Etym. ბერძ. მრავლობითი რიცხვის ფორმა lóghia, მხოლობითის – lóghion ასე ეწოდება სახარებებში, განსაკუთრებით – ლუკასა და მათესთან, ხშირად სხვადასხვა კონტექსტში, ერთად თუ დაცალკევებული სახით მოცემულ მოკლე გამონათქვამებს. შესაძლოა, პარალელურ ტექსტებში ლუკა და მათე მიმართავენ ერთსა და იმავე წყარო Q-ს (გერმ. Quelle, „წყარო“). იესოს ეკუთვნის, აგრეთვე, გამონათქვამები (აგრაფა,„დაუწერელი სიტყვები“), რომლებსაც სახარებათა ტექსტი არ შეიცავს (შდრ. იოან. 20:30; 21:25), მაგრამ გადმოგვცემენ ახალი აღთქმის სხვა ნაწერები (შდრ. საქმ. 20:35), აპოკრიფები ან ძველი საეკლესიო ავტორები.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4