ორთომიქსოვირუსები

(ბერძნ. orthos სწორი, ჭეშმარიტი, myxa ლორწო, ლათ. virus შხამი) - ამ ოჯახს მიეკუთვნება A, B და C ტიპის გრიპის ვირუსები, რომელთაც გააჩნიათ ტროპიზმი მუცინისადმი (იხ.). გრიპის A ვირუსი გამოყოფილ იქნა 1933 წელს. ვირიონის ფორმა სფერულია, ახასიათებს არასწორი კონფიგურაცია. ნუკლეოიდი შეიცავს ერთჯაჭვიან, ფრაგმენტირებულ რნმ-ს. აქვს სპირალური სიმეტრიის ნუკლეოკაფსიდი. ჰემაგლუტინინი და ნეირამინიდაზა ლოკალიზებულია ვირუსის სხვადასხვა კბილანისმაგვარ გამონაზარდებში. ვირუსი სწრაფად იღუპება 560 C -ზე, UV-სხივებით, დეზინფექტანტების და დეტერგენტების ზემოქმედებით. ინარჩუნებს ცხოველქმედებას დაბალ ტემპერატურებზე (-700 C).