The National Library of Georgia მთავარი - ბიბლიოთეკის შესახებ - ელ.რესურსები
Cover Image
წიგნის დახურვა 0007უნივერსალური ენციკლოპედიური ლექსიკონი (ო–რ)
ფოლდერის დახურვა
დოკუმენტის ნახვა რა
დოკუმენტის ნახვა რბ
დოკუმენტის ნახვა რგ
დოკუმენტის ნახვა რე
დოკუმენტის ნახვა რვ
დოკუმენტის ნახვა რთ
დოკუმენტის ნახვა რი
დოკუმენტის ნახვა რკ
დოკუმენტის ნახვა რო
დოკუმენტის ნახვა რჟ
დოკუმენტის ნახვა რს
დოკუმენტის ნახვა რტ
დოკუმენტის ნახვა რუ
დოკუმენტის ნახვა რქ
დოკუმენტის ნახვა რღ
დოკუმენტის ნახვა რყ
დოკუმენტის ნახვა რშ
დოკუმენტის ნახვა რჩ
დოკუმენტის ნახვა რც
დოკუმენტის ნახვა რძ
დოკუმენტის ნახვა რწ
დოკუმენტის ნახვა რხ
დოკუმენტის ნახვა რჯ

რო

 

რო - ბერძნული ანბანის მეჩვიდმეტე ასო.

რო ალიოტ ვერნონ - ინგლისელი მფრინავი, ავიაკონსტრუქტორი და მეწარმე (1877-1958 წწ).

როა ბასტოსი აუგუსტო - პარაგვაელი მწერალი (დაიბადა 1917 წელს).

როანი - ქალაქი საფრანგეთის ლუარის დეპარტამენტში.

როანოკი

  1. ქალაქი აშშ-ს სამხრეთ -აღმოსავლეთ ნაწილში, ვირჯინიის შტატში (225 ათასი).

  2. მდინარე აშშ-ს აღმოსავლეთ ნაწილში, ერთვის ატლანტის ოკეანეს (სიგრძე 725 კილომეტრი).

როარინგი - ჩანჩქერი აღმოსავლეთ ავსტრალიაში, კვინსლენდის შტატში (სიმაღლე - 300 მეტრი).

როარტაგი (პროარტაგი, პროვარტაგი) - საბუთის სახეობა ძველ საქართველოში; „წიგნი მეფეთა მიერი, ყოვლადვე მოუშლელი“; „მეფეთაგან ბრძანება-შეუცვალებელი წერილი“, „რომლის გარდანაწერ პოირს პაჭენისი ეწოდებოდა“ (საბა).

რობა - ძველ რუსეთში:

  1. მონა ქალი, მოსამსახურე.

  2. ხოლოპის ცოლი.

რობაი (არაბ.) - სპარსული პოეზიისათვის დამახასიათებელი სატრფიალო ან ფილოსოფიური ლექსი, რომელიც ოთხი სტრიქონისაგან შედგება.

რობაქიძე ალექსი - ეთნოგრაფი, ისტორიის მეცნიერებათა დოქტორი, პროფესორი (1907-1990 წწ).

რობაქიძე გრიგოლ - მწერალი, წერდა ქართულ, რუსულ და გერმანულ ენებზე; 1931 წლიდან ცხოვრობდა ემიგრაციაში (1880-1962 წწ).

რობ-გრიიე ალენ - ფრანგი მწერალი და კინორეჟისორი (დაიბადა 1922 წელს).

რობერვალი (ნამდვილი გვარი პერსონიე) ჟილ - ფრანგი მათემატიკოსი (1602-1675 წწ).

რობერი იუბერ - ფრანგი ფერმწერი (1733-1808 წწ).

რობერტ I - საფრანგეთის მეფე 922-923 წლებში (დაახლოებით 865 - 923 წწ).

რობერტ II

  1. ნორმანდიის ჰერცოგი, ჯვაროსნული ომების მონაწილე 1087-1106 წლებში (დაახლოებით 1054-1134 წწ).

  2. საფრანგეთის მეფე კაპეტინგების დინასტიიდან 887 წლიდან (დაახლოებით 970-1031 წწ).

რობერტ ბრუსი - იხილე ბრუსი .

რობერტ გუისკარი - იხილე გუისკარი .

რობერტ დე ბორონი - ინგლისელ-ნორმანდიელი პოეტი (XII საუკუნის II ნახევარი).

რობერტსი ედვარდ - ამერიკელი ინჟინერი, პირველი კომერციული პერსონალური კომპიუტერის Altair-ის შემქმნელი.

რობერტსი რიჩარდი - ინგლისელი გამომგონებელი (1789-1864 წწ).

რობერტსი რიჩარდი - ამერიკელი ბიოლოგი, 1993 წლის ნობელის პრემიის ლაურეატი (დაიბადა 1943 წელს).

რობერტსი ჯულია (ნამდვილი სახელი მიშელი) - ამერიკელი მსახიობი ქალი (დაიბადა 1967 წელს).

რობერტსონი ოსკარ - ამერიკელი კალათბურთელი, NBA-ს ყველა დროის ერთ-ერთი უძლიერესი მოთამაშე (დაიბადა 1938 წელს).

რობერტსონი ჯონ მაკკინონ - ინგლისელი ისტორიკოსი (1856-1933 წწ).

რობერტსონი ჯორჯ მაკნილ - ლორდი, ნატო-ს გენერალური მდივანი 1999-2003 წლებში (დაიბადა 1946 წელს).

რობესპიერი მაქსიმილიენ მარი იზიდორ დე - საფრანგეთის დიდი რევოლუციის მოღვაწე (1758-1794 წწ).

რობესპიერი ოგიუსტენ ბონ ჟოზეფ - საფრანგეთის დიდი რევოლუციის მოღვაწე (1763-1794 წწ).

რობი (ფრანგ.) - სპეციალური სამუშაო ტანსაცმელი.

რობია ანდრეა დელა - იტალიელი მოქანდაკე (1435-1525 წწ).

რობია ლუკა დელა - იტალიელი მოქანდაკე (1399 - ან 1400-1482 წწ).

რობია ჯოვანი დელა - იტალიელი მოქანდაკე (1469-1529 წლის შემდეგ).

რობიგო - ძველიტალიური მითოლოგიის ბოროტი ღვთაება, რომელიც ძველი რომელების რწმენით ყანებში მოსავალს აავადებდა.

რობინე ჟან ბატისტ რენე - ფრანგი ფილოსოფოსი-მატერიალისტი (1735-1820 წწ).

რობინზი ლაიონელ ჩარლზ - ინგლისელი ეკონომისტი (1898-1985 წწ).

რობინზი ფრედერიკ ჩეპმენ - ამერიკელი ვირუსოლოგი, 1954 წლის ნობელის პრემიის ლაურეატი ჯ.ენდერსთან და თ.უელერთან ერთად (დაიბადა 1916 წელს).

რობინზი ჩარლზ - ამერიკელი ეკონომისტი და პოლიტიკური მოღვაწე (1898-1984 წწ).

რობინზი ჯერომ - ამერიკელი ბალეტმაისტერი, მრავალმხრივი ქორეოგრაფი (1918-1998 წწ).

რობინზონიადა ანუ ჩემი ინგლისელი პაპა - ქართული მხატვრული ფილმი. ეკრანებზე გამოვიდა 1986 წელს. დამდგმელი რეჟისორი - ნანა ჯორჯაძე. სცენარის ავტორი - ირაკლი კვირიკაძე. დამდგმელი ოპერატორი - ლევან პაატაშვილი. კომპოზიტორი - ენრი ლოლაშვილი. მთავარ როლებში: ჟანრი ლოლაშვილი, ნინელი ჭანკვეტაძე, გურამ ფირცხალავა, ელგუჯა ბურდული, რუსუდან ბოლქვაძე, თამარ ციციშვილი, შალვა ხერხეულიძე, ლაურა რეხვიაშვილი.

რობინია (Robinia) - პარკოსანი ხე ან ბუჩქი; ყველაზე უფრო ცნობილი სახეობაა ცრუ აკაცია ანუ ეკლის ხე.

რობინსონი დეივიდ მურ - ამერიკელი არქეოლოგი და ისტორიკოსი (1880-1958 წწ).

რობინსონი დევიდ მორის - ამერიკელი კალათბურთელი, NBA-ს ერთ-ერთი საუკეთესო მოთამაშე (დაიბადა 1965 წელს).

რობინსონი ედუინ არლინგტონ - ამერიკელი პოეტი (1869-1935 წწ).

რობინსონი მერი - ირლანდიის პრეზიდენტი 1999 წლიდან (დაიბადა 1944 წელს).

რობინსონი რობერტ - ინგლისელი ქიმიკოსი, 1947 წლის ნობელის პრემიის ლაურეატი (1886-1975 წწ).

რობინსონი ჯოან ვაიოლიტ - ინგლისელი ეკონომისტი ქალი (1903-1983 წწ).

რობინ ჰუდი - ინგლისური ეროვნული ბალადების გმირი.

რობოროვსკი ვსევოლოდ - რუსი მოგზაური, პრჟევალსკის ექსპედიციების წევრი შუა და ცენტრალურ აზიაში (1856-1910 წწ).

რობოტი (ჩეხ.) - ავტომატური მანქანა, მოწყობილობა, რომელიც რთულ ოპერაციებს ასრულებს და ისეთ შთაბეჭდილებას ტოვებს, თითქოს ადამიანი მოქმედებსო; სავსებით ან ნაწილობრივ ცვლის ადამიანს.

რობოტიზაცია - რობოტებით აღჭურვა.

რობსონი - მწვერვალი კანადაში (კლდოვანი მთები).

რობსონი პოლ - ამერიკელი მომღერალი, მსახიობი, საზოგადო მოღვაწე (1898-1976 წწ).

როგავა გიორგი - ენათმეცნიერი, კავკასიოლოგი, ფილოლოგიის მეცნიერებათა დოქტორი, პროფესორი (1905-1990 წწ).

როგატინი - ქალაქი უკრაინის ივანო-ფრანკოვსკის ოლქში.

როგანოვი - ქალაქი ბელორუსიის გომელის ოლქში.

როგაშკა-სლატინა - კურორტი სლოვენიაში.

როგაჩოვი - ქალაქი ბელორუსიის გომელის ოლქში (40 ათასი).

როგე ჟაკ - საერთაშორისო ოლიმპიური კომიტეტის მერვე პრეზიდენტი 2001 წლიდან, ბელგიის მოქალაქე (დაიბადა 1942 წელს).

როგევენი იაკობ - ჰოლანდიელი ზღვაოსანი (1659-1729 წწ).

როგერვიკი - ესტონეთის ქალაქ პალდისკის სახელი 1723-82 წლებში.

როგირ ვან დერ ვეიდენი (როჟიე დე ლა პატიური) - ნიდერლანდელი ფერმწერი (დაახლოებით 1400-1464 წწ).

როგო - იგივეა, რაც სკა.

როგოვცევა ადა - უკრაინელი მსახიობი ქალი, საბჭოთა კავშირის სახალხო არტისტი (დაიბადა 1937 წელს).

როგორ

  1. რა წესით, რა საშუალებით.

  2. გამოხატავს აღტაცებას, გაკვირვებას და სხვა; ძალიან, მეტისმეტად.

  3. გამოხატავს რისამე შეუძლებლობას, შეუსაბამობას, უარყოფას.

  4. გამოხატავს უკმაყოფილებას, აღშფოთებას (ხშირად თუ ნაწილკათან ერთად).

როგორი - კითხვითი ნაცვალსახელი, ნიშნავს რა თვისებისა, რანაირი.

როგორმე - რაიმე საშუალებით, რამენაირად.

როგორღა - მაშ როგორ.

როგორღაც - ერთგვარად, რაღაცნაირად.

როგორც - მიმართებითი ზმნისართი; იხმარება კავშირად:

  1. გამოხატავს შედარებას, მსგავსებას.

  2. იხმარება დანართთან და ნიშნავს ვისიმე, რისამე სახით, დანიშნულებით.

  3. იხმარება ჩართული სიტყვის დასაწყისში.

როგუნი - ქალაქი ტაჯიკეთში.

როდა - ძველი ბერძნული მითოლოგიის თანახმად, კუნძულ როდოსის ეპონიმი, პოსეიდონის ქალიშვილი.

როდ-აილენდი - იხილე როუდ-აილენდი.

როდარი ჯანი - იტალიელი საბავშვო მწერალი (1920-1980 წწ).

როდბელი მარტინ - ამერიკელი ბიოქიმიკოსი, 1994 წლის ნობელის პრემიის ლაურეატი ა.გილმანთან ერთად (დაიბადა 1925 წელს).

როდბერტუს იაგეცოვი კარლ იოჰან - გერმანელი ეკონომისტი (1805-1875 წწ).

როდეზია - დიდი ბრიტანეთის ორი კოლონიის სახელი სამხრეთ აფრიკაში: ჩრდილოეთი როდეზია (ახლანდელი ზამბია) და სამხრეთი როდეზია (ახლანდელი ზიმბაბვე). 1953-61 წლებში ორივე კოლონია შედიოდა როდეზიის ფედერაციისა და ნიასალენდის შემადგენლობაში.

როდელი - მსუბუქი მილებისაგან გაკეთებული მარხილი.

როდემდე (როდემდის) - რა დრომდე, სანამ.

როდენბახი ჟორჟ - ფრანგულენოვანი ბელგიელი მწერალი (1855-1898 წწ).

როდენი ფრანსუა ოგიუსტ - ფრანგი მოქანდაკე (1840-1917 წწ).

როდეო (ესპან.)

  1. აშშ-ს დასავლეთში კოვბოების ოსტატობის ჩვენება (ჯირითში, ცხენების, ხარების დაჭერაში და სხვა).

  2. მოტოციკლებითა და მსუბუქი ავტომობილებით შეჯიბრება სხვადასხვა ექსცენტრიკული ნომრის, ტრიუკის ჩვენებით.

როდერემი - ქალაქი დიდი ბრიტანეთის საუთ-იორქშირის მეტროპოლიურ საგრაფოში.

როდესაც - მიმართებითი ზმნისართი; იხმარება კავშირად: მიუთითებს დროზე რა დროსაც, როცა.

როდი - ნაწილაკი; გამოხატავს უარყოფას.

როდი ედუარ - შვეიცარიელი მწერალი (1857-1910 წწ).

როდიმცევი - რუსი მხედართმთავარი, გენერალ-პოლკოვნიკი, საბჭოთა კავშირის ორგზის გმირი, მეორე მსოფლიო ომის მონაწილე (1905-1977 წწ)

როდინაული - სოფელი ზესტაფონის მუნიციპალიტეტში. მდებარეობს მდინარე ყვირილის მარცხენა მხარეს. თემის საკრებულოს ცენტრი. ზღვის დონიდან 120 მეტრი, ზესტაფონიდან 22 კილომეტრი. 2002 წლის აღწერის მონაცემებით სოფელში ცხოვრობს 957 ადამიანი. სოფელ როდინაულში მდებარეობს ეკლესია „აჯამეთის მაცხოვარი“ .

როდინდელი

  1. კითხვითი ნაცვალსახელი რა დროისა, რა ხნისა.

  2. ძალიან ძველი, დიდი ხნისა.

როდინი - საოჯახო ხელსაწყო (ჩვეულებრივ ხისა), რომელშიც მსხვილი მოგრძო ქვით ნაყავენ მარილს, ნიგოზს, ნიორს და მისთანებს. ავანდასტა.

როდინობა - როდინობის კვირაში (ირონიულად) არასოდეს.

როდინსკოე - ქალაქი უკრაინის დონეცკის ოლქში.

როდიონოვკა (ყოფილი ფარავანი) - სოფელი ნინოწმინდის მუნიციპალიტეტში.

როდის - რა დროს?

როდისმე - რაღაც დროს.

როდის-როდის - კარგა ხნის შემდეგ, დიდი დაგვიანებით.

როდისღა - მერე როდის, მაინც როდის.

როდიუმი (Rhodium, Rh) - ქიმიური ელემენტი, მოვერცხლისფრო ლითონი, პლატინის თანამგზავრი. ატომური ნომერი 45, ატომური მასა 102,9055.

როდმანი დენის კეიტ - ამერიკელი კალათბურთელი, NBA-ს ერთ-ერთი უძლიერესი მოთამაშე (დაიბადა 1961 წელს).

როდნა - მთათა მასივი რუმინეთის კარპატებში (უმაღლესი წერტილი 2305 მეტრი).

როდნი ჯორჯ ბრიჯიზ - ინგლისელი ადმირალი (1718-1792 წწ).

როდნიკი - ქალაქი რუსეთის ივანოვოს ოლქში (35 ათასი).

როდნინა ირინა - რუსი სპორტსმენი ქალი (ფიგურული სრიალი), ოლიმპიური თამაშების სამგზის ჩემპიონი 1972, 1976, 1980 წლებში (დაიბადა 1949 წელს).

როდო ხოსე ენრიკე - ურუგვაელი ფილოსოფოსი და ლიტერატურათმცოდნე (1871-1917 წწ).

როდოდენდრონი (ბერძნ.) - დეკის, შქერისა და ინდური იელის საერთო სახელწოდება.

როდოლიკო ნიკოლო - იტალიელი ისტორიკოსი (1873-1969 წწ).

როდონიტი (ბერძნ.) - მინერალი სილიკატების კლასისა; იყენებენ როგორც მოსაპირკეთებელ ქვას.

როდოპე - ძველი ბერძნული მითოლოგიის თანახმად, ფერია, პერსეფონეს თანამგზავრი.

როდოპები (როდოპის მთები) - მდებარეობს ბალკანეთის ნახევარკუნძულზე, ბულგარეთსა და საბერძნეთში; სიმაღლე 2200 მეტრამდე აღწევს.

როდოპოლისი - ისტორიული ქალაქი დასავლეთ საქართველოში; ნაქალაქარი შემორჩენილია სოფელ ვარციხის ახლოს (ბაღდათის მუნიციპალიტეტი).

როდოსი

  1. კუნძული ხმელთაშუა ზღვაში, სამხრეთ სპორადების არქიპელაგში, ეკუთვნის საბერძნეთს.

  2. ქალაქი-პორტი საბერძნეთის დოდეკანესის ნომში.

როდოქროზიტი - კარბონატების კლასის მინერალი.

როდრიგესი - კუნძული ინდოეთის ოკეანეში, შედის მასკარენის კუნძულებში, ეკუთვნის მავრიკის.

როდრიგესი კარლოს რაფაელ - კუბის სახელმწიფო და საზოგადო მოღვაწე (1913-1995 წწ).

როდრიგესი მანუელ - ჩილეს პოლიტიკური მოღვაწე (1786-1818 წწ).

როდრიგეს ლარა გილიერმო - ეკვადორის სამხედრო და სახელმწიფო მოღვაწე (დაიბადა 1923 წელს).

როდრიგეს ფრეილე ხუან - კოლუმბიელი მწერალი (1566-1640 წწ).

როდსი სესილ ჯონ - იხილე როუდზი ..

როვენკი - ქალაქი უკრაინის ლუგანსკის ოლქში (60 ათასი).

როვიგო - ქალაქი იტალიაში, ამავე სახელწოდების პროვინციის ადმინისტრაციული ცენტრი.

როვინსკი ქსავერ - პოლონელი რადიოლოგი (1904-1985 წწ).

როვნო - ქალაქი უკრაინაში, ამავე სახელწოდების ოლქის ადმინისტრაციული ცენტრი (240 ათასი).

როვუმა - იხილე რუვუმა.

როზა სალვატორე - იტალიელი ფერმწერი (1615-1673 წწ).

როზალია - პატარა ცხვირფართო მაიმუნი; ბინადრობს სამხრეთ-აღმოსავლეთ ბრაზილიის მთიან ტყეებში.

როზალინდა - პლანეტა ურანოსის თანამგზავრი; აღმოჩენილია 1986 წელს.

როზანოვი ევგენი - საბჭოთა კავშირის სახალხო არქიტექტორი (დაიბადა 1925 წელს).

როზგი (რუს.) - ახლად მოჭრილი წკეპლა; იყენებდნენ დამნაშავის დასასჯელად.

როზე გუსტავ - გერმანელი მინერალოგი და კრისტალოგრაფი (1798-1873 წწ).

როზე იანის - ლატვიელი ფერმწერი (1823-1897 წწ).

როზე ფრანსუაზ - ფრანგი კინომსახიობი ქალი (1891-1974 წწ).

როზებომი ჰენრიკ ვილემ ბაკჰოის - ნიდერლანდელი ფიზიკოსი და ქიმიკოსი (1854-1907 წწ).

როზეგერი პეტერ (ნამდვილი გვარი კეტენფაიერი) - ავსტრიელი მწერალი (1843-1918 წწ).

როზენბაუმი ალექსანდრე - ესტრადის რუსი მომღერალი, საკუთარი სიმღერების შემსრულებელი, პროფესიით ექიმი (დაიბადა 1951 წელს).

როზენბერგი ალფრედ - ფაშისტური გერმანიის ერთ-ერთი მთავარი სამხედრო დამნაშავე, ფაშიზმის იდეოლოგი (1893-1943 წწ).

როზენბლატი ფრენკ - ამერიკელი ფსიქოლოგი (1928-1971 წწ).

როზენბუში კარლ ჰაინრიხ ფერდინანდ - გერმანელი პეტროგრაფი და გეოლოგი (1836-1914 წწ).

როზენი ვიქტორ - რუსი აღმოსავლეთმცოდნე-არაბისტი (1849-1908 წწ).

როზენი სემიუელ - ამერიკელი ოტარინოლარინგოლოგი (1897-1985 წწ).

როზენკვიდტი ჯეიმზ - ამერიკელი ფერმწერი, პოპ-არტის ერთ-ერთი თვალსაჩინო წარმომადგენელი (დაიბადა 1933 წელს).

როზენკროიცები - XVII-XVIII საუკუნეების გერმანიაში, რუსეთში, ნიდერლანდსა და სხვაგან რელიგიურ-მისტიკური ხასიათის საიდუმლო საზოგადოებათა წევრები.

როზენტალი კონსტანტინ - რუმინელი ფერმწერი (1820-1851 წწ).

როზენტალსი იანის - ლატვიელი ფერმწერი (1866-1916 წწ).

როზეოლა - წითელი გამონაყარი კანზე ოსპისოდენა ლაქების სახისა.

როზეტა - იხილე რაშიდი.

როზეტი (ფრანგ.)

  1. სამურაბე ლამბაქი.

  2. პლასტმასის, ფაიფურის და მისთანათა ნახვრეტებიანი პატარა მოწყობილობა, რომლის საშუალებითაც გასახურებელი ან გასანათებელ ხელსაწყოებს რთავენ ელექტრულ ქსელში.

როზვადოვსკი იან მიხალ - პოლონელი ენათმეცნიერი (1867-1935 წწ).

როზი ფრანჩესკო - იტალიელი კინორეჟისორი (დაიბადა 1922 წელს).

როზიტენი - ლატვიის ქალაქ რეზეკნეს სახელწოდება 1893 წლამდე.

როზმარინი სტეფან - პოლონელი იურისტი და სახელმწიფო მოღვაწე (1908-1969 წწ).

როზმარინი (ლათ.) - მარადმწვანე ბუჩქი, რომლისგანაც ეთეროვან ზეთს იღებენ.

როზმინი სერბატი ანტონიო - იტალიელი ფილოსოფოსი და თეოლოგი (1797-1855 წწ).

როზოვი ვიქტორ - რუსი დრამატურგი (1913-2004 წწ).

როზობსკი მარკ - რუსი რეჟისორი, დრამატურგი, მწერალი (დაიბადა 1937 წელს).

როზტოჩე - მაღლობი პოლონეთში.

როთა პოლ - ინგლისელი კინორეჟისორი (1907-1984 წწ).

როთერი ჰანს-იორგ - გერმანელი მწერალი (დაიბადა 1941 წელს).

როთი იოზეფ - ავსტრიელი მწერალი (1894-1939 წწ).

როთი პაულ რუდოლფ - გერმანელი იურისტი და სამართლის ისტორიკოსი (1820-1892 წწ).

როთი ფრედერიკა - გერმანელი მწერალი ქალი (დაიბადა 1948 წელს).

როთფელსი ჰანს - გერმანელი ისტორიკოსი (1891-1976 წწ).

როი ბიმალ - ინდოელი კინორეჟისორი (1909-1967 წწ).

როი ჩოუდჰური დევი პრასად - ინდოელი ფერმწერი, გრაფიკოსი და მოქანდაკე (1899-1975 წწ).

როი ჯამინი - ინდოელი ფერმწერი და გრაფიკოსი (1887-1972 წწ).

როიალი (ფრანგ.) - კლავიშიანი მუსიკალური საკრავი, ფორტეპიანოს ერთ-ერთი სახეობა, რომელშიც სიმები ჰორიზონტალურად არის დაჭიმული.

როიალიზმი (ფრანგ.) - მეფის ხელისუფლების ერთგულება.

როიალისტი - მეფის ხელისუფლების ერთგული.

როი დე ლეუჩსენრინგი ემილიო - კუბელი ისტორიკოსი და პუბლიცისტი (1889-1964 წწ).

როიკოსი - ძველი ბერძნული მითოლოგიის თანახმად, სამოსის ტაძრის ლეგენდარული ამშენებელი.

როინაშვილი ალექსანდრე - პირველი ქართველი ფოტოგრაფი (1846-1898 წწ).

როინიშვილი გიორგი - გრაფიკოსი და ფერმწერი (დაიბადა 1921 წელს).

როიო - ძველი ბერძნული მითოლოგიის თანახმად, სატრფო აპოლონისა, რომლისგანაც ქალიშვილი შეეძინა.

როის დეკორელია ჯოან - კატალონიელი პოეტი, ღვთისმსახური (1433-სა და 1443 წელს შორის - 1497 წწ).

როისი - მდინარე შვეიცარიაში, მდინარე აარეს მარჯვენა შენაკადი.

როისი ჰენრი - ინგლისელი გამომგონებელი, ინჟინერი, მეწარმე, კომპანია „როლს როსის“ დამაარსებელი (1863-1933 წწ).

როისი ჯოუსაია - ამერიკელი ფილოსოფოსი (1855-1916 წწ).

როიტბაკი ალექსანდრე - საქართველოში მოღვაწე ფიზიოლოგი, სსრკ მეცნიერებათა აკადემიის წევრ-კორესპონდენტი (1919-1991 წწ).

როიტერი ფრიც - გერმანელი მწერალი (1810-1874 წწ).

როიხლინი იოჰან - გერმანელი ჰუმანისტი (1455-1522 წწ).

როკა

  1. უღელტეხილი ჯავის მუნიციპალიტეტში, ოსეთის კავკასიონზე.

  2. სოფლების ზემო როკის, შუა როკისა და ქვემო როკის გავრცელებული სახელწოდება (ჯავის მუნიციპალიტეტი).

  3. კონცხი პირენეს ნახევარკუნძულზე (პორტუგალია).

როკა ხულიო არხენტინო - არგენტინის სახელმწიფო და პოლიტიკური მოღვაწე (1843-1914 წწ).

როკადა (ფრანგ.) - გზა ფრონტის ხაზის გასწვრივ.

როკათა - სოფელი ჯავის მუნიციპალიტეტში.

როკ-აილენდი - ქალაქი აშშ-ს ჩრდილოეთ ნაწილში, ილინოისის შტატში (50 ათასი).

როკაილი (ფრანგ.)

  1. ორნამენტის მოტივი, რომელიც დამახასიათებელია როკოკოსათვის; წარმოადგენს სტილიზებულ ნიჟარას.

  2. ზოგჯერ ამ ტერმინით აღნიშნავენ თავად როკოკოს.

როკალი - მთა ლეჩხუმის ქედზე (ლენტეხის მუნიციპალიტეტი).

როკანი - მდინარე ინდონეზიაში, ერთვის მალაკის სრუტეს.

როკაპი

  1. კუდიანების უფროსი; წარმოდგენილი ჰყავდათ ბებერი ქალის სახით.

  2. (გადატანით) უშნო, ავი, ყბედი ქალი.

როკ-ბანდი (ინგლ.) - აშშ-ში მუსიკალური კოლექტივი, რომელიც გამოდის სიმებიან, სიმფონიურ, სასულე და ჯაზურ ორკესტრებთან ერთად.

როკ-ენ-როლი (ინგლ.) - წყვილთა იმპროვიზაციული ცეკვა; წარმოიშვა აშშ-ში.

როკერი (ინგლ.) - ციგურებით ფიგურულ სრიალში განსაკუთრებით რთული ფიგურა.

როკვა - იგივეა, რაც ცეკვა.

როკი

  1. წაჭრილი ტოტის ძირი (ხეზე).

  2. იგივეა, რაც ნუჟრი.

როკიანისღელე (სიმონეთისღელე) - მდინარე თერჯოლის მუნიციპალიტეტში, ყვირილის მარჯვენა შენაკადი.

როკითი - სოფელი ბაღდათის მუნიციპალიტეტში. თემის საკრებულოს ცენტრი. მდებარეობს მდინარე ხანისწყლის მარცხენა მხარეს. ზღვის დონიდან 140 მეტრი, ბაღდათიდან 10 კილომეტრი. 2002 წლის მონაცემებით სოფელში ცხოვრობს 619 კაცი.

როკისწყალი - მდინარე ჯავის მუნიციპალიტეტში, ერთვის მდინარე ლიახვს.

როკიტინსკი კარლ - ავსტრიელი ექიმი; ეროვნებით ჩეხი (1804-1878 წწ).

როკიშკისი - ქალაქი ლიტვაში (20 ათასი).

როკ--როლი - თანამედროვე პოპ-მუსიკის ყველაზე ადრეული სახესხვაობა. წარმოიშვა 1950-იანი წლების შუა ხანებში.

როკოკო (ფრანგ.) - არქიტექტურული და დეკორატიული სტილი, რომელიც წარმოიშვა XVIII საუკუნეში საფრანგეთში და ახასიათებს ნატიფი რთული ფორმები.

როკოსოვსკი კონსტანტინე - საბჭოთა მხედართმთავარი, მარშალი, საბჭოთა კავშირის ორგზის გმირი, მეორე მსოფლიო ომის მონაწილე (1896-1968 წწ).

როკოტოვი თედორე - რუსი ფერმწერი-პორტრეტისტი (1735-1808 წწ).

როკოში - რეჩ-პოსპოლიტაში მეფის წინააღმდეგ მიმართული შლიახტის კონფედერაცია.

როკპელინსი ფრიცის - ლატვიელი მწერალი (1909-1969 წწ).

როკრუა - ქალაქი საფრანგეთის არდენის დეპარტამენტში.

როკფელერები - აშშ-ს საფინანსო ჯგუფი; ჩამოყალიბდა XIX საუკუნის დასასრულს; მისი დამაარსებელია ჯონ დეივისონ როკფელერი-უფროსი (1839-11937 წწ).

როკფელერის პლატო - ყინულოვანი პლატო მერი ბელდის მიწაზე (ანტარქტიდა).

როკფორდი - ქალაქი აშშ-ს ჩრდილოეთ ნაწილში, ილინოისის შტატში (140 ათასი).

როკფორი (ფრანგ.) - ცხვრის ყველი ცხარე გემოსი.

როკჰემპტონი - ქალაქი ავსტრალიის კუინზლენდის შტატში (70 ათასი).

როლანდი - ბრეტონის მარკგრაფი (გარდაიცვალა 778 წელს).

როლანდ ჰოლსტი (როლანდ ჰოლსტ დერ სხალკი) ჰენრიეტე - ნიდერლანდის სოციალისტური მოძრაობის მოღვაწე ქალი (1869-1952 წწ).

როლანი რომენ - ფრანგი მწერალი (1866-1944 წწ).

როისი (როლან დე ლა პლატიერი) ჟან მარი (ან მანონ) - საფრანგეთის დიდი რევოლუციის მოღვაწე ქალი (1734-1793 წწ).

როლგანგი (გერმ.) - გორგოლაჭებისაგან შემდგარი კონვეირი; გორგოლაჭებიანი ტრანსპორტიორი.

როლერი - ჩაის ფოთლის სარეცხი მანქანა.

როლერი მიჰაილ - რუმინელი ისტორიკოსი (1908-1958 წწ).

როლი

  1. (ფრანგ.) დრამატული სახე, რომელსაც მსახიობი განასახიერებს სცენაზე. კინოფილმში და სხვა.

  2. თითოეული მოქმედი პირისათვის განკუთვნილი ტექსტის ერთობლიობა პიესაში.

  3. რაიმე საქმიანობაში ვისიმე მონაწილეობის ხვედრითი წონა, მნიშვნელობა.

  4. ქალაქი აშშ-ს სამხრეთ-აღმოსავლეთ ნაწილში, კაროლინის შტატში (210 ათასი).

  5. (გერმ.) - ქაღალდის წარმოებაში მანქანა, რომელიც ფქვავს ბოჭკოვან ნივთიერებებს (ჩვრებს, ცელულოზას, ხის მასალას).

როლი მიშელ - ფრანგი მათემატიკოსი (1652-1719 წწ).

როლი უოლტერ - ინგლისის პოლიტიკური მოღვაწე და ისტორიკოსი (დაახლოებით 1552-1618 წწ).

როლინგ სტოუნზი - ინგლისური როკ-ჯგუფი; შეიქმნა 1962 წელს.

როლდანი ამადეო - კუბელი კომპოზიტორი (1900- 1939 წწ).

როლს-როისი - პრესტიჟული ავტომობილების მწარმოებელი ინგლისური კომპანია; 1998 წელს შეიძინა კონცერნმა „ფოლკსვაგენმა“; შტაბ-ბინა მდებარეობს ლონდონში.

როლფსი გერჰარდ - გერმანელი აფრიკის მკვლევარი (1831-1896 წწ).

რომ - კავშირი; დამოკიდებულ წინადადებას აერთებს მთავართან.

რომა - ქალაქ რომის ერთ-ერთი ეპონიმი, ენეასის (ზოგი ვერსიით - ოდისევსის) ვაჟი; რომის სახელმწიფოს განსახიერება.

რომადინი ნიკოლაი - რუსი ფერმწერი, საბჭოთა კავშირის სახალხო მხატვარი (1902-1987 წწ).

რომაელები - ძველი რომის სახელმწიფოს მოქალაქენი.

რომანეთი - სოფელი ვანის მუნიციპალიტეტში (საპრასიის თემის საკრებულო), მდებარეობს მდინარე ძულხურის (სულორის მარჯვენა შენაკადი) ნაპირებზე. ზღვის დონიდან 320 მეტრი. ვანიდან 18 კილომეტრი. 2002 წლის აღწერის მონაცემებით სოფელში ცხოვრობს 471 ადამიანი.

რომანელი პიეტრო - იტალიელი არქეოლოგი (1889 - 1980 წწ).

რომანენკო იური - რუსი მფრინავი-კოსმონავტი, პოლკოვნიკი, სამი კოსმოსური ფრენის მონაწილე 1977-78, 1980 და 1987 წლებში (დაიბადა 1944 წელს).

რომანი (ფრანგ.)

  1. დიდი მოცულობის თხრობითი ლიტერატურული ნაწარმოები, რომელსაც ახასიათებს რთული სიუჟეტი.

  2. სამიჯნურო ურთიერთობა ქალსა და ვაჟს შორის.

  3. ქალაქი რუმინეთის აღმოსავლეთ ნაწილში, ნიამცის ჟუდეცში (70 ათასი).

რომანია - ისტორიული ოლქი ჩრდილოეთ იტალიაში.

რომანიზი ჯორჯ ჯონ - ინგლისელი ნატურალისტი (1848-1894 წწ).

რომანიზმი - ლინგვისტიკაში რომანული ენებიდან ნასესხები სიტყვა ან გამოთქმა.

რომანისტი

  1. მწერალი, რომელიც რომანებს წერს.

  2. რომანისტიკის სპეციალისტი.

რომანისტიკა - იმ მეცნიერებათა ერთობლიობა, რომლებიც სწავლობენ რომანულ ენებსა და კულტურას; რომანული ფილოლოგია.

რომანიცკი ბორის - უკრაინელი მსახიობი, რეჟისორი, საბჭოთა კავშირის სახალხო არტისტი (1891-1980 წწ).

რომანიშინი ოლეგ - უკრაინელი მოჭადრაკე, საერთაშორის დიდოსტატი, მსოფლიო ჩემპიონობის პრეტენდენტთა მატჩების მონაწილე (დაიბადა 1952 წელს).

რომან-კოში - ყირიმის ნახევარკუნძულის უმაღლესი მწვერვალი (1545 მეტრი).

რომან მსტისლავის ძე - ნოვგოროდისა (1168-69 წწ) და ვლადიმირ-ვოლინის (1170-1205 წწ) მთავარი (გარდაიცვალა 1205 წელს).

რომანო ჯულიო (ნამდვილი სახელი კულიო პიპი) - იტალიელი არქიტექტორი და ფერმწერი (1492 ან 1499 - 1546 წწ).

რომანოვები - რუსეთის მეფეთა და იმპერატორთა დინასტია 1613-1917 წლებში.

რომანოვი ივანე - რუსი მსახიობი, საბჭოთა კავშირის სახალხო არტისტი (1896-1963 წწ).

რომანოვი პანტელეიმონ - რუსი მწერალი (1884-1938 წწ).

რომანოვული ცხვარი - უხეშმატყლიანი ჯიში საქურქე მიმართულებისა.

რომანოზ I (ლაკაპენოსი) - ბიზანტიის იმპერატორი (გარდაიცვალა 948 წელს).

რომანოზ II - ბიზანტიის იმპერატორი 959-963 წლებში.

რომანოზ III (არგირუსი) - ბიზანტიის იმპერატორი 1028-1034 წლებში.

რომანოზ IV (დიოგენე) - ბიზანტიელი პოეტი (V საუკუნის დასასრული - დაახლოებით 560 წ).

რომანოზ მელოდოსი (ლაკაპენოსი) - ბიზანტიის იმპერატორი (გარდაიცვალა 948 წელს).

რომანონესი (ფიგეროა ი ტორესი) ალვარო - ესპანეთის სახელმწიფო მოღვაწე და ისტორიკოსი (1863-1950 წწ).

რომანოსი - ძველი ბერძნული მითოლოგიის თანახმად, ოდისევსის და კირკეს ვაჟი, ზოგი წყაროს თანახმად - რომის დამაარსებელი.

რომანსერო - ესპანური ხალხური რომანსების, როგორც ცალკეული ციკლების, ასევე სრული კრებულების ერთობლიობა.

რომანსი (ფრანგ.)

  1. ლექსის სიტყვებზე დაწერილი პატარა ვოკალური ნაწარმოები, რომელსაც მღერიან ფორტეპიანოს ან სხვა საკრავის თანხლებით.

  2. მელოდიური ხასიათის პიესა ვიოლინოს, ვიოლონჩელის და ფორტეპიანოსათვის.

  3. პატარა სასიმღერო ლირიკული ლექსი.

რომანტიზაცია - ვისიმე ან რისიმე წარმოდგენა, წარმოსახვა რომანტიკული სახით; გაიდეალება.

რომანტიზმი (ფრანგ.)

  1. XIX საუკუნის დასაწყისში ლიტერატურასა და ხელოვნებაში მიმართულება, რომელიც წინ აყენებდა პიროვნების ინტერესებსა და გრძნობებს; ახასიათებდა არსებული სინამდვილისაგან განზე გადგომა, ინდივიდუალიზმი.

  2. მხატვრული მეთოდი, რომელიც განმსჭვალულია ოპტიმიზმით და მიისწრაფვის ნათელი სახეებით გვიჩვენოს ადამიანის მაღალი დანიშნულება.

  3. რისამე იდეალიზაცია.

რომანტიკა

  1. ემოციური, ამაღლებული დამოკიდებულების შემქმნელი.

  2. იგივეა, რაც რომანტიზმი.

რომანტიკოსი

  1. რომანტიზმის მიმდევარი პირი.

  2. პირი, რომელსაც სჩვევია ადამიანისა და ცხოვრების იდეალიზაცია. მეოცნებე.

რომანტიკული

  1. რომანტიზმთან დაკავშირებული, რომანტიზმის დამახასიათებელი.

  2. რომანტიკასთან დაკავშირებული.

რომანული

  1. (ლათ.) - რაც წარმოშობილია ძველი რომის კულტურიდან ან დაკავშირებულია მასთან.

  2. ქალ-ვაჟის სიყვარულთან დაკავშირებული.

რომანული ენები - ინდოევროპული ენების ოჯახის ერთ-ერთი ჯგუფი (პორტუგალიური, ესპანური, კატალანური, გალისიური, ფრანგული, პროვანსული, იტალიური, სარდინიული, რუმინული, მოლდავური); ამ ენებზე ლაპარაკობს თანამედროვე მსოფლიოს 400 მილიონზე მეტი ადამიანი.

რომარიო დე სოუზა ფარია - ბრაზილიელი ფეხბურთელი (თავდამსხმელი), 1994 წლის მსოფლიოს ჩემპიონი, XX საუკუნის დასასრულის ერთ-ერთი საუკეთესო მოთამაშე (დაიბადა 196 წელს).

რომასი იაკობ - ფერმწერი. დეკორატიული ხელოვნების ოსტატი, საბჭოთა კავშირის სახალხო მხატვარი (1902-1969 წწ).

რომაული - ძველ რომთან დაკავშირებული; რომის სახელმწიფოში შექმნილი, იქიდან მომდინარე.

რომბი (ბერძნ.) - ტოლგვერდა და ირიბკუთხა პარალელოგრამი.

რომბოედრი (ბერძნ.) - პარალელეპიპედი, რომლის ყველა წახნაგი რომბია.

რომბოუტსი თეოდორ - ფლამანდელი ფერმწერი (1579-1637 წწ).

რომელი - კითხვითი ნაცვალსახელი; აღნიშნავს რამდენიმედან ერთ-ერთს; სახელდობრ ვინ ან რა.

რომელი დიტრიხ-კრისტოფ - გერმანელი ისტორიკოსი, ეთნოგრაფი და ფილოლოგი (1781-1859 წწ).

რომელი ერვინ - ფაშისტური გერმანიის გენერალ-ფელდმარშალი (1891-1944 წწ).

რომელიმე - განუსაზღვრელი ნაცვალსახელი ერთ-ერთი მრავალთაგან.

რომელიც - მიმართებითი ნაცვალსახელი, სწორედ ის, ვინც, რაც.

რომენი - მსოფლიოში ერთადერთი თეატრი ბოშებისა; დაარსებულია მოსკოვში 1930 წელს და იქვე ფუნქციონირებს.

რომენი ჟიულ (ნამდვილი სახელი და გვარი ლუი ფარიგული) - ფრანგი მწერალი (1885-1972 წწ).

რომენსი ჯორჯ ჯონ - იხილე რომანიზი ..

რომეო როზარიო - იტალიელი ისტორიკოსი (დაიბადა 1924 წელს).

რომერო ელვიო - პარაგვაელი მწერალი (დაიბადა 1926 წელს).

რომი

  1. იტალიის დედაქალაქი და ლაციოს ოლქის ადმინისტრაციული ცენტრი. ლეგენდის თანახმად დაარსებულია ძვ.წ.აღ. 753 წელს. V საუკუნემდე იყო რომის იმპერიის ცენტრი, გაერთიანებული დამოუკიდებელი იტალიის დედაქალაქად გამოცხადდა 1871 წლიდან (3 მილიონი).

  2. (ინგლ.) - მაგარი, სპირტიანი სასმელი, რომელსაც ამზადებენ შაქრის ლერწმის დადუღებული წვენის ან ბადაგისაგან.

რომი მიხაილ - რუსი კინორეჟისორი, საბჭოთა კავშირის სახალხო არტისტი (1901-1971 წწ).

რომი შარლ ჟილბერ - საფრანგეთის დიდი რევოლუციის მოღვაწე (1750-1795 წწ).

რომის პაპი - კათოლიკური ეკლესიისა და ვატიკანის სახელმწიფოს მეთაური.

რომის უნივერსიტეტი - ევროპის ერთ-ერთი უძველესი უნივერსიტეტი; დაარსდა 1303 წელს.

რომისღელე - მდინარე მესტიის მუნიციპალიტეტში, ენგურის მარჯვენა შენაკადი.

რომიტანი - ქალაქი უზბეკეთის ბუხარის ოლქში.

რომნი - ქალაქი უკრაინის სუმის ოლქში (60 ათასი).

რომნი (რომნეი) ჯორჯ - ინგლისელი ფერმწერი (1734-1802 წწ).

რომნი-მარში - ნახევრად წმინდამატყლიანი გრძელბეწვიანი, ადრეული ცხვრის ჯიში; გამოყვანილია ინგლისის სამხრეთ-აღმოსავლეთ ნაწილში (კენტის საგრაფო).

რომულუს ავგუსტულუსი - დასავლეთ რომის იმპერიის იმპერატორი 475-476 წლებში.

რომულუსი - რომის მითიური დამაარსებელი, რეა სილვასა და მარსის ვაჟი, რემის (რემუსის) ტყუპისცალი. რომის პირველი მეფე 754-717 წლებში. ლესგენდის მიხედვით იგი ცოცხლადვე ამაღლდა ცად და რომაელებმა კვირინუსის სახელით აღიარეს.

რომც - კიდევაც რომ.

რონა

  1. მდინარე შვეიცარიასა და საფრანგეთში, ერთვის ხმელთაშუა ზღვის ლიონის ყურეს (სიგრძე 812 კილომეტრი).

  2. დეპარტამენტი საფრანგეთში.

რონალდო ლუის ნაზარიო დე ლიმა - ბრაზილიელი ფეხბურთელი (თავდამსხმელი), 2002 წლის მსოფლიოს ჩემპიონი (დაიბადა 1976 წელს).

რონა-რაინის არხი - იხილე რაინ-რონის არხი.

რონდა - ქალაქი დიდი ბრიტანეთის გლამორგანშირის საგრაფოში (უელსი).

რონდელი

  1. (ნამდვილი გვარი ცაგარეიშვილი) დავით - კონორეჟისორი, საქართველოს სახალხო არტისტი (1904-1974 წწ).

  2. (ფრანგ.) - წყვილრითმიანი ლექსი; ემყარება სამ სტროფს და ცამეტი ტაეპისგან შედგება.

რონდირისი დიმიტრიოს - ბერძენი მსახიობი და რეჟისორი (1899-1985 წწ).

რონდიში - სოფელი ხონის მუნიციპალიტეტში (კინჩხის თემის საკრებულო), მდებარეობს ასხის მასივის სამხრეთ კალთაზე. მდინარე ოკაცეს მარცხენა ნაპირას. ზღვის დონიდან 600 მეტრი, ხონიდან 31 კილომეტრი. 2002 წლის აღწერის მონაცემებით სოფელში ცხოვრობს 54 ადამიანი.

რონდო

  1. (იტალ.) - მუსიკალური ფორმა, რომელშიც მთავარი თემა ხშირად მეორდება სხვა, არაძირითად თემებთან მონაცვლეობით.

  2. (ფრანგ.)განსაკუთრებულად მომრგვალებული ხელნაწერი ასოები ან სასტამბო შრიფტი.

  3. ფართოწვერიანი კალამი ასეთი ასოებით საწერად.

რონდონია - შტატი ბრაზილიის ჩრდილოეთ ნაწილში. ადმინისტრაციული ცენტრი პორტუ-ველიო.

რონე ფინ - ანტარქტიკის ამერიკელი მკვლევარი (1899-1985 წწ).

რონებიუ - ბალნეოლოგიური კურორტი შვედეთში.

რონი

  1. (ნამდვილი სახელი და გვარი ჟოზეფ ანრი ბექსი) - ფრანგი მწერალი (1856-1940 წწ).

  2. (ნამდვილი სახელი და გვარი - სერაფენ ჟიუსტენ ფრანსუა) - ფრანგი მწერალი (1859-1948 წწ).

რონინი

  1. სიარული, სვლა.

  2. ხელით აქეთ-იქით ტარება.

რონის დაბლობი - მდებარეობს საფრანგეთში.

რონკონი ლუკა - იტალიელი რეჟისორი (დაიბადა 1963 წელს).

რონოდა - (უმართებულოა) იხილე ვაგონი.

რონსარი პიერ დე - ფრანგი პოეტი (1524-1585 წწ).

რონსევალის ბრძოლა - ბრძოლა ბასკებსა და კარლოს დიდის ფრანგთა ჯარებს შორის 778 წლის 15 აგვისტოს პირენეეებში მდებარე სოფელ რონსევალთან.

რონსენი შარლ ფილიპ - საფრანგეთის დიდი რევოლუციის მოღვაწე (1752-1794 წწ).

როომი აბრამ - რუსი კინორეჟისორი (1894-1976 წწ).

როონი ალბრეხტ - პრუსიის სამხედრო მოღვაწე, გენერალ-ფელდმარშალი (1803-1879 წწ).

როჟა ფერენც - უნგრეთის კომუნისტური მოძრაობის მოღვაწე (1906-1942 წწ).

როჟდესტვენსკი გენადი - რუსი დირიჟორი, საბჭოთა კავშირის სახალხო არტისტი (დაიბადა 1931 წელს).

როჟდესტვენსკი ვალერიან - რუსი მფრინავი კოსმონავტი, 1976 წლის ფრენის მონაწილე (დაიბადა 1939 წელს).

როჟდესტვენსკი რობერტ - რუსი პოეტი (1932-1994 წწ).

როჟე-დიუკასი ჟან ჟიულ ემაბლ - ფრანგი კომპოზიტორი (1873-1954 წწ).

როჟიე შარლ ლატერ - ბელგიის მთავრობის მეთაური 1847-52, 1857, 1868 წლებში (1800-1885 წწ).

რორაიმა

  1. მთის მასივი ვენესუელის, გაიანისა და ბრაზილიის საზღვარზე.

  2. შტატი ბრაზილიის ჩრდილოეთ ნაწილში; ადმინისტრაციული ცენტრი ბოა-ვისტა.

რორერი ჰენრიხ - შვეიცარიელი ფიზიკოსი, 1986 წლის ნობელის პრემიის ლაურეატი გ.ბინიგთან ერთად (დაიბადა 1933 წელს).

რო-რო - ისეთი გემი, რომლის დატვირთვა-გადმოტვირთვაც ჰორიზინტალურად ხდება და რომლისთვისაც ამიტომ ამწეები არ არის საჭირო; იძლევა დიდ ეკონომიას.

რორტი რიჩარდ - ამერიკელი ფილოსოფოსი (დაიბადა 1931 წელს).

რორშახი ჰერმან - შვეიცარიელი ფსიქიატრი (1884-1922 წწ).

როს

  1. იგივეა, რაც როდის.

  2. იგივეა, რაც როდესაც.

როსალეს კამაჩო ლუის - ესპანელი პოეტი (1936-1991 წწ).

როსარიო - ქალაქი არგენტინის სანტა-ფეს პროვინციაში (1,1 მილიონი).

როსასი ხუან მანუელ - არგენტინის სახელმწიფო მოღვაწე (1793-1877 წწ).

როსბი კარლ გუსტავ არვიდ - შვედი მეტეოროლოგი (1898-1957 წწ).

როსე ფრანსუა - ფრანგი მწერალი (დაახლოებით 1570-1619 წწ).

როსელი კარლო - იტალიის ანტიფაშისტური მოძრაობის მოღვაწე (1899-1937 წწ).

როსელი ლუი ნატანიელ - საფრანგეთის სამხედრო და პოლიტიკური მოღვაწე (1844-1871 წწ).

როსელინი იზაბელა - იტალიელი კინომსახიობი ქალი (დაიბადა 1952 წელს).

როსელინი რობერტო - იტალიელი კინორეჟისორი (1906-1977 წწ).

როსელინო ანტონიო - იტალიელი მოქანდაკე (1427 - დაახლოებით 1479 წ).

როსელინო ბერნარდო - იტალიელი არქიტექტორი და მოქანდაკე (1409-1464 წწ).

როსეტი ალექსანდრე - რუმინელი ენათმეცნიერი (1895-1985 წწ).

როსეტი გაბრიელე - იტალიელი პოეტი (1783-1854 წწ).

როსეტი დანტე გაბრიელ - ინგლისელი ფერმწერი და პოეტი (1828-1882 წწ).

როსი ალდო - იტალიელი არქიტექტორი და ხელოვნების ისტორიკოსი (დაიბადა 1931 წელს)

როსი დაიანა - ამერიკელი სოულის და დისკო-მომღერალი (დაიბადა 1944 წელს).

როსი ერნესტო - იტალიელი მსახიობი (1827-1896 წწ).

როსი კარლ - რუსი არქიტექტორი, რუსული კლასიციზმის წარმომადგენელი (1775-1849 წწ).

როსი რონალდ - ინგლისელი პარაზიტოლოგი, მიკრობიოლოგი და ექიმი, 1902 წლის ნობელის პრემიის ლაურეატი (1857-1932 წწ).

როსი პაოლო - იტალიელი ფეხბურთელი, 1982 წლის მსოფლიოს ჩემპიონი, საუკეთესო ფეხბურტელი და ბომბარდირი (6 გოლი) (დაიბადა 1956 წელს).

როსი უილიამ - იხილე პარსონზი .

როსი ჯეიმზ კლარკ - ინგლისელი სამხედრო მეზღვაური, არქტიკის მკვლევარი (1777-1856 წწ).

როსი - მდინარე უკრაინაში, დნეპრის მარჯვენა შენაკადი (სიგრძე 346 კილომეტრი).

როსინანტი - ხუმრობით იტყვიან გაძვალტყავებულ, ჯაგლაგ ცხენზე (სერვანტესის რომანის მთავარი გმირის დონ კიხოტის ცხენის სახელის მიხედვით).

როსინი ჯოაკინო ანტონიო - იტალიელი კომპოზიტორი (1792-1868 წწ).

როსის ზღვა - წყნარი ოკეანის აუზის ზღვა ანტარქტიდის ნაპირებთან.

როსის შელფური მყინვარი - მდებარეობს ანტარქტიდაში.

როსკილე - ქალაქი დანიაში, ამავე სახელწოდების ამტის ადმინისტრაციული ცენტრი (50 ათასი).

როსკიპი - მეძავი ქალი.

როსკოუ ჰენრი ენფილდ - ინგლისელი ქიმიკოსი (1833-1915 წწ).

როსლავლი - ქალაქი რუსეთის სმოლენსკის ოლქში (60 ათასი).

როსლინი (როსლენი) ალექსანდრ - შვედი ფერმწერი (1718-1793 წწ).

როსლინი თოროს - სომეხი მხატვარი-მინიატურისტი, მოღვაწეობდა XII საუკუნის II ნახევარში.

როსო მედარდო - იტალიელი მოქანდაკე (1858-1928 წწ).

როსოში - ქალაქი რუსეთის ვორონეჟის ოლქში (65 ათასი).

როსტანი ედმონ - ფრანგი პოეტი და დრამატურგი (1868-1918 წწ).

როსტბიფი (ინგლ.) - ძროხის სუკის შემწვარი ნაჭერი.

როსტერი (ჰოლანდ.) - გემის ბორტის გასწვრივ ჯიხურსა და ბიგებს შორის მოთავსებული ბიმსების რიგი.

როსტვერკი (გერმ.) - ხიმინჯებიანი საძირკვლის ნაწილი (ფილა ან კოჭი), რომელიც აერთიანებს ხიმინჯის თავებს და წარმოადგენს ნაგებობის საყრდენ კონსტრუქციას.

როსტიაშვილი შოთა - საბჭოთა კავშირის გმირი, სერჟანტი, მეორე მსოფლიო ომის მონაწილე (1924-1945 წწ).

როსტისლავი - დიდი მორავის მთავარი 846 - 870 წლებში.

როსტოვი

  1. იხილე დონის როსტოვი.

  2. ქალაქი რუსეთის იაროსლავლის ოლქში (35 ათასი).

როსტოკი - ქალაქი გერმანიის მეკლენბურგ-პიმერანიის მხარეში (245 ათასი).

როსტომაშვილი ივანე - პედაგოგი, ჟურნალისტი, საზოგადო მოღვაწე (1852-1924 წწ).

როსტომ გურიელი - გურიის მთავარი 1534-66 წლებში, მამია გურიელის ძე.

როსტომი

  1. ქართლის მეფე 1633-58 და ქართლ-კახეთის მეფე 1648-58 წლებში, დავით XI-ის (დაუთ-ხანის) ძე (დაახლოებით 1565-1658 წწ).

  2. იმერეთის მეფე 1590-1605 წლებში (გარდაიცვალა 1605 წელს).

  3. (ჯაყელი) ახალციხის ფაშა 1647-58 წლებში.

როსტომი - ფირდოუსის პოემა „შაჰ-ნამეს“ მთავარი მოქმედი პირი.

როსტომიანი

  1. ქართული ხალხური ეპიკური ძეგლი; გვხვდება პროზაული და ლექსნარევი ვარიანტების სახით. სიუჟეტურად ეფუძნება ფირდოუსის „შაჰ-ნამეს“.

  2. ფირდოუსის „შაჰ-ნამეს“ ქართულად თარგმნილი ვერსიების საერთო სახელწოდება.

როსტოუ უოლტ უიტმენ - ამერიკელი სოციოლოგი და ეკონომისტი (დაიბადა 1916 წელს).

როსტოცკი სტანისლავ - რუსი კინორეჟისორი, საბჭოთა კავშირის სახალხო არტისტი (1924-2001 წწ).

როსტრა (ლათ.)

  1. არქიტექტურული სამკაული; წარმოადგენს ძველებური ხომალდების ცხვირებს.

  2. ძველ რომში ფორუმზე აღმართული ტრიბუნა, რომელიც მორთული იყო მტრისათვის წართმეული ხომალდების ცხვირებით.

როსტრები (ჰოლანდ.) - ცხაური ფენილი ხომალდის ზედა გემბანის თავზე; განკუთვნილია ნავების, თვითმფრინავების და სხვათა მოსათავსებლად.

როსტროპოვიჩი მსტისლავ - გამოჩენილი რუსი ვიოლონჩელისტი (1927-2007 წწ).

როსცელინუსი (როსცელინი) იოან - ფრანგი ფილოსოფოსი და თეოლოგი (დაახლოებით 1050-1120 წწ).

როსციუსი კვინტუს გალუს - ძველრომაელი მსახიობი (დაახლოებით ძვ.წ.აღ. 130 - 62 წწ).

როტა - ქალაქი-პორტი სამხრეთ ესპანეთში, ანდალუსიის ოლქში (25 ათასი).

როტა ნინო - იტალიელი კომპოზიტორი (1911-1979 წწ).

როტა პოლ - ინგლისელი კინორეჟისორი-დოკუმენტალისტი (1907-1984 წწ).

როტანგი (მალაიური) - ლიანები პალმების ოჯახისა, გავრცელებულია ტროპიკულ აზიაში.

როტაპრინტი (ინგლ.) - პატარა გამარტივებული ოფსეტური საბეჭდი მანქანა, რომლითაც ამრავლებენ შედარებით მცირეტირაჟიან მასალებს.

როტარი (როთარისი) - ლანგობარდთა მეფე (დაახლოებით 606-652 წწ).

როტარი პიეტრო - იტალიელი ფერმწერი (1707-1762 წწ).

როტარუ სოფია - უკრაინელი მომღერალი, საბჭოთა კავშირის სახალხო არტისტი (დაიბადა 1947 წელს).

როტატორი (ლათ.) - მბრუნავცილინდრიანი აპარატი, რომელიც ტრაფარეტის საშუალებით ამრავლებს ხელნაწერს, ნახაზს, ნახატს.

როტაცია (ლათ.)

  1. ბრუნვა, ტრიალი, წრებრუნვა.

  2. იგივეა, რაც როტაციული მანქანა.

როტაციზმი (ბერძნ.) - ზოგი ბგერის (ჩვეულებრივ ს-ს) გადასვლა რ-ში.

როტაციული მანქანა - მაღალმწარმოებლური საბეჭდი მანქანა, რომელსაც აქვს მბრუნავი საბეჭდი ფორმა.

როტერდამი - ქალაქი ნიდერლანდის სამხრეთ ჰოლანდიის პროვინციაში; მსოფლიოს ერთ-ერთი უდიდესი პორტი (600 ათასი).

როტვაილერი (გერმ.) - სასამსახურო ძაღლების ჯიში. გამოყვანილია გერმანიაში 1920-იან წლებში.

როტი ტიმ - ინგლისელი მსახიობი (დაიბადა 1961 წელს).

როტიე - რუსეთის არმიის პოლკოვნიკი, წარმოშობით ბელგიელი, აქვს ცნობები სქართველოს შესახებ (გარდაიცვალა 1829 წლის შემდეგ).

როტკო მარკ - ამერიკელი მხატვარი, წარმოშობით ლიტველი (1903-1970 წწ).

როტმაირი იოჰან მიხაელ - ავსტრიელი ფერმწერი, ბაროკოს წარმომადგენელი (1654-1730 წწ).

როტმისტრი (პოლონ.) - რევოლუციამდელ რუსეთში კავალერიის, აგრეთვე ჟანდარმერიის, ოფიცრის ჩინი. შეესაბამებოდა ქვეითი ჯარის კაპიტანს.

როტონდა (იტალ.) - გუმბათიანი მრგვალი ნაგებობა (შენობა, ფანჩატური, დარბაზი).

როტოპრინტი - იხილე როტაპრინტი.

როტორი (ლათ.) - მანქანის (ტურბინის, ელექტროძრავის და მისთანების) მბრუნავი ნაწილი.

როტორუა - ბალნეოლოგიური კურორტი და ტურიზმის ცენტრი ახალ ზელანდიაში.

როტრუ ჟან დე - ფრანგი დრამატურგი (1609-1650 წწ).

როტშილდები - ფინანსური ჯგუფი დასავლეთ ევროპაში; დამაარსებლად მიჩნეულია მ.ა.როტშილდი (XVIII საუკუნე, საფრანგეთი).

როუ ალექსანდრე - რუსი კინორეჟისორი (1906-1973 წწ).

როუდ-აილენდი (როდ-აილენდი) - შტატი აშშ-ს ჩრდილო-აღმოსავლეთ ნაწილში. ფართობი 3,2 ათასი კვ.კმ. მოსახლეობა - 1 მილიონი; ადმინისტრაციული ცენტრი - პროვიდენსი.

როუდზი სესილ ჯონ - ინგლისელი კოლონიური მოღვაწე (1853-1902 წწ).

როულანდსონი ტომას - ინგლისელი მხატვარი (1756-1827 წწ).

როულენდი შერვუდ - ამერიკელი ქიმიკოსი, 1995 წლის ნობელის პრემიის ლაურეატი პ.კრუტცენთან და მ.მოლონასთან ერთად (დაიბადა 1927 წელს).

როულინგი ჯოან - ინგლისელი მწერალი ქალი, ჰარი პოტერის შესახებ არსებული რომანების სერიის ავტორი (დაიბადა 1965 წელს).

როულინსონი ჰენრი კრესუიკ - ინგლისელი დიპლომატი და აღმოსავლეთმცოდნე (1810 - 1895 წწ).

როურკელა - ქალაქი ინდოეთის ორისას შტატში (215 ათასი).

როუსი ფრენსის - ამერიკელი პათოლოგი და ონკოლოგი, 1966 წლის ნობელის პრემიის ლაურეატი ჩ.ბ.ჰაგინსთან ერთად (1879-1970 წწ).

როფი - ამოთლილი ან ფიცრებისაგან შეკრული ხის დიდი პირღია ჭურჭელი.

როფსი ფელისიენ - ბელგიელი გრაფიკოსი და ფერმწერი (1833-1898 წწ).

როქი

  1. ჭადრაკში მეფისა და ეტლის ერთდროული სვლა

  2. როქის სპა დაქირავებული ჯარი.

როქსოლანები - ერთ-ერთი სარმატული მესაქონლე ტომი; ბინადრობდნენ სკვითური ტომების მეზობლად.

როყინი - კამეჩის ხმიანობა.

როყიო

  1. უხეში, უშნო, დიდი (ხმა).

  2. ცუდად, დაუკვირვებლად მოლაპარაკე.

  3. დაუკვირვებლად, უადგილოდ ნათქვამი (სიტყვა).

როყრორი - იგივეა, რაც როხროხი.

როშალი - ქალაქი რუსეთის მოსკოვის ოლქში (25 ათასი).

როშალი გრიგორი - რუსი კინორეჟისორი, პედაგოგი, საბჭოთა კავშირის სახალხო არტისტი (1899-1983 წწ).

როშანი - მოგოლთა იმპერიისა და ავღანელ ფეოდალთა წინააღმდეგ პუშტუნების (ავღანელების) სახალხო მოძრაობა, რომელსაც მუსლიმანური სექტა როშანი ხელმძღვანელობდა.

როშა პომბუ ფრანსისკუ - ბრაზილიელი ისტორიკოსი (1853-1933 წწ).

როშე ვალდეკ - საფრანგეთისა და საერთაშორისო მუშათა მოძრაობის მოღვაწე (1905-1983 წწ).

როშეშანა - ებრაელთა ახალი წელი მთვარის კალენდრის მიხედვით; აღინიშნება თიშრის (სექტემბერი-ოქტომბერი) თვეში.

როშერი ვილჰელმ გეორგ ფრიდრიხ - გერმანელი ეკონომისტი (1817-1894 წწ).

როში - საქონლისთვის მსხვილად დაფქული მარცვლეული.

როშკა - სოფელი დუშეთის მუნიციპალიტეტში (ხევსურეთის თემის საკრებულო), მთიულეთ-ფშავის კავკასიონის სამხრეთ კალთაზე. მდინარე როშკისწყლის (ხევსურეთის არაგვის მარჯვენა შენაკადი) ნაპირას. ზღვის დონიდან 2000 მეტრი, დუშეთიდან 74 კილომეტრი. 2002 წლის აღწერის მიხედვით სოფელში ცხოვრობს 53 კაცი.

როშკახოხი - მწვერვალი დუშეთის მუნიციპალიტეტში, თუშეთ-ხევსურეთის კავკასიონის მთავარ, მდინარე ჯუთისა (თერგის აუზი) და ხევსურეთის არაგვის წყალგამყოფ ქედზე. აგებულია ქვედაიურული თხიაფიქლებით და ქვიშაფიქლებით (სიმაღლე 3562 მეტრი).

როშკა-ჯუთი - იხილე საძელიღელე.

როშკიონი - თიანეთის მუნიციპალიტეტის სოფელ სიონთგორის ძველი სახელი.

როშკისწყალი - მდინარე მთიულეთ-ფშავის კავკასიონის სამხრეთ კალთაზე, დუშეთის მუნიციპალიტეტში. მდინარე ქმოსტურას მარცხენა შენაკადი. სიგრძე 11 კილომეტრი, აუზის ფართობი 47 კვ.კმ. საშუალო წლიური ხარჯი 1,5 კუბ.მ/წმ საზრდოობს თოვლის, მყინვარული, წვიმისა და მიწისქევაშა წყლით. წყალდიდობა იცის გაზაფხულ-ზაფხულზე, წყალმცირობა - ზამთარში.

როშტაინი (გერმ.) - შუალედური პროდუქტი, რომელსაც იღებენ სპილენძის, კალის, ნიკელის ან კობალტის კონცენტრატებისა და მადნების დნობის დროს.

როშფორი ვიქტორ ანრი, მარკიზი დე როშფორ-ლუსე - ფრანგი პუბლიცისტი და პოლიტიკური მოღვაწე (1831-1913 წწ).

როშფორი ჟან - ფრანგი მსახიობი (დაიბადა 1930 წელს).

როშჩინი ანატოლი - რუსი სპორტსმენი (ბერძნულ-რომაული ჭიდაობა), 1972 წლის ოლიმპიური თამაშების და მსოფლიოს სამგზის ჩემპიონი (დაიბადა 1932 წელს).

როშჩინი მიხეილ - რუსი მწერალი (დაიბადა 1933 წელს).

როჩა - ქალაქი ურუგვაიში, ამავე სახელწოდების დეპარტამენტის ადმინისტრაციული ცენტრი.

როჩდვილი - ქალაქი დიდი ბრიტანეთის დიდი მანჩესტერის მეტროპოლიურ საგრაფოში (ინგლისი).

როჩესტერი

  1. ქალაქი-პორტი დიდი ბრიტანეთის კენტის საგრაფოში.

  2. ქალაქი აშშ-ს მინესოტის შტატში.

  3. ქალაქი აშშ-ს ჩრდილო-აღმოსავლეთ ნაწილში, ნიუ-იორკის შტატში (235 ათასი).

როჩესტერი ენ - ამერიკელი ისტორიკოსი და ეკონიმისტი ქალი, მუშათა მოძრაობის მოღვაწე (1880-1966 წწ).

როჩი მონსერატ - კატალონიელი მწერალი ქალი (დაიბადა 1946 წელს).

როჩი ჯაკმე (ჯაუმე) - კატალონიელი პოეტი (? - 1478 წწ).

როცა - იგივეა, რაც როდესაც.

როცა აყვავდა ნუში - ქართული მხატვრული ფილმი. ეკრანებზე გამოვიდა 1972 წელს. დამდგმელი რეჟისორი - ლანა ღოღობერიძე. სცენარის ავტორები - ზაირა არსენიშვილი, ლანა ღოღობერიძე. დამდგმელი ოპერატორი - გიორგი ჭელიძე. კომპოზიტორი - გია ყანჩელი. მთავარ როლებში: ზურაბ ყიფშიძე, გოგა ფიფია, თინათინ ვარდანაშვილი, ეკა მაღალაშვილი, სესილია თაყაიშვილი, დოდო აბაშიძე, ლია კაპანაძე, ჭაბუა ამირეჯიბი, მარინე თბილელი.

როჭო (Lyrurus) - მოზრდილი ფრინველი ქათმისნაირთა რიგისა; ბინადრობს ალპურ მდელოებზე, დეკიანებში და უღრან ტყეებში.

როხანა - იხილე რუხუნა.

როხასი (ყოფილი კაპისი) - ქალაქი-პორტი ფილიპინებში, კაპისის პროვინციის ადმინისტრაციული ცენტრი (105 ათასი).

როხასი ფერნანდო დე - ესპანელი მწერალი (დაახლოებით 1465-1541 წწ).

როხასი (როხას ი აკუნია) მანუელ - ფილიპინების პოლიტიკური მოღვაწე (1892-1948 წწ).

როხასი ხოსე ანტონიო - ჩილეს პოლიტიკური მოღვაწე (1732 ან 1743 - 1816 წწ).

როხას პინილია გუსტავო - კოლუმბიის სახელმწიფო და პოლიტიკური მოღვაწე (1900-1975 წწ).

როხას სორილია ფრანსისკო დე - ესპანელი დრამატურგი (1606-1648 წწ).

როხი

  1. მსხვილად დაფქული მარცვალი.

  2. (გადატანით) მსხვილი, უსწორმასწორო.

  3. სოფელი ბაღდათის მუნიციპალიტეტში. სოფლის საკრებულოს ცენტრი. მდებარეობს მდინარე კორისწყლის (რიონის მარცხენა შენაკადი) მარჯვენა მხარეს. ზღვის დონიდან 80 მეტრი, ბაღდათიდან 12 კილომეტრი. 2002 წლის მონაცემებით სოფელში ცხოვრობს 2162 კაცი.

როხროხი - უშნო, ბოხი ხმით ლაპარაკი, ხმაური.

როჯერ II - სიცილიის სამეფოს პირველი მეფე (დაახლოებით 1095-1154 წწ).

როჯერზი კარლ - ამერიკელი ფსიქოლოგი (1902-1990 წწ).

როჯერზი სემიუელ - ინგლისელი პოეტი (1763-1855 წწ).

როჯერზი ჯეიმზ ედუინ თოროლდ - ინგლისელი ისტორიკოსი და ეკონომისტი (1823-1890 წწ).

როჯერზი ჯინჯერ - ამერიკელი მსახიობი ქალი (1911-1995 წწ).

როჯერზი ჯონ - ამერიკელი გეოლოგი (1914-1995 წწ).

როჯერზის ბექი - იხილე დიდი ბექი.

როჯერსი ერნესტო ნათან - იტალიელი არქიტექტორი (1909-1990) იხილე ბ პ რ.

როჯერ უენდოვერელი - ინგლისელი მემატიანე (გარდაიცვალა 1236 წელს).

როჰაჩ დუბელი იან - ჰუსიტური რევოლუციის მოძრაობის მოღვაწე (გარდაიცვალა 1437 წელს).