.

მისაწვდომი - რასაც შეიძლება მისწვდნენ.

მისაწოდებელი - რაც უნდა მიაწოდონ.

მისაჭედებელი

1) რაც უნდა მიაჭედონ.

2) რითაც უნდა მიაჭედონ.

მისაჭმელი (კუთხ.) - იგივეა, რაც შესატანებელი.

მისახარებელი - რაც უნდა მიახარონ.

მისახედავი - ვისაც, რასაც უნდა მიხედონ.

მისახვდომი - იგივეა, რაც მისახვედრი.

მისახვედრი - რასაც უნა მიხვდნენ.

მისახვევი - სადაც უნდა მიუხვიონ, გადასახვევი.

მისახვევ-მოსახვევი - სადაც უნდა მიუხვ-მოუხვიონ, ბევრი მოსახვევი სხვადასხვა მხარეს.

მისახვევ-მოსახვევიანი - რასაც მისახვევ-მოსახვევები აქვს.

მისახმარებელი - ვისაც უნდა მიეხმარონ.

მისახმობი (წიგნ.) - ვინც უნდა მიიხმონ.

მისახურავი - რაც უნდა მიხურონ.

მისგითი (არაბ.) - იგივეა, რაც მეჩეთი.

მისდა (ძვ.) - მისთვის.

მისდამი - მის მიმართ.

მისდიმინორი (ინგლ.) - სამართლის ანგლოსაქსურ სისტემაში - ისეთ წვრილმან სისხლის სამართლის დანაშაულობათა კატეგორია, რომლებიც ადმინისტრაციულ სამართალდარღვევათა მიჯნაზეა.

მისებრ - მის მსგავსად, მისებურად.

მისებრი (ძვ.) - მისი მსგავსი.

მისებური - ისეთი, როგორიც მან იცის, მას შეუძლია, სჩვევია, მისთვის დამახასიათებელი.

მისეული

1) ვინც, რაც მიუსიეს ან მიესია.

2) მისი ნაქონი.

მის ვან დერ როე ლუდვიგ - გერმანელი არქიტექტორი, მოღვაწეობდა აშშ-ში (1886-1969 წწ).

მისვენებული

1) ვინც, რაც მიასვენეს.

2) ვინც მიესვენა, მიწოლილი, მიყრდნობილი.

მისვლა-მოსვლა - მისვლა და მოსვლა, ერთმანეთთან მისვლა, სიარული.

მისთანა - მისი მსგავსი, იმგვარი, ისეთი.

მისთვის - მისი გულისთვის.

მისი - (კუთვნილებითი ნაცვალსახელი) რაც მას აქვს, ვინც მას ჰყავს, რაც, ვინც მას ეკუთვნის.

მისია (ლათ.)

1) (წიგნ.) საგანგებო, საპასუხისმგებლო დავალება, დანიშნულება, როლი.

2) მუდმივი დიპლომატიური წარმომადგენლობა დესპანის მეთაურობით.

3) სპეციალური დანიშნულებით წარგზავნილი დიპლომატიური დელეგაცია.

მისიანი - მისი ახლობელი, ნათესავი.

მისიკი ვასილი - უკრაინელი პოეტი (1907-1983 წწ).

მისიმა იუკიო (ნამდვილი სახელი ჰირაოკა კიმიტაკე) - იაპონელი მწერალი (1925-1970 წწ).

მისიმიელები - ერთ-ერთი ქართველური (სვანური) ტომი.

მისიონერი (ფრ.) - ქრისტიანული ეკლესიის მიერ სხვა რჯულის მორწმუნეების მოსაქცევად უცხოეთში წარგზავნილი მქადაგებელი.

მისიონესი - პროვინცია ჩრდილო-აღმოსავლეთ არგენტინაში, მთავარი ქალაქი - პოსადასი.

მისიონი (ფრანგ.) - მისია, მისიონერთა ორგანიზაცია.

მისის (ინგლ.) - ინგლისსა და ამერიკის შეერთებულ შტატებში, გათხოვილი ქალის ხსენება ან მისდამი მიმართვა.

მისისიპი

1) მდინარე აშშ-ში, ერთვის ატლანტის ოკეანის მექსიკის ყურეს (სიგრძე - 3950 კილომეტრი, მისურის სათავიდან - 6420 კილომეტრი).

2) შტატი აშშ-ს სამხრეთ ნაწილში. ფართობი 123,5 ათასი კვ.კმ. ადმინისტრაციული ცენტრი - ჯექსონი.

მისკი - ქალაქი რუსეთის კემეროვოს ოლქში (45 ათასი).

მისკიტო - ნიკარაგუაში მცხოვრები ინდიელი ხალხი (150 ათასი).

მისლივეჩეკი იოსეფ - ჩეხი კომპოზიტორი და დირიჟორი (1737-1781 წწ).

მისლოვიცე - ქალაქი პოლონეთის კატოვიცეს სავოევოდოში (95 ათასი).

მისნობა - მისნის თვისება.

მისნური - იგივეა, რაც ჯადოსნური.

მისოლუნგი - იხილე მესოლონგიონი.

მისრათა - ქალაქი ლიბიაში.

მისრესილ-მოსრესილი - ერთიანად დასრესილი, ძალიან დასრესილი.

მისტაგოგი (ბერძ.) - ძველ საბერძნეთში: ქურუმი, რომელიც მისტერიებს განაგებდა.

მისტასინი - ტბა კანადაში.

მისტერ (ინგლ.) - ინგლისსა და ამერიკის შეერთებულ შტატებში - მამაკაცის ხსენება ან მისდამი მიმართვა: ბატონი, ბატონო!

მისტერია (ბერძ.)

1) ანტიკურ ქვეყნებში, საიდუმლო რელიგიური წესების შესრულება.

2) შუა საუკუნეებში დასავლეთ ევროპაში: დრამა, რომელსაც ჰქონდა ბიბლიური სიუჟეტი.

მისტი - მოქმედი ვულკანი პერუში (5821 მ).

მისტიკა (ბერძ.)

1) რწმენა, რომლის მიხედვითაც ადამიანს თითქოს შეუძლია ურთიერთობა დაამყაროს საიქიოსთან, ზებუნებრივი ძალების რწმენა.

2) (გადატანით) იდუმალი რამ.

მისტიკოსი - პირი, რომელსაც მისტიკის სწამს, რომელიმე რელიგიურ-მისტიკური მოძღვრების მიმდევარი.

მისტიკური - მისტიკასა და მისტიციზმთან დაკავშირებული.

მისტიფიკატორი - პირი, რომელიც მისტიფიკაციებს მისდევს, თაღლითი.

მისტიფიკაცია (ფრანგ.) - განზრახ ვისიმე შეცდენა, მოტყუება.

მისტიციზმი - მისტიკაზე დაფუძნებული რელიგიურ-იდეალისტური მსოფლმხედველობა, მიდრეკილება მისტიკისადმი.

მისტრა - შუა საუკუნეების ქალაქი საბერძნეთში, სპარტიდან ხუთი კილომეტრის დაშორებით.

მისტრალი გაბრიელა (ნამდვილი სახელი და გვარი ლუსილა გოდოი ალკაიაგა) - ჩილელი პოეტი ქალი, 1945 წლის ნობელის პრემიის ლაურეატი (1889-1957 წწ).

მისტრალი ფრედერიკ - პროვანსელი პოეტი, 1904 წლის ნობელის პრემიის ლაურეატი (1830-1914 წწ).

მისტრალი (ფრანგ.) - ჩრდილოეთის ცივი და მშრალი ქარი სამხრეთ საფრანგეთში.

მისტრის (ინგლ.) - (ძვ.) იგივეა, რაც მისის.

მისული - ვინც, რაც მივიდა.

მისურატა - ქალაქი-პორტი ლიბიაში, ხმელთაშუა ზღვის პირას (120 ათასი).

მისური - მდინარე აშშ-ში, მდინარე მისისიპის მარჯვენა შენაკადი (4740 კმ). 2) შტატი აშშ-ს ჩრდილოეთ ნაწილში. ფართობი 180,5 ათასი კვ.კმ. მოსახლეობა 5,1 მილიონი. ადმინისტრაციული ცენტრი - ჯეფერსონ-სიტი.

მისუსტებული - ვინც, რაც მისუსტდა.

მისწრაფება - სწრაფვა, ლტოლვა რამესკენ, ვინმესკენ.

მისწრება (საუბ.) - დროზე ხსნა, შველა.

მისხაკო - კონცხი ნოვოროსიისკის სამხრეთით, სადაც 1943 წლის 4 თებერვალს საბჭოთა საზღვაო ქვეითმა რაზმმა ხელთ იგდო პლაცდარმი, რომელსაც შემდეგ „მცირე მიწა“ ეწოდა.

მისხალი - ძველებური წონის ერთეული უდრის დაახლოებით 4,25 გრამს.

მისხალ-მისხალ - მისხლობით, მისხლებად.

მისხი - შორეული ნათესავი.

მისხლობით - მისხლის ოდენობით, მისხლებად.

მისხმული - რაც მიასხეს ან მიესხათ.

მისჯილი

1) რაც მიუსაჯეს.

2) ვისაც მიუსაჯეს.

მიტა ალექსანდრე (ნამდვილი გვარი - რაბინოვიჩი) - რუსი კინორეჟისორი (დაიბადა 1933 წელს).

მიტაგ-ლეფლერი მაგნუს - შვედი მათემატიკოსი (1846-1927 წწ).

მიტავა - ლატვიის ქალაქ ელგავას ოფიციალური სახელი 1917 წლამდე.

მიტაკა - ქალაქი იაპონიაში, ტოკიოს ქალაქი-თანამგზავრი (170 ათასი).

მიტანებული - ვინც მიატანა, მიაღწია.

მიტანილი - რაც მიიტანეს.

მიტან-მოტანა - მიტანა და მოტანა.

მიტარბი

1) სოფლების დიდი მიტარბის და პატარა მიტარბის გავრცელებული სახელწოდება (ბორჯომის მუნიციპალიტეტი).

2) სამკურნალო და სუფრის მინერალური წყალი.

მიტარბულა (მიტარბისწყალი) - მდინარე ბორჯომის მუნიციპალიტეტში, გუჯარეთის წყლის მარცხენა შენაკადი.

მიტაცებული - რაც მიიტაცეს.

მიტევებული (ძვ.) - რაც მიუტევეს.

მიტელი (გერმ.) - სასტამბო შრიფტი ციცეროზე დიდი, ხოლო ტერციაზე ნაკლები, მისი ზომა (კეგელი) 14 პუნქტია (დაახლოებით 5,25 მილიმეტრი).

მიტელშნაუცერი - სამსახურეობრივი ჯიში ძაღლისა; გამოყვანილია შუა საუკუნეების გერმანიაში.

მიტელშპილი (გერმ.) - ჭადრაკის პარტიის შუა ნაწილი.

მიტენი (ფრანგ.) - ქალის ნახევარხელთათმანი, უთითებო ხელთათმანი.

მიტერანი ფრანსუა - საფრანგეთის პრეზიდენტი 1981-95 წლებში (1916-1996 წწ).

მიტეული - რაც, ვინც მიუტიეს.

მიტილინე - ქალაქი საბერძნეთში, ლესბოსის ნომის ადმინისტრაციული ცენტრი.

მიტილუსი - მოლუსკების გვარი ორსაგდულიანების კლასისა.

მიტინგი (ინგ.) - მასობრივი კრება რაიმე საჭირბოროტო საკითხის განსახილველად.

მიტიშჩი - ქალაქი რუსეთის მოსკოვის ოლქში (155 ათასი).

მიტკალი (არაბ.-სპარს.) - ბამბის თეთრი წმინდა ქსოვილი, სათანადო გამოყვანის შედეგად მისგან მიიღება ჩითი, მადაპოლამი, მუსლინი და სხვა.

მიტკუცებული - რაც მიატკუცეს.

მიტლა - ქალაქი სამხრეთ მექსიკაში.

მიტმასნილი - ვინც მიეტმასნა ვისმე, რასმე.

მიტო - ქალაქი იაპონიის იბარაკის პრეფექტურაში.

მიტოვებული - რაც, ვინც მიატოვეს.

მიტოზი (ბერძ.) - (ბიოლ.) უჯრედების არაპირდაპირი (რთული) დაყოფა, მცენარეთა და ცხოველთა უჯრედების გამრავლების ერთ-ერთი საშუალება, რომლის დროსაც ხდება ქრომოსომის გარდაქმნა (სხვანაირად - კარიოკინეზი).

მიტომ - იგივეა, რაც იმიტომ.

მიტოქონდრიები (ბერძ.) - (ბიოლ.) იგივეა, რაც ქონდრიოსომები.

მიტრა (ბერძ.) - მღვდელმთავრის მაღალი თავსარქმელი, გვირგვინი, იხურავენ მღვდელმსახურების დროს.

მიტრალიეზი (ფრანგ.) - ძველებური მრავალლულიანი იარაღი.

მიტრე ბარტოლომეო - არგენტინის პრეზიდენტი 1862-68 წლებში, ისტორიკოსი (1821-1906 წწ).

მიტრიალებული - ვინც, რაც მიტრიალდა.

მიტროპოლიტი (ბერძ.) - მართლმადიდებელ ეპისკოპოსთა უმაღლესი წოდება.

მიტროპულოსი დიმიტრიოს - ბერძენი დირიჟორი, პიანისტი და კომპოზიტორი (1896-1960 წწ).

მიტუმბა - ქედი კონგოში.

მიტყეპილი (საუბ.) - ვინც მიტყიპეს.

მიტყუებული - ვინც, რაც მიიტყუეს.

მიტყუპებული - ერთმანეთს მიდებული, მიკრული.

მიტყუპული - იგივეა, რაც მიტყუპებული.

მიუარი ედუინ - ინგლისელი პოეტი (1887-1959 წწ).

მიუგნებელი - რასაც ვერ მიაგნეს ან ვერ მიაგნებენ.

მიუდგომელი

1) მისასვლელად ძნელი, მიუვალი.

2) ვისაც მიდგომა, მიკერძოება არ სჩვევია, პირუთვნელი.

მიუდგომლობა - მიუდგომლის თვისება.

მიუვალი - ძნელად მისასვლელი, მიუდგომელი.

მიუზამი ერიხ - გერმანელი პოეტი, დრამატურგი, პუბლიცისტი (1878-1934 წწ).

მიუზეტი (ფრანგ.)

1) გუდასტვირი ერთგვარი, გავრცელებული იყო საფრანგეთში მე-17-18 საუკუნეებში.

2) ძველებური მხიარული ფრანგული ცეკვა, სრულდებოდა ამ საკრავის აკომპანემენტით.

მიუზიკლი (ინგლ.) - მუსიკალურ-სცენური ნაწარმოები უპირატესად კომედიური ხასიათისა, რომელშიც გამოყენებულია თანამედროვე ყოფითი მუსიკის, ქორეოგრაფიის, ოპერეტის, ოპერის გამომსახველობითი საშუალებანი; ასეთი ჟანრის კინოფილმი.

მიუზიკ-ჰოლი (ინგლ.) - საესტრადო თეატრი.

მიუთითებლად - მითითების გარეშე.

მიუკარებელი - ვინც თავისთან ახლოს არ უშვებს არავის, ვინც სხვებთან ურთიერთობას გაურბის, უკარება.

მიუკარებელნი - წოდებრივ-კასტური იერარქიის უმდაბლესი საფეხურის კასტის წამომადგენლები ინდოეთში.

მიუკერძოებელი - მიუდგომელი, პირუთვნელი.

მიუკერძოებლობა - მიუკერძოებლის თვისება, მიუდგომლობა, პირუთვნელობა.

მიუკიბავ-მოუკიბავი - რაც არ მიუკუბ-მოუკიბავთ.

მიულერი გერდ - გერმანელი ფეხბურთელი, მსოფლიოს 1974 წლის ჩემპიონი, 1970 წლის ევროპის საუკეთესო ფეხბურთელი, მსოფლიოს ყველა დროის ერთ-ერთი უძლიერესი ფორვარდი-ბომბარდირი (დაიბადა 1945 წელს).

მიულერი ვილჰელმ - გერმანელი მწერალი (1794-1827 წწ).

მიულერი იოჰანეს პეტერ - გერმანელი ბუნებისმეტყველი (1801-1858 წწ).

მიულერი კარლ - შვეიცარიელი ფიზიკოსი, 1987 წლის ნობელის პრემიის ლაურეატი ი .გ. ბედნორცთან ერთად (დაიბადა 1927 წელს).

მიულერი პაულ ჰერმან - შვეიცარიელი ქიმიკოსი, 1948 წლის ნობელის პრემიის ლაურეატი (1899-1965 წწ).

მიულერი სოფუს ოტო - დანიელი არქეოლოგი (1846-1934 წწ).

მიულერი ფრიდრიხ - ავსტრიელი ენათმეცნიერი და ეთნოგრაფი (1834-1898 წწ).

მიულერი ფრიდრიხ - გერმანელი მწერალი და მხატვარი (1749-1825 წწ).

მიულერი ჰაინერ - გერმანელი დრამატურგი (დაიბადა 1929 წელს).

მიული (მიულმანქანა) (ინგლ.) - სართავი მანქანა.

მიულუზი - ქალაქი აღმოსავლეთ საფრანგეთში, ზემო რაინის დეპარტამენტში (110 ათასი).

მიულჰაიმი - ქალაქი გერმანიის ჩრდილოეთ რაინ-ვესტფალიის მხარეში.

მიულჰაუზენი - ქალაქი გერმანიის ტიურინგიის მხარეში (40 ათასი).

მიუ-მიუ (ნამდვილი სახელი და გვარი სილვეტა ერი) - ფრანგი მსახიობი ქალი (დაიბადა 1950 წელს).

მიუმხვდარი - იგივეა, რაც მიუხვედრელი.

მიუნდობელი

1) ისაც, რასაც არ შეიძლება მიენდონ.

2) ვინც ადვილად არ ენდობა, არ მიენდობა ვისმე.

მიუნიე როჟე - ფრანგი პოეტი (დაიბადა 1923 წელს).

მიუნიხი ფერენც - უნგრეთის მუშათა მოძრაობის მოღვაწე, პოლიტიკური და სახელმწიფო მოღვაწე (1886-1967 წწ).

მიუნსტერბერგი ჰუგო - გერმანელი ფსიქოლოგი და ფილოსოფოსი (1863-1916 წწ).

მიუნსტერი - ქალაქი გერმანიის ჩრდილოეთ რაინ-ვესტფალიის მხარეში (265 ათასი).

მიუნში შარლ - ფრანგი დირიჟორი და მევიოლინე (1891-1968 წწ).

მიუნცერი თომას - გერმანელი რევოლუციონერი, იდეოლოგი, 1524-25 წლების გლეხთა ომის ერთ-ერთი ბელადი (1490-1525 წწ).

მიუნხენი - ქალაქი გერმანიაში, ბავარიის მხარის ადმინისტრაციული ცენტრი. XX ოლიმპიური თამაშების დედაქალაქი 1972 წელს (1,2 მილიონი).

მიუნჰაუზენი ბერის ფონ - გერმანელი პოეტი (1874-1945 წწ).

მიუნჰაუზენი (ბარონი მიუნჰაუზენი) - ბევრი გერმანული ზღაპრის და მხატვრული ნაწარმოების ბაქია, მატყუარა პერსონაჟი.

მიუონები (ფიზ.) - დადებითად ან უარყოფითად დამუხტული არასტაბილური ელემენტარული ნაწილაკები, რომელთა მასა დაახლოებით 207-ჯერ სჭარბობს ელექტრონების მასას. მიუონების სიცოცხლის ხანგრძლივობა იზომება წამის მემილიონედი ნაწილებით.

მიუონიუმი - ნაწილაკი, რომელიც შედგება დადებითი მიუონისა და ელექტრონისაგან.

მიუპატიჟებელი - ვინც არ მიუპატიჟებიათ, დაუპატიჟებელი.

მიურატი იოაჰიმ - საფრანგეთის სამხედრო მოღვაწე, მარშალი, ნაპოლეონის სიძე, ნეაპოლის მეფე 1808 წლიდან (1767-1815 წწ).

მიურდალი ალვა - შვედი სოციოლოგი და საზოგადო მოღვაწე, 1982 წლის ნობელის პრემიის ლაურეატი ა.გარსია რობლესთან ერთად (1902-1986 წწ).

მიურდალი გუნარ კარლ - შვედი ეკონომისტი, 1974 წლის ნობელის პრემიის ლაურეატი რ. ჰაიეკთან ერთად (1898-1987 წწ).

მიურიდი (არაბ.) - მუსლიმანებში პირი, რომელიც ვალდებულია მონა-მორჩილი იყოს თავისი მოძღვრისა (შეიხის ან იმამისა) და ფანატიკურად სძულდეს ყველა „ურჯულო“, არამუსლიმანი.

მიურიდიზმი - ისლამის ყველაზე უფრო მებრძოლი რეაქციული მიმდინარეობა, რომელიც რელიგიის მთავარ დოგმატად აღიარებს ყველა არამუსლიმანის ულმობელი გაჟლეტის იდეას.

მიურიცი - ტბა აღმოსავლეთ გერმანიაში, მეკლენბურგის პლატოზე (სიღრმე 33 მეტრი).

მიურჟე ანრი - ფრანგი მწერალი (1822-1861 წწ).

მიუსაფარი (წიგნ.)

1) ვისაც თავშესაფარი არ აქვს.

2) ტიალი ადგილი, სადაც თავშესაფარი არ არის.

მიუსაფრობა - მიუსაფრის მდგომარეობა.

მიუსე ალფრედ დე - ფრანგი პოეტი-რომანტიკოსი (1810-1857 წწ).

მიუსერა

1) მდინარე გუდაუთის მუნიციპალიტეტში, ერთვის შავ ზღვას.

2) სოფელი გუდაუთის მუნიციპალიტეტში.

მიუსერტი ანტონ ადრიან - ფაშისტური პარტიის მეთაური ნიდერლანდში (1894-1946 წწ).

მიუსვლელი - ვინც არ მისულა სადმე.

იუსვლელობა - მიუსვლელად ყოფნა, არმისვლა.

მიუსი - მდინარე სამხრეთ-აღმოსავლეთ უკრაინასა და როსტოვის ოლქში, ერთვის აზოვის ზღვას (სიგრძე - 258 კილომეტრი).

მიუსინსკი - ქალაქი უკრაინის ლუგანსკის ოლქში.

მიუსხენბრუკი პეტერ ვან - ნიდერლანდელი ფიზიკოსი (1692-1761 წწ).

მიუტევებელი - რაც არ მიეტევებათ, არ ეპატიებათ, შეუწყნარებელი.

მიუფკე კონსტანტინე - რუსი მსახიობი, საქართველოს სახალხო არტისტი (1913-1968 წწ).

მიუღებელი - ანუ დაუშვებელი.

მიუღებლობა - რისამე არმიღება, ვერმიღება.

მიუღწეველი - რის მიღწევაც შეუძლებელია.

მიუღწევლობა - მიუღწევლის თვისება, რისამე ვერმიღწევა.

მიუჩვეველი - ვინც, რაც არ მიუჩვევიათ ან არ მიჩვეულა, შეუჩვეველი.

მიუცემელი - რაც არ მიუციათ.

მიუწვდენელი - იგივეა, რაც მიუწვდომელი.

მიუწვდომელი - რასაც ვერ მისწვდებიან.

მიუწვეველი - ვინც არ მიუწვევიათ.

მიუხედავად - ზმნისართი თანდებულის ფუნქციით: დაერთვის ნათესაობით ბრუნვას და ნიშნავს, რისამე ყურადღების მიუქცევლად, რამესთვის ანგარიშის გაუწევლად.

მიუხედავი - ვისაც, რასაც არ მიხედეს.

მიუხვედრელი - ვინც ვერ მიხვდება რასმე, მოუსაზრებელი.

მიფანტული - რაც, ვინც მიფანტეს.

მიფანტულ-მოფანტული - რაც, ვინც მიფანტ-მოფანტეს ან მიიფანტ-მოიფანტა.

მიფარებული - რაც მიაფარეს ან მიიფარეს.

მიფარეთი - სოფელი ცხინვალის მუნიციპალიტეტში.

მიფენილი - რაც მიფინეს, მიაფინეს.

მიფერფლილი

1) რაც მიიფერფლა.

2) (გადატანით) ფერმკრთალი.

მიფიცხებული - რაც მიუფიცხეს, ვინც, რაც მიეფიცხა.

მიფრენილი - რაც, ვინც მიფრინდა.

მიფრქვეული - რაც მიაფრქვიეს.

მიფუნე ტოსიორო - იაპონელი კინომსახიობი (1920-1997 წწ).

მიფუჩეჩებული - რაც მიაფუჩეჩეს.

მიქაბერიძე ალექსანდრე - მწერალი, პედაგოგი (1866-1943 წწ).

მიქაბერიძე კონსტანტინე (კოტე) - მსახიობი და კინორეჟისორი (1896-1973 წწ).

მიქაელ ატალიატე - ბიზანტიელი ისტორიკოსი და სამართლისმცოდნე (XI საუკუნე).

მიქაელი

1) ქართლის ეპისკოპოსი (მთავარეპისკოპოსის ტიტულით), V საუკუნის 40-70-იან წლებში.

2) (მიქაელ მირიანის ძე) - საქართველოს კათალიკოს-პატრიარქი დაახლოებით 1178-90 წლებში.

3) (მიქელი) - საქართველოს კათალიკოს-პატრიარქი დაახლოებით XIII საუკუნის 30-40-იან წლებში.

4) საქართველოს კათალიკოს-პატრიარქი 1420-25 წლებში.

5) (მიხაელი) - იერუსალიმისა და ანტიოქიის პატრიარქი დაახლოებით 1470-84 წლებში.

6) IX საუკუნის ქართველი კალიგრაფი.

7) XII-XIII საუკუნეების ქართველი მინიატურისტი, ე.წ. ჯრუჭის სახარების ერთ-ერთი დამსურათებელი.

მიქაელიანი სერგეი - კინოსა და თეატრის რეჟისორი, წარმოშობით სომეხი, მოღვაწეობდა „მოსფილმში“ (დაიბადა 1923 წელს).

მიქაელ კირულარიოსი - კონსტანტინოპოლის პატრიარქი (დაახლოებით 1000 - 1058 წწ).

მიქაელ მაღლაკელი - XII საუკუნის I ნახევრის მხატვარი.

მიქაელ მოდრეკილი - X საუკუნის ქართველი პოეტი-ჰიმნოგრაფი, მწიგნობარი, კალიგრაფი.

მიქაელ მწერალი - XI საუკუნის ქართველი კალიგრაფი.

მიქაელ საბაწმიდელის წამება - IX საუკუნის ქართული ჰაგიოგრაფიული პოეტური ძეგლი. ამბავი ხდება VII საუკუნის მიწურულს.

მიქაელ ულუმბოელი (ერისკაცობაში კონსტანტინე) - საეკლესიო მოღვაწე, ერთ-ერთი ასურელი მამათაგანი.

მიქაელ ფსელოსი (ერისკაცობაში კონსტანტინე) - ბიზანტიის სახელმწიფო მოღვაწე, მეცნიერი, მწერალი (1018 - 1078/1096 წწ).

მიქაელ ქონიატე - ბიზანტიელი მწერალი (დაახლოებით 1138-1222 წწ).

მიქავა - სოფელი წალენჯიხის მუნიციპალიტეტში.

მიქავა უტუ - სამეგრელოს გლეხთა აჯანყების (1856-57 წწ) მეთაური (1812-1878 წწ).

მიქანცული - იგივეა, რაც მოქანცული.

მიქატაძე შოთა - მოქანდაკე, საქართველოს სახალხო მხატვარი (1905-1979 წწ).

მიქატაძე დიმიტრი (ჯუნა) - მოქანდაკე (დაიბადა 1932 წელს).

მიქაშავიძე ნიკოლოზ - მსახიობი, საქართველოს სახალხო არტისტი, მოღვაწეობდა სოხუმის თეატრში (1909-1990 წწ).

მიქაძე გუგ- მოქანდაკე (დაიბადა 1927 წელს).

მიქაძეები - XVII-XVIII საუკუნეების ქართველ კალიგრაფთა საგვარეულო.

მიქელა - ქართული მხატვრული ფილმი, გადაღებულია დავით კლდიაშვილის ამავე სახელწოდბის მოთხრობის მიხედვით. ეკრანებზე გამოვიდა 1965 წელს. დამდგმელი რეჟისორი და სცენარის ავტორი - ელდარ შენგელაია. დამდგმელი ოპერატორი - ალექსანდრე რეხვიაშვილი. კომპოზიტორი - ირაკლი გეჯაძე. მთავარ როლებში: გრიგოლ ტყაბლაძე, ზინაიდა კვერენჩხილაძე.

მიქელანჯელო ბუონაროტი (მიქელანჯელო დი ლოდოვიკო დი ლიონარდო დი ბუონაროტო სიმონი) - იტალიელი მოქანდაკე, ფერმწერი, არქიტექტორი და პოეტი (1475-1564 წწ).

მიქელაძე გიორგი - რეჟისორი და თეატრალური მოღვაწე, საქართველოს სახალხო არტისტი (1892-1974 წწ).

მიქელაძე დავით (დათა) - იხილე მეველე.

მიქელაძე ევგენი - დირიჟორი, პედაგოგი, ხელოვნების დამსახურებული მოღვაწე (1903-1937 წწ).

მიქელაძე ვახტანგ - კინორეჟისორი (დაიბადა 1936 წელს).

მიქელეფონი - სოფელი ვანის მუნიციპალიტეტში (ტობანიერის თემის საკრებულო), მდებარეობს იმერეთის სამხრეთ მთისწინეთში, მდინარე ყუმურის (რიონის მარცხენა შენაკადი) ნაპირებზე. ზღვის დონიდან - 150 მეტრი. ვანიდან - 10 კილომეტრი. 2002 წლის აღწერის მონაცემებით სოფელში ცხოვრობს 524 ადამიანი.

მიქელი

1) IX საუკუნის ქართველი მოღვაწე, წარმოშობით შავშეთელი.

2) საქართველოს კათალიკოს-პატრიარქი 951-955 წლებში.

3) იმერეთის მეფე 1327-29 წლებში, დავით VI ნარინის ძე.

მიქელიანი - სოფელი დუშეთის მუნიციპალიტეტში (გრემისხევის თემის საკრებულო), ალევის ქედის სამხრეთ დაბოლოებაზე, მდინარე ნარეკვავის (არაგვის მარჯვენა შენაკადი) ხეობაში. ზღვის დონიდან - 940 მეტრი, დუშეთიდან - 27 კილომეტრი. 2002 წლის აღწერის მიხედვით სოფელში ცხოვრობს 75 კაცი.

მიქელ პარეხელი - პარეხის მონასტრის ამშენებელი და მისი პირველი წინამძღვარი.

მიქელრიფში - სოფელი გაგრის მუნიციპალიტეტში.

მიქელწმინდა - სოფელი ახალციხის მუნიციპალიტეტში.

მიქელწყარო - სოფელი კასპის მუნიციპალიტეტში.

მიქიაშვილი ბიძინა - სპორტსმენი (ძალოსნობა, 83, 85 კგ). ევროპის ჩემპიონატის მეორე პრიზიორი (1996). ევროპის ჩემპიონატებში აკვრაში მოგებული აქვს მცირე ოქროს (1996) და მცირე ბრინჯაოს (1995) მედლები (დაიბადა 1968 წელს).

მიქირავებული - რაც მიაქირავეს.

მიქლიო (Cantharellus cibarius) - მკრთალი ყვითელი ფერის საჭმელი სოკო, იზრდება ტყეებში, ჩვეულებრივ, ჯგუფ-ჯგუფად.

მიქოიანი ანასტას - საბჭოთა ეპოქის პოლიტიკური მოღვაწე, 1964-65 წლებში სსრკ უმაღლესი საბჭოს პრეზიდიუმის თავმჯდომარე (1895-1978 წწ).

მიქოიანი არტემ - ავიაკონსტრუქტორი, საინჟინრო ჯარების გენერალ-პოლკოვნიკი (1905-1970 წწ).

მიქოიან-შაჰარი - რუსეთის ყარაჩაევო-ჩერქეზეთის ქალაქ ყარაჩაევსკის სახელი 1929-44 წლებში.

მიქსათი კალმან - უნგრელი მწერალი (1847-1910 წწ).

მიქსბორდერი (ინგლ.) - მებაღეობაში: დეკორატიული მცენარეების, ყვავილების მრავალ მწკრივად დარგვა, ისე რომ ყვავილობა გრძელდებოდეს ადრე გაზაფხულიდან გვიან შემოდგომამდე განუწყვეტლივ.

მიქსერი (ინგლ.)

1) მეტალურგიული ჭურჭელი (100-იდან 2500 ტონამდე ტევადობისა), რომელშიც გროვდება ბრძმედიდან გამოსული თხევადი თუჯი (შემდგომი გადამუშავების მიზნით ფოლადსადნობ აგრეგატებში).

2) ელექტრული ხელსაწყო ცომის, კრემის, პიურეს, კოქტეილის მოსამზადებლად, კვერცხის ასათქვეფად და სხვა.

მიქსინები - ხერხემლიანი ცხოველების ქვეკლასი მრგვალპირიანთა კლასისა.

მიქსობაქტერიები (ბერძ.) - ლორწოვანი ბაქტერიები, ჩვეულებრივ ჩხირები, რომლებიც გაერთიანებული არიან და ქმნიან ლორწოვან მასას, ბინადრობენ ნიადაგში, ნაკელში, მცენარეულ ნარჩენებში და მონაწილეობენ მათ აერობულ დაშლაში.

მიქსომა (ბერძ.) - კეთილთვისებიანი სიმსივნე, რომელიც შედგება ლორწოს უხვად შემცველი შემაერთებელი ქსოვილისგან.

მიქსომატოზი - ბოცვრების (შინაური კურდღლების) მწვავე ვირუსული დაავადება.

მიქსომიცეტები (ბერძ.) - სოკოსმაგვარი უქლოროფილო ლორწოვანი ორგანიზმები, უმეტესობა საპროფიტები არიან, ზოგიერთები - კულტურული მცენარეების დაავადებათა გამომწვევნი.

მიქსტი (ლათ.)

1) სხვადასხვა დანიშნულების ვაგონებისაგან შედგენილი მატარებელი.

2) სხვადასხვა კლასის კუპეებისაგან შემდგარი ვაგონი.

3) ჩოგბურთში (ქალისა და ვაჟის) შერეული წყვილი.

მიქსტურა (ლათ.) - დასალევი წამალი, რომელიც წარმოადგენს სხვადასხვა ნივთიერების ნარევს.

მიქშირება - ხმის ოპერატორის მიერ ბგერის დონის რეგულირება ხმის ჩაწერის ან რადიოთი მუსიკალური გადაცემის დროს, საჭიროა ცალკეული საკრავის ან საკრავთა ჯგუფის ბგერადობის გამოსაყოფად.

მიქცევა - ზღვის დონის პერიოდული დაწევა, დაკლება, უკუქცევა.

მიქცევ-მოქცევა - მიქცევა და მოქცევა.

მიქცეული

1) მიბრუნებული, მიმართული რამესკენ, ვინმესკენ.

2) მიპყრობილი.

მიღებული

1) რაც მიიღეს.

2) ჩვეულებით, ტრადიციით დამკვიდრებული, დაწესებული, დაკანონებული.

3) ვინც მიიღეს სადმე.

4) დაფასებული, მოწონებული.

მიღმა - რისამე იქით, მეორე მხარეს.

მიღრეცილ-მოღრეცილი - მრუდე, დაღრეცილი.

მიღწევა - წარმატება.

მიღწეული

1) ვინც, რამაც მიაღწია რასმე.

2) რასაც მიაღწიეს.

მიყენებული - რაც მიაყენეს რასმე, ვისმე.

მიყვანილი

1) ვინც, რაც მიიყვანეს სადმე, ვინც ვისმე მიუყვანეს.

2) ვინც მიიყვანეს.

მიყვან-მოყვანა - მიყვანა და მოყვანა.

მიყიდული - რაც მიჰყიდეს ვისმე.

მიყინული - რაც მიეყინა, ზედ გაყინული.

მიყოლებული - უშუალოდ რისამე შემდეგ განლაგებული, გაყოლებული.

მიყრდნობილი - ვინც მიეყრდნო რასმე, ვისმე.

მიყრილი

1) რაც მიყარეს, მიაყარეს ან მიუყარეს.

2) რაც სადმე მიეყარა.

3) (გადატანით) უპატრონოდ, უყურადღებოდ მიტოვებული.

მიყრილ-მოყრილი - რაც მიყარ-მოყარეს, აქეთ-იქით უწესრიგოდ დაყრილი.

მიყრუებული

1) უხმაურო, წყნარი, მიყუჩებული.

2) ცენტრს ძალიან დაშორებული, მივარდნილი.

3) მისუსტებული ხმა.

მიყუდებული - რაც მიაყუდეს, ვინც მიეყუდა, მიყრდნობილი, მიბჯენილი.

მიყუჟული - ვინც, რაც მიიყუჟა, მიკუნჭული.

მიყუჩებული - ვინც, რაც მიყუჩდა.

მიშელი ლუიზ - ფრანგი რევოლუციონერი ქალი, მწერალი (1830-1905 წწ).

მიშენებული - რაც მიაშენეს რასმე.

მიშვებული - რაც, ვინც მიუშვეს.

მიშველაძე რევაზ - მწერალი, კრიტიკოსი, ფილოლოგიის მეცნიერებათა დოქტორი (დაიბადა 1940 წელს).

მიშველი - სოფელი ოჩამჩირის მუნიციპალიტეტში.

მიშვერილი - რაც მიუშვირეს.

მიშკარბაში (მისკარბაში) - სამონადირეო უწყების მაღალი მოხელე ქართლ-კახეთის სამეფოში.

მიშკინი - ქალაქი რუსეთის იაროსლავლის ოლქში.

მიშკოლცი - ქალაქი უნგრეთში. ბორშოდ-აბაუი-ზემპლენის მედიეს ადმინისტრაციული ცენტრი (190 ათასი).

მიშლე ჟიულ - ფრანგი ისტორიკოსი (1798-1874 წწ).

მიშლილ-მოშლილი - არეულ-დარეული, აწეწილ-დაწეწილი.

მიშნა - ებრაელთა საღვთო წიგნის, თალმუდის უძველესი ნაწილი.

მიშო ანრი - ფრანგი პოეტი და მხატვარი (1899-1984 წწ).

მიშტეკები - ინდიელი ხალხი მექსიკაში.

მიშტერებული

1) რაც მიაშტერეს რასმე, ვისმე.

2) ვინც მიაშტერდა რასმე, ვისმე.

მიშულინი სპარტაკ - რუსი მსახიობი, მოღვაწეობს მოსკოვის სატირის თეატრში (დაიბადა 1926 წელს).

მიშუქებული - რასაც მიაშუქეს.

მიშხეფებული - რაც მიაშხეფეს ან მიეშხეფა, მისხურებული.

მიჩელი - მწვერვალი აშშ-ში, აპალაჩის მთებში (2037 მეტრი).

მიჩელი ედგარ - ამერიკელი კოსმონავტი-მფრინავი, 1971 წელს «აპოლონ-14»-ით დაეშვა მთვარის ზედაპირზე (დაიბადა 1930 წელს).

მიჩელი მარგარეტ - ამერიკელი მწერალი ქალი (1900-1949 წწ).

მიჩელი პიტერ - ინგლისელი ბიოქიმიკოსი, 1978 წლის ნობელის პრემიის ლაურეატი (1920-1992 წწ).

მიჩელი ტომას - ინგლისელი ავსტრალიის მკვლევარი (1792-1855 წწ).

მიჩელი უესლი კლერ - ამერიკელი ეკონომისტი და სტატისტიკოსი (1874-1948 წწ).

მიჩელი ჯონ - ირლანდიის განმათავისუფლებელი მოძრაობის მოღვაწე (1815-1875 წწ).

მიჩელრიხი აილჰარდ - გერმანელი ქიმიკოსი (1794 - 1863 წწ).

მიჩემებული - რაც მიიჩემეს, დაჩემებული.

მიჩენილი - რაც, ვინც მიუჩინეს.

მიჩერებული

1) ვინც მიაჩერდა, ვინც მისჩერებია ვისმე, რასმე.

2) (გადატანით) ვისიმე იმედით მყოფი, ვისიმე მოიმედო, შემყურე.

მიჩვეული - ვინც, რაც მიაჩვიეს ან მიეჩვია რასმე, შეჩვეული.

მიჩიგანი

1) ტბა დიდი ტბების სისტემაში (აშშ).

2) შტატი აშშ-ს ჩრდილოეთ ნაწილში. ფართობი - 251,5 ათასი, კვ.კმ. მოსახლეობა - 9,5 მილიონი. ადმინისტრაციული ცენტრი - ლანსინგი.

მიჩინსკი ტადეუშ - პოლონელი მწერალი-სიმბოლისტი (1873-1918 წწ).

მიჩმანი (ინგლ.)

1) ყოფილი საბჭოთა კავშირის სამხედრო-საზღვაო ფლოტში: ზემდეგთა შემადგენლობის უმაღლესი წოდებულება.

2) მეფის რუსეთის სამხედრო-საზღვაო ფლოტში: ოფიცრის პირველი ჩინი, ამ ჩინის მქონე პირი.

მიჩნეული - რაც, ვინც მიიჩნიეს რადმე, ჩათვლილი, აღიარებული.

მიჩოაკანი - შტატი მექსიკის სამხრეთ-დასავლეთ ნაწილში, ადმინისტრაციული ცენტრი - მორელია.

მიჩომბერო მიშელ - ბურუნდის სახელმწიფო მოღვაწე (დაიბადა 1940 წელს).

მიჩულული - მიმალული, მიჩქმალული.

მიჩუმათებული (საუბ.) - რაც მიაჩუმათეს.

მიჩუმებული - ვინც, რაც მიჩუმდა.

მიჩურინი ივან - რუსი სელექციონერი, ბოტანიკოსი (1855-1935 წწ).

მიჩურინსკი (1932 წლამდე კოზლოვი) - ქალაქი რუსეთის ტამბოვის ოლქში (120 ათასი).

მიჩქმალული - რაც მიჩქმალეს.

მიჩხლართულ-მოჩხლართული (საუბ.) - სახელდახელოდ მოწნული.

მიცარი - დიდი დათვის თანავარსკვლავედის 2,0 ვიზუალური ვარსკვლავიერი სიდიდის ვარსკვლავი.

მიცელა (ლათ.) - ელექტრულად დამუხტული კოლოიდური ნაწილაკი.

მიცელიუმი (ბერძ.) - (ბოტან.) ვეგეტატიური სხეული, რომელიც შედგება უწვრილესი განშტოებული ძაფებისაგან.

მიცემითი (მიცემითი ბრუნვა) - (გრამატ.) სახელის ერთ-ერთი ფორმა, მისი ნიშანია -ს.

მიცემული

1) რაც მისცეს.

2) ვინც მისცეს სადმე, რამეში.

3) ვინც მიეცა რასმე.

მიცეტი (ბერძ.) - რთული სიტყვის ბოლო შემადგენელი ნაწილი, ნიშნავს სოკოებთან, საფუვრებთან დაკავშირებულს.

მიცვალებული - გარდაცვლილი ადამიანი, ცხედარი.

მიცკევიჩი ადამ - პოლონელი პოეტი, ეროვნულ-განმათავისუფლებელი მოძრაობის მოღვაწე (1798 - 1855 წწ).

მიცოტაკისი კონსტანტინოს - საბერძნეთის პრემიერ-მინისტრი 1990-93 წლებში (დაიბადა 1918 წელს).

მიცუბისი - იატარო ივასაკის მიერ 1873 წელს დაარსებული იაპონური საფინანსო-სამრეწველო ჯგუფი.

მიცუბისი-მოტორსი - კორპორაცია „მიცუბისიში“ შემავალი მძიმე მრეწველობის განყოფილება. ძირითადად აწარმოებს ავტომობილებს. პირველი ავტომობილი გამოშვებულ იქნა 1917 წელს.

მიცურებული - ვინც, რაც მიაცურეს ან მიცურდა.

მიცუცქებული - ვინც, რაც მიცუცქდა.

მიძალებული - იგივეა, რაც დაძალებული.

მიძინება ღვთისმშობლისა - ქრისტიანული ტრადიციით, ღვთისმშობელი მარიამის გარდაცვალება იესო ქრისტეს ჯვარცმის შემდეგ.

მიძინების ტაძარი (მოსკოვის კრემლისა) - XV საუკუნის რუსული ხუროთმოძღვრების ძეგლი.

მიძინებული - ვინც, რამაც მიიძინა.

მიძოგუტი კენძი - იაპონელი კინორეჟისორი (1898-1956 წწ).

მიძღვნა

1) ჟანრი პოეზიასა და პუბლიცისტიკაში - მიმართვა ვინმესადმი.

2) წარწერა მხატვრულ ნაწარმოებზე.

მიძღვნილი - რაც მიუძღვნეს ვისმე, რასმე.

მიწა

1) დედამიწის ქერქის ზედა ფენა, ნიადაგი.

2) რუხი ფერის ფხვიერი ნივთიერება, რომელიც დედამიწის ქერქის შემადგენლობაში შედის.

3) იგივეა, რაც დედამიწა.

4) მიწა-წყალი, სამშობლო.

5) ხმელეთი.

მიწაბოგირა - სოფელი სამტრედიის მუნიციპალიტეტში (მელაურის თემის საკრებულო), მდებარეობს იმერეთის დაბლობზე. ზღვის დონიდან - 35 მეტრი, სამტრედიიდან - 7 კილომეტრი. 2002 წლის აღწერის მონაცემებით სოფელში ცხოვრობს 960 კაცი.

მიწადასაყრელი - წყევლაა: სასიკვდილე, მოსასპობი.

მიწავაშლა (Helianthus tuberosus) - ბალახოვანი მცენარე, აქვს მაღალი ღერო წვერზე ყვითელყვავილიანი კალათებით, მიწის ქვეშ იკეთებს კარტოფილის მსგავს ტუბერებს, რომელთაც იყენებენ საქონლის საკვებად.

მიწათმომწყობი - მიწათმოწყობის სპეციალისტი.

მიწათმოქმედება - მიწის დამუშავება სასოფლო-

სამეურნეო მცენარეების მოყვანის მიზნით.

მიწათმოქმედი - ადამიანი, რომელიც მიწათმოქმედებას მისდევს.

მიწათმოწყობა - მიწის სარგებლობის მომწესრიგებელ ღონისძიებათა სისტემა.

მიწათმფლობელი - მიწის კერძო მესაკუთრე, მიწის მფლობელი.

მიწათმფლობელობა - მიწის მფლობელობა, მიწის საკუთრება.

მიწათსარგებლობა - მიწით სარგებლობა.

მიწანარევი - რასაც მიწა ურევია.

მიწაყარა - ქუდიანი სოკო რძიანი სოკოების გვარისა.

მიწაყრილი - დაყრილი მიწისაგან შემაღლებული ადგილი.

მიწაწითელი - სოფელი წყალტუბოს მუნიციპალიტეტში (მაღლაკის თემის საკრებულო), მდებარეობს იმერეთის დაბლობზე, მდინარე გუბისწყლის მარცხენა მხარეს. ზღვის დონიდან - 85 მეტრი, წყალტუბოდან - 10 კილომეტრი. 2002 წლის აღწერის მონაცემებით სოფელში ცხოვრობს 504 კაცი.

მიწა-წყალი

1) სახნავ-სათესი მიწა, ადგილ-მამული.

2) ქვეყნის მიწა, ტერიტორია.

მიწებებული - წებოთი მიკრული, მიმაგრებული.

მიწევ-მოწევა - იგივეა, რაც გაწევ-გამოწევა.

მიწერილი

1) რაც მისწერეს.

2) რაც მიაწერეს, მინაწერი.

3) ვინც მიაწერეს, მიმაგრებული.

მიწერილობა - ოფიციალური ხასიათის წერილობითი განკარგულება.

მიწერ-მოწერა - ერთმანეთში წერილების გაცვლა-გამოცვლა, ერთმანეთთან წერილობითი ურთიერთობა.

მიწეული - რაც მისწიეს.

მიწეულ-მოწეული - რაც მისწი-მოსწიეს.

მიწვდენილი - რაც მიაწვდინეს.

მიწვდილი - იგივეა, რაც მიწოდებული.

მიწვეული - ვინც მიიწვიეს.

მიწიანი - რასაც მიწა ურევია, რასაც მიწა აყრია.

მიწიერი - ამ ქვეყნისა, ამქვეყნიური, მატერიალური.

მიწისზედა - რაც დედამიწის ზედაპირზეა, რაც დედამიწის ზედაპირზე ხდება.

მიწისმზომელი (ძვ.) - მიწის აზომვა-გამიჯვნისა და მიწათმოწყობის სპეციალისტი.

მიწისფერი - რაც ფერით მიწას მოგვაგონებს, რუხი.

მიწისქვეშა - რაც დედამიწის ზედაპირის ქვეშაა, რაც მიწის ქვეშ ხდება.

მიწისქვეშეთი (წიგნ.) - მიწისქვეშა გამოქვაბული ან რაიმე ნაგებობა.

მიწისძვრა - დედამიწის ქერქის ძლიერი რყევა.

მიწიშვილი (წიგნ.) - მოკვდავი, ადამიანი, ადამიანიშვილი.

მიწიშვილი ნიკოლო (ნამდვილი გვარი სირბილაძე) - მწერალი (1896-1937 წწ).

მიწობი - სოფელი ხაშურის მუნიციპალიტეტში.

მიწოდებული - რაც მიაწოდეს.

მიწოლილი - ვინც, რაც მიაწვა რასმე, ვისმე.

მიწური - მიწაში გაკეთებული სადგომი, ბინა.

მიწურული

1) რაც მიიწურა.

2) ბოლო, დასასრული.

მიწყნარებული - ვინც, რაც მიწყნარდა.

მიწყობილი - რაც მიაწყვეს, ერთმანეთის მიყოლებით დაწყობილი.

მიწყული - რაც მიუწყეს ვისმე.

მიჭედებული - რაც მიაჭედეს.

მიჭეჭყილი - რაც მიჭეჭყეს.

მიჭვრიტანა (მიჭვრიტინა) (ძვ.) - სარკე.

მიჭრილ-მოჭრილი - უწესრიგოდ დაჭრილი.

მიჭუტული - იგივეა, რაც მოჭუტული.

მიხა - ქართული მოკლემეტრაჟიანი მხატვრული ფილმი, გადაღებულია მიხეილ ჯავახიშვილის მოთხრობა „მუსუსის“ მიხედვით. ეკრანებზე გამოვიდა 1965 წელს. დამდგმელი რეჟისორი და სცენარის ავტორი - მერაბ კოკოჩაშვილი. დამდგმელი ოპერატორი - გიორგი გერსამია. კომპოზიტორი - ნოდარ მამისაშვილი. მთავარ როლებში: მანანა ბახტაძე, ზურაბ ქაფიანიძე, მიხეილ ჩუბინიძე, ავთანდილ მახარაძე, ალექსანდრე კუპრაშვილი, ეკატერინე ვერულეიშვილი, ირაკლი ქოქრაშვილი.

მიხაილიჩენკო ალექსეი - უკრაინელი ფეხბურთელი, თამაშობდა კიევის „დინამოში“ (1983-90 წწ) და იტალიის და შოტლანდიის კლუბებში (დაიბადა 1963 წელს).

მიხაილიჩენკო ივან - მფრინავი, პოლკოვნიკი, საბჭოთა კავშირის ორგზის გმირი, მეორე მსოფლიო ომის მონაწილე (1920-1982 წწ).

მიხაილ ნუაიმე იბნ იუსუფ - არაბი (ლიბანი) მწერალი (1889-1980 წწ).

მიხაილოვგრადი - ბულგარეთის ქალაქ მონტანას სახელი 1945-93 წლებში.

მიხაილოვი ბორის - XX საუკუნის 60-70-იანი წლების ერთ-ერთი უძლიერესი რუსი ჰოკეისტი, მსოფლიოს და ოლიმპიური თამაშების ჩემპიონი (დაიბადა 1944 წელს).

მიხაილოვი მაქსიმ - ოპერის რუსი მომღერალი, ბანი, საბჭოთა კავშირის სახალხო არტისტი (1893-1971 წწ).

მიხაილოვიჩი დრაგოსლავ - სერბი მწერალი (დაიბადა 1930 წელს).

მიხაილოვკა - ქალაქი რუსეთის ვოლგოგრადის ოლქში (60 ათასი).

მიხაილოვო - ქალაქი რუსეთის რიაზანის ოლქში.

მიხაილოვსკი - ქალაქი რუსეთის სვერდლოვსკის (ეკატერინბურგის) ოლქში.

მიხაილოვსკი სტოიან - ბულგარელი მწერალი (1856-1927 წწ).

მიხაილოვ სტოიანი კონსტანტინ ივანოვ - ბულგარელი მომღერალი, თეატრალური მოღვაწე (1853-1914 წწ).

მიხაკ-დარიჩინი - მიხაკი და დარიჩინი.

მიხაკი

1) (Dianthus caryophyllus) ბაღის მრავალწლოვანი მცენარე, აქვს წვრილი ღერო, ვიწრო ფოთლები და სურნელოვანი მსხვილი ყვავილი. ამ მცენარის ყვავილი.

2) გავრცელებული სურნელოვანი სანელებელი, ტროპიკული ხის გამხმარი კოკრები.

მიხაკისფერი - იგივეა, რაც ყავისფერი.

მიხალკოვი ნიკიტა - რუსი მსახიობი და კინორეჟისორი (დაიბადა 1945 წელს).

მიხალკოვი სერგეი - რუსი მწერალი (1913-2009 წწ).

მიხალკოვ-კონჩალოვსკი ანდრეი (ანდრონ) - რუსი კინორეჟისორი (დაიბადა 1937 წელს).

მიხალოვსკი პიოტრ - პოლონელი ფერმწერი (1800-1855 წწ).

მიხალჩიშინი ადრიან - უკრაინელი მოჭადრაკე, საერთაშორისო დიდოსტატი (დაიბადა 1954 წელს).

მიხდილი (ძვ.) - დაკარგული, წართმეული.

მიხედვით - რისამე გათვალისწინებით, რისამე შესატყვისად, შესაბამისად.

მიხეილ თედორეს ძე რომანოვი - რუსეთის პირველი მეფე რომანოვების დინასტიიდან (1596-1645 წწ).

მიხეილ ობრენოვიჩი - სერბიის მთავარი (1823-1868 წწ).

მიხეილ შიშმანი - ბულგარეთის მეფე (გარდაიცვალა 1330 წელს).

მიხელტა - მცენარე დოსკორვასებრთა ოჯახისა, იგივე ძაღლის სატაცური.

მიხვდომა - იგივეა, რაც მიხვედრა.

მიხვედრილი

1) იგივეა, რაც მიმხვდარი.

2) ვისაც ადვილად მიახვედრებენ რასმე, ჭკვიანი, გონიერი.

მიხვედრილობა - მიხვედრილის თვისება.

მიხვეული - იგივეა, რაც მოხვეული.

მიხვეულ-მოხვეული - ბევრი მოსახვევის მქონე, არასწორი, დაკლაკნილი.

მიხვრა-მოხვრა - ადამიანის სხეულის მოძრაობა, სიარულისა და მისთანების დროს.

მიხლაკნილ-მოხლაკნილი - მიხვეულ-მოხვეული, არასწორი.

მიხოელსი (ნამდვილი გვარი ვოვსი) სოლომონ - რუსი მსახიობი, რეჟისორი, პედაგოგი, საბჭოთა კავშირის სახალხო არტისტი (1890-1948 წწ).

მიხლა-მოხლა - იგივეა, რაც შეხლა-შემოხლა.

მიხლიკი ვასილი - რუსი მფრინავი, საბჭოთა კავშირის ორგზის გმირი, მეორე მსოფლიო ომის მონაწილე (დაიბადა 1922 წელს).

მიხრა-მოხრა - იგივეა, რაც მიხვრა-მოხვრა.

მიხრახნილი - რაც მიახრახნეს.

მიხრილ-მოხრილი - მიხვეულ-მოხვეული, დაკლაკნილი.

მიხრწნილი (წიგნ.) - ძალიან ბებერი, მეტისმეტად დაუძლურებული ასაკის გამო.

მიხტომ-მოხტომა - მიხტომა და მოხტომა, ერთმანეთზე რიგრიგობით თავდასხმა.

მიხურული - რაც მიხურეს.

მიხურხლული - მჭიდროდ შეჯგუფებული სადმე, უწესრიგოდ მიყრილი.

მიხუტებული - ვინც, რაც მიიხუტეს, ვინც მიეხუტა ვისმე, რასმე.

მიჯაჭვული - ვინც, რაც მიაჯაჭვეს რასმე.

მიჯნა

1) საზღვარი, ზღვარი.

2) საზღვრის ნიშანი, სამანი.

მიჯნაძორი (მიძნაძორი) - შუა საუკუნეების ქართული მონასტერი და კულტურის ცენტრი ისტორიულ კლარჯეთში (ახლანდელი თურქეთის ტერიტორია).

მიჯნური (ძვ. წიგნ.) - სიყვარულით, ტრფიალით შეპყრობილი, შეყვარებული.

მიჯნურობა (ძვ. წიგნ.) - ქალ-ვაჟის სიყვარული, ტრფიალება.

მიჯრა

1) ერთმანეთთან მჭიდროდ მიწყობა რისამე.

2) მწყობრში მდგომთა დაახლოება ერთმანეთთან, მათ შორის მანძილის შემცირება.

მიჯრილი

1) ერთმანეთზე მჭიდროდ მიწყობილი.

2) მწყობრში ერთმანეთთან მჭიდროდ დამდგარი პირები.

მიჰაი მამაცი - ვლახეთის გოსპოდარი (1558-1601 წწ).

მიჰრაბი (არაბ.) - მეჩეთის კედელში ამოჭრილი ნიშა, რომელიც მექას მხარესაა მიმართული.

მიჰრი ხათუნი თურქი პოეტი ქალი (დაახლოებით 1460-1514 წწ).