Etym. ლათ. superioir (შედარებითი ხარისხი არსებითი სახელისა superus) „რომელიც ზემოთაა“ აღნიშნავს როგორც მამაკაცთა, ისე ქალთა სამოწესეო საზოგადოების ხელმძღვანელს. „უფროსი წინამძღვარნი ეწოდება მათ, ვინც მართავს მთელ ინსტიტუტს, მის რომელიმე პროვინციას ან პროვინციასთან გათანაბრებულ ინსტიტუტის ნაწილს, ან sui iuris სახლს და მათ შესატყვის ვიკარიუსებს. ამასთანავე, მათ რიცხვს ემატება აბატი პრიმასი და სამონასტრო კონგრეგაციის წინამძღვარი. თუმცა ამ უკანასკნელთ მაინც არა აქვთ სრული ძალაუფლება, რომელსაც საყოველთაო სამართალი უფროს წინამძღვრებს ანიჭებს“ (CIC, კან. 620). მთელი სამოწესეო ორდენის წინამძღვარს გენერალური წინამძღვარი ეწოდება.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4