It. Tribunali ecclesiastici ორგანოები, რომელთა მეშვეობითაც საეპისკოპოსო კოლეგია, ყოველთვის მხოლოდ რომის პაპთან ერთად, აღასრულებს ეკლესიაში სასამართლო ძალაუფლებას ინდივიდუალურ თუ საზოგადო უფლებათა დაცვის საკითხთან დაკავშირებით. ეკლესიის სასამართლო ძალაუფლება შეეხება:
ა) სასულიერო (სარწმუნოება, ზნეობა, საიდუმლონი, აღთქმები) ან მათთან დაკავშირებულ (საეკლესიო ქონება) საკითხებზე წარმოქმნილ დავას;
ბ) საეკლესიო კანონების დარღვევასთან დაკავშირებულ სადავო საკითხებს;
გ) ადმინისტრაციული ძალაუფლების აქტებიდან გამომდინარე დავებს (CIC, კან. 1400-1401).
კომპეტენციის თვალსაზრისით, საეკლესიო ტრიბუნალები დაიყოფა: პირველი ინსტანციის (სადიოცეზო ტრიბუნალი, ეპისკოპოსის მიერ დანიშნული სასამართლოს ვიკარიუსის ხელმძღვანელობით), მეორე ინსტანციის (სადაც პირველი ინსტანციის ტრიბუნალთა მიერ გამოტანილი განაჩენები გასაჩივრდება; ასეთი ტრიბუნალი შეიძლება იყოს, მაგალითად, სამიტროპოლიტო), მესამე ინსტანციის ტრიბუნალებად.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4