E. periosteumRus. периост (надкостница)L. periosteum (ბერძნ. peri ირგვლივ, osteon ძვალი) - ქართულად: ძვლისაზრდელა. ძვლის გარეთა მფარავი მოთეთრო ფერის გარსია. შედგება გარეთა ფიბროზული და შიგნითა ოსტეოგენური შრეებისაგან. ფიბროზული შრე ძალზე მკვრივია და შეიცავს სისხლძარღვების და ლიმფური სადინრების დიდ რაოდენობას, აგრეთვე ნერვებს. ოსტეოგენური შრე შეიცავს ოსტეობლასტების დიდ რაოდენობას და მონაწილეობს ახალგაზრდა ძვლის ქსოვილის წარმოქმნაში. ძვლისაზრდელას მეშვეობით ძვალს ემაგრება კუნთები, მყესები და იოგები.
Source: გოგიჩაძე, გ. სამედიცინო ტერმინოლოგიის ქართულ-ინგლისურ-რუსულ-ლათინური განმარტებითი ლექსიკონი / გ. გოგიჩაძე, ა. გედენიძე, ჯ. ჭუმბურიძე ; [რედ.: ნოდარ ჭიჭინაძე, ალექსანდრე ქორელი]. - თბ. : მერიდიანი, 2009. - 496გვ. ; 20სმ.. - ბიბლიოგრ.: გვ. 394-395. - ISBN: 978-9941-10-174-8[MFN: 138888]