ჯვარი

წამების იარაღი, რომელსაც ძველად სხვადასხვა ხალხები იყენებდნენ, უმთავრესად რომაელები. იქცა ქრისტიანობის უმთავრეს სიმბოლოდ, რადგანაც მასზე იესო ქრისტე მოკვდა. პირველმა ქრისტიანებმა იესოს ჯვარზე სიკვდილი უზენაეს მხსნელ მოვლენად აღიქვეს. ჯვართამაღლების დღესასწაული (14 სექტემბერი) უკვდავყოფს იესოს ჯვარზე სიკვდილის მხსნელ ქმედებას, რომელსაც თითოეული ქრისტიანი ეზიარება, ამასთანავე, უბრალოდ პირჯვრის გადაწერის მეშვეობითაც. ქრისტიანობის დასაბამიდანვე ჯვარი თაყვანისცემის საგანი იყო. ის გამარჯვების სიმბოლოდ იქცა, როდესაც კონსტანტინეს შემდეგ ძვირფასი ქვებით მორთული იქნა წარმოდგენილი. ჯვარცმის პირველი გამოსახულებები V საუკუნეს განეკუთვნება, დაახლოებით X საუკუნემდე დასავლეთში მათზე შემოსილ ქრისტეს გამოსახავდნენ. არსებობს საპროცესიო ჯვარი, საკურთხევლის ჯვარი, სამწყსო ჯვარი, რომელსაც პაპი, კარდინალები, ეპისკოპოსები და აბატები იყენებენ. დიდ პარასკევს ეკლესია პატივს მიაგებს საზეიმოდ გამობრძანებულ წმიდა ჯვარს.