კუდი

კუდად ითქმის, რომელთა ბალანი მოკლე ესხნეს. ვითარცა კამბეშთა, გარე–თხათა და მისთანათა, გინა მწავთა, მგელთა, მელთა, ლომთა, ძაღლთა და მისთანათანი, რომელიმე სრულიად უბალნო, ვითარ გველთა, ხვლიკთა, კორკოდილოთა, ტრიგონთა და მისთანათანი. ხოლო რომელთა კუდნი ფრთოანი აქვს, ვითარ ფრინველთა, და ფარფლოსანი, ვითარ თევზთა, არა ითქმის კუდად, არამედ ბ ო ლ ო დ; რომელთა კუდნი გრძელ–თმოანი აქვს, ვითარ ცხენთა, ჯორთა და მისთანათა, ეწოდება ძ უ ა; ხოლო სხვათა კუდმოკლეთა, ვითარ ირემთა, შინა–თხათა, დათვთა, ეგევითართა ეწოდება პ ო ჩ ი; ხოლო კუდ–ბრტყელთა, ვითარ ცხოვართა, თაჴვთა, ნასნასთა, ასთაკვთა და ეგევითართა,– დ უ მ ა B. კუდად იგი ითქმის, რომელთა ბალანი მოკლე ესხნეს, ვითარცა კანბეშთა (კამბეშთა Cq) და გარე–თხათა და მისთანათა, გინა მწავთა, მელ(ა)თა, მგელთა, ლომთა და მისთანათა, რომელთამე სრულიად უბალნო, ვითარ გველთა, ხვლივთა, თაგვთა, ტრიგონთა, კორკოდილოთა და ეგევითართა. ხოლო რომელთა კუდნი ფრთოან აქვს, ვითარ–იგი თევზთა და (მ)ფრინველთა, არა ითქმის კუდად, არამედ, ბ ო ლ ო დ; რომელთა კუდნი მრავალ და გრძელ–თმოანი აქვნ, ვითარ ცხენთა და ჯორთა და ვირთა, იგი არს ძ უ ა; ხოლო – სხვათა კუდნი მოკლენი, ვითარ ირემთა და თხათა, (+ და Cb) დათვთა და ეგევითართა, ეწოდებიან პ ო ჩ ი; ხოლო კუდბრტყელთა, ვითარ ცხოვართა და თაჴვთა და ასთაკვთა და ეგევითართა, ეწოდების დ უ მ ა C. კ უ დ ა დ იგი ითქმის, რომელთა ბალანი მცირე ესხნეს ანუ სრულიად უბალნო იყოს, ვითარცა გველთა და ხვლივთა, გინა ლომთა და მელთა და ეგევითართა; ხოლო რომელთა კუდთა ფრთენი აქვნდეს, არა კუდი, არამედ ბ ო ლ ო ეწოდების ვითარცა თევზთა და ფრინველთა; და რომელთა კუდთა თმათა მსგავსნი ესხნეს, ძუად ითქმის, ვითარცა ცხენთა და ჯორთა და ეგევითართანი; ხოლო კუდთა ბრტყელთა დ უ მ ა ეწოდების – ცხოვართა, მთახვთა და ეგევითართა D. განუმარტავია E¹.