წმიდა პეტრეს გროში

წმიდა პეტრეს გროში (ეწოდებოდა denarius an census sancti Petri) მორწმუნეთა ნებაყოფლობითი შეწევნაა რომის პაპის – წმიდა პეტრეს მემკვიდრისადმი, რათა პაპს კათოლიკე ეკლესიის საჭიროებებზე ზრუნვის საშუალება მიეცეს. შუა საუკუნეებში ის წარმოადგენდა ყოველწლიურ გადასახადს წმიდა საყდრის სასარგებლოდ მისი მფარველობის ქვეშ მყოფი ცალკეული სახელმწიფოების მხრიდან (მაგ. ინგლისი, პორტუგალია, ესპანეთი და სხვ.). დღევანდელი ფორმით წმიდა პეტრეს გროში, რომელიც უმთავრესად 29 ივნისს გროვდება მსოფლიოს ყველა დიოცეზში, 1859 წელს, პარიზში დამკვიდრდა თავად მონტალემბერის ინიციატივით შექმნილი denier de saint Pierre კათოლიკური კომიტეტის მეშვეობით და იქიდან გავრცელდა ჯერ ტურინსა და ვენაში, შემდეგ ევროპისა და ამერიკის ყველა ქვეყანაში და იმ ქვეყნებში, სადაც მისიონერული მოღვაწეობა ხორციელდება.