ჯოჯოხეთი

ადამიანის მიერ ღმრთის საბოლოოდ დაკარგვის მდგომარეობა, როდესაც, თავისი თავისუფლების ბოროტად გამოყენების შედეგად, იგი შეგნებულად უარყოფს ღმერთს და თავად გარიყავს საკუთარ თავს ღმერთთან და ნეტარებთან თანაზიარებიდან. იესო ხშირად ახსენებს „გეენას“ და „უშრეტ ცეცხლს“ (შდრ. მათ. 5:22,.29; 13:42.50; მარკ. 9:43-48) და მკაცრად აცხადებს განაჩენის გამოტანის შესახებ: „წადით ჩემგან, წყეულნო, საუკუნო ცეცხლში!“ (მათ. 25:41). ეკლესია ამტკიცებს ჯოჯოხეთის არსებობას და მის მარადიულობას, თუმცა, აგრეთვე, ასწავლის, რომ ღმერთი არავის განუსაზღვრავს წინასწარ ჯოჯოხეთში მოხვედრას: ესაა შედეგი ღმერთთან ნებაყოფლობითი მტრული დამოკიდებულებისა, რომელშიც ადამიანი სიცოცხლის ბოლომდე რჩება (შდრ. CCC, 1033-1037).