It. VerginitàL. verginitas აღნიშნავს არჩევანს ადამიანებისა, რომლებიც უბიწოებას ინარჩუნებენ და უარს აცხადებენ ყოველგვარ სექსუალურ სიამოვნებაზე. ახალ აღთქმაში უბიწოება მოიხსენიება განსაკუთრებულ მადლად, მთლიანად უფლისა და მისი სასუფევლისადმი თავის მიძღვნის ნიშნად (მათ. 19:12; 25:1.6; ლუკ. 20:35). კათოლიკე ეკლესიის კატეხიზმოს თანახმად, უბიწოება არის „ძლიერი ნიშანი ქრისტესთან კავშირის უპირატესობისა, მისი დაბრუნების მხურვალე მოლოდინისა, ნიშანი, რომელიც გვახსენებს, რომ ქორწინება ამქვეყნიური, წარმავალი სამყაროს რეალობაა“ (CCC, 1619).
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4