სტიგმა

ფიზიკური ან სოციალური თვისება, ნიშანი, რომელიც ახდენს აქტორის ან ჯგუფის სოციალური იდენტობის დევალვაციას და დისკრედიტაციას. ს.შეიძლება იყო სხეულებრივი ნიშანი (მაგ., ფიზიკური სიმახინჯე), ანდა, ისეთი სოციალური მახასიათებლები, როგორიცაა ინდივიდის კრიმინალური რეპუტაცია ან ჯგუფის მიკუთვნება განსაზღვრული რასისადმი (მაგ., შავკანიანთა რასისადმი). შესაძალოა ს. იყოს ხილული (აშკარა დისკრედიტაცია) ან ფარული (პოტენციურად დისკრედიტებული). ფარული ს. უფრო მეტად იძლევა შესაძლებლობას, რომ ინდივიდმა მართოს საკუთარი თავი და ადაპტირებდეს გარემოსთან. თუმცა, როგორც აშკარა, ისე პოტენციური დისკრედიტაციის შემთხვევაში აქტორის პრობლემა ისაა, რომ მოძებნოს ადეკვატური საშუალებები, რათა არა მხოლოდ შეამციროს თავისი მდგომარეობის მავნე შედეგები, არამედ სასარგებლოდაც კი აქციოს იგი.