ა) სასამართლო სექცია, რომელიც რიგითი ძალაუფლებით სარგებლობს და განსჯის: – განაჩენის ბათილობის საჩივრებს, restitutio in integrum-ის მოთხოვნის შემთხვევებს, საღმრთო ტრიბუნალის მიერ გამოტანილი განაჩენთა წინააღმდეგ შეტანილ სარჩელებს; – სარჩელებს პირად სტატუსზე აღძრულ საქმეებთან დაკავშირებით, რომელთა ხელახალ განხილვაზე საღმრთო ტრიბუნალმა უარი განაცხადა; – საღმრთო ტრიბუნალის მსმენელებთან მიმართებაში საეჭვო გამონაკლისების და სხვა საქმეებთან დაკავშირებით მათ მიერ მოვალეობის შესრულების დროს შედგენილი აქტების გამო; – ტრიბუნალთაშორის კომპეტენციის საკითხებს, რომლებიც არ არის დამოკიდებული იმავე სააპელაციო ინსტანციაზე (CIC, კან. 1445, ნაწ. 1);
ბ) ადმინისტრაციული სექციის კომპეტენციაში შედის: დადგენილ ოცდაათდღიან ვადაში წარდგენილი სარჩელები, როგორც უშუალოდ რომის კურიის ორგანოთა, ისე მათ მიერ მოწონებული სხვა საეკლესიო ორგანოთა მიერ გაცემულ აქტთა წინააღმდეგ, თუ მათ დაარღვიეს რამე კანონი განჩინების ან პროცედურულ ნაწილში; ლეგიტიმურობის დადგენის გარდა, მოსარჩლის მოთხოვნის შემთხვევაში, ტრიბუნალი უფლებამოსილია იმსჯელოს, ამასთანავე, არალეგიტიმური აქტით მიყენებული ზარალის ანაზღაურების საკითხზეც; – ადმინისტრაციული დავები, გადაცემული მისთვის რომის პაპის ან რომის კურიის ორგანოთა მიერ; – კონფლიქტები უწყებათაშორისი კომპეტენციის საკითხებზე (CIC, კან. 1445, ნაწ. 2). სხვა კომპეტენციებს ადგენს კანონიკური სამართლის კოდექსი (CIC, კან. 1445, ნაწ. 3,20-30).
to main page | Top 10 • Feedback • Login | top of page |
© 2008 David A. Mchedlishvili | XHTML | CSS | Powered by Glossword 1.8.9 |