გამხდარი

Synonym: გამხდარ-გამხდარი, მჭლე, დამჭლევებული, ჭანი, ჭნავი, გალეული, გაძვალტყავებული, გაწლობილი, დაწლობილი, ჩხირივით ხმელი, ხორცდაცვინული, ხორცდაყრილი, დაწვრილებული, კაკაროტი, კნაჭა, გაკნაჭული, გამხვრჭვალი, მლივი, ნალევი, მლევანა, დალეული, კაფანდარა, კანტი, ლუძი, ჯანდაგი, ჯანგაცლილი, ჩამომჭკნარი, ჩამომხმარი, ჩამომდნარი, წელაღვერა, ჩაჩანაკი, ძაბუნი, გადამღრძვალი, გაკანჭული, თხელ-თხელი, ცხვირში სინათლე გასდის, გამხმარი, გამდნარი, კატასავით მიკნავებული, ყბა ყბაში გაყრილი, ფერდი ფერდზე გაკრული, ლაკარტანა, ლართხა, გამოფერდილი, გვერდებჩაცვინული, ხმელ-ხმელი, ჩამოფხავებული, პირხმელი (ნიადაგი), მწირი, წეფხი, გამოფიტული, (ხორცი) ლაპრი (ამ ლაპრი ხორცისაგან წვენი ვერ გაკეთდება), აწოწილი (მაღალი და გამხდარი ადამიანი), გაწლიკული (უშნოდ გამხდარი მაღალი ადამიანი), ალხი („ნაზამთრი მჭლე საქონელი“ – საბა).

კალმად გიკვეთ გაწლობილსა
ტანსა ჩემსა ვითა თმასა. (შოთა)

ტარანტასიდან გადმოხტა მაღალი, უშნოდ აწოწილი და ძალზედ გამხდარი კაცი. (ა. ყაზბეგი)

განიერი კაბა მთლად გაჰკროდა გამხდარს და გაკნაჭულ ტანს. (ა.ყაზბეგი)

არა! რა ნახა იმ გაწლიკულ ქალში?! (ა. ყაზბეგი)

პატარა ტანად გამხვრჭვალი,
თავს ქუდათ ჩაჩი ხურია. (ა. ყაზბეგი)