Etym. ლათ. infula „სახვევი“ ძველად ასე ეწოდებოდა თეთრი ან წითელი შალის სახვევს, რომელსაც თავზე იკრავდნენ დიადემის მსგავსად, მისი ბოლოები კი ორივე მხარეს იყო ჩამოკიდული. წარმოადგენდა დაურღვევლობის სიმბოლოს, უმთავრესად კი სამღვდელმსახურებო ღირსებას აღნიშნავდა. ამიტომაც მღვდელმსახურები და ქურუმი ქალები მას საზეიმო ცერემონიების დროს ატარებდნენ. დღეს ასე ეწოდება თითოეულს ორი ზოლიდან, რომლებიც ეპისკოპოსის მიტრას უკანა მხარეს აქვს ჩამოკიდებული.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4