ბარტონელოზი

საკმაოდ იშვიათი ინფექციაა, რომლის გამომწვევია Bartonella bacilliformis. გვარი აერთიანებს უჯრედშიდა, გრამ-უარყოფით, ფაკულტატურ-აერობულ ბაქტერიებს (Bartonella bacilliformis, B. henselae, B. quintana), რომელნიც თავისი ზრდისათვის საჭიროებენ ერითროციტების დაშლის პროდუქტებს. ბარტონელების ძირითადი სამიზნეუჯრედებია ერითროციტები და ენდოთელური უჯრედები. ენდემურია სამხრეთ ამერიკის ზოგიერთი ქვეყნისათვის (პერუ, ჩილე, ეკვადორი, ბოლივია, კოლუმბია). ინფექციის რეზერვუარია ავადმყოფი ადამიანი, სავარაუდოდ, ზოგიერთი ძუძუმწოვარი. გადამტანია ენდემური მოსკიტი Phlebotomus verrucarum. ბარტონელოზებიდან ყველაზე უფრო მძიმე კლინიკური მიმდინარეობა ახასიათებს ოროიას ცხელებას და კარიონის ავადმყოფობას.