ლმობიერება

ლათინურ ცნება – „pietas“ – რამდენიმე მნიშვნელობას ატარებს:
ა) გულისხმისყოფა, გულისხმიერება – აღნიშნავს ერთ-ერთს სული წმიდის შვიდ ნიჭთაგან;
ბ) თანალმობა – ზნეობრივი სათნოება, რომელიც ადამიანს ღმრთისა და მოყვასის წინაშე მის მოვალეობათა აღსრულებისკენ უძღვება და პატივისცემის, გულმოწყალებისა და თანაგანცდის გრძნობებით საზრდოობს;
გ) ღმრთისმოსაობა – აღნიშნავს ყველა იმ ფორმასა და აქტივობას, რომლებიც ეკლესიის ლიტურგიული ცხოვრების გაგრძელებას წარმოადგენს. ასეთებია, მაგალითად:
ინდივიდუალური ლოცვა,
სავარდე,
მომლოცველობა,
ჯვრის გზა,
რელიკვიათა თაყვანისცემა,
რელიგიური ცეკვები, რომლებიც ხალხური ღმრთისმოსაობის გამოხატულებად მიიჩნევა (შდრ. CCC, 1674-1676);
დ) „პიეტა“ – ფიგურულ ხელოვნებაში ტერმინი აღნიშნავს ნებისმიერ ნაწარმოებს, რომელიც გამოსახავს მარიამის კალთაზე დასვენებულ მკვდარ ქრისტეს (მათ შორის ყველაზე ცნობილია მიქელანჯელოს „პიეტა“).