საფასო დისკრიმინაცია

როდესაც განსხვავებული რასისა და სქესის ადამიანები იძულებულები არიან, განსხვავებული ფასი გადაიხადონ ერთსა და იმავე საქონელში ან მომსახურებაში, და ეს განსხვავებები არ არის მომხმარებლების მომსახურების განსხვავებული ღირებულების შედეგი, მაშინ შეგვიძლია ვისაუბროთ საფასო დისკრიმინაციაზე. ამ სახის დისკრიმინაციის კლასიკური მაგალითი გამოვლინდა ჩიკაგოში, XX საუკუნის 90-იან წლებში, ავტომანქანების გაყიდვების სასწავლო ექსპერიმენტის ჩატარების დროს. ექსპერიმენტში 90 ახალი ავტომანქანის გაყიდვების სააგენტო და 200 „მომხმარებელი“ მონაწილეობდა, რომლებსაც ასწავლეს, შემოთავაზებულ ფასებში ევაჭრათ განსხვავებების მინიმიზირებით. ამით გამოირიცხა განსხვავებები მომხმარებელთა უნარში, წარემართათ მოლაპარაკებები. მომხმარებლებს გარიგება უნდა მოეხდინათ ზუსტად ერთი და იმავე მოდელის, მოწყობილობების და ფერის ავტომანქანებზე. ექსპერიმენტის შედეგი განსაცვიფრებელია: თუ ყველაზე იაფად ავტომანქანა თეთრკანიან მამაკაცს შესთავაზეს, თეთრკანიან ქალს დამატებით $150, შავკანიან მამაკაცს - დამატებით $425, ხოლო ყველაზე ღარიბ შავკანიან ოჯახს - დამატებით $950 მოსთხოვეს!