Synonym: ოხვრა, ახი, ამოხვნეშა, ხვნეშა, უში, სულთქმა, ვიში, ვიშვიში, კვნესა, ამოკვნესა, კვნესის აღმოხდენა (კვნესა აღმოხდა), კმინვა (ლომის კვნესა), კრუსუნი, ვაება, კრუხუნი, კუტკუტი, ვაგლახი, ვახვახი, გმინვა.
მას ვუჭვრიტეთ დიდი ხანი,
წამოვედით სულთქმით, ახით,
შეყრა გვიჩნდის სიხარულად,
გაყრა დიდად ვივაგლახით. (შოთა)
ოხრავს და გმინავს ხამუშად,
გაჰშავებია ბედია. (რ. ერისთავი)
ზოგი ჩუმადა ვიშვიშებს,
ზოგიცა ჩუმად სტირისა. (ვაჟა)
მიწა დაოსდა, ჰგმინავს და ოხრავს. (მარიჯანი)
იმ დღეს ერთი გამაცხელა და... შევქენ კვნესა და ვახვახი. (ნ. ლომოური)
Source: ნეიმანი, ალექსანდრე. ქართულ სინონიმთა ლექსიკონი. - მე-3 გამოც. - თბ.: განათლება, 1978. - 559გვ.