მილიონი

მილი და მილიონი ორივე ლათინურია. მილი არს ათასი ბიჯი, რომ ფერჴი მეორედ გარდაინაცვლო, რომ ხუთი ტერფი გამოვიდეს; და სხვა წიგნში ორი წყრთა ეწერა ხუთი ტერფის ნაცვლად, ხოლო მილიონი არს ბევრის–ბევრი. ქართულში მილი და მილიონი არ გაურჩევიათ B. მილი და მილიონი ორივ ლათინურია: მილი ეწოდების ათას ბიჯსა. ფერჴი რომ ორჯელ გარდა(ს)დგას, ორი გარდადგმა ხუთი ტერფი გამოვიდეს. სხვას წიგნში ორი წყრთა ეწერა ხუთის ტერფის ნაცვლად. ხოლო მილიონი არს ბევრის–ბევრი. ერთს წიგნში ვნახე, მილიონი ორი ათასი წყრთა არისო. სადაც ქართულში მილიონი სწერია, მილის სანაცლოდ მილიონი დაუწერიათ (+ რომელსა თურქნი აღაჯს უწოდენ, ხოლო ქართველნი ეჯსა Caq) C. ერთი მილიონი ჩ ბიჯია, ფეჴი ორად რომ გარდასდგა, რომ ის ორი გარდადგმა ხუთი ტერფი გამოვიდეს. სხვას წიგნში ორი წყრთა ეწერა ხუთის ტერფის ნაცვლად. ფრანგნი და ბერძენნი ამ საზომს მილს უწოდენ და მილიონს ერთს ბევრს უწოდენ, მაგრამ ქართულად მილიონი ჰქვია, ისინი რომ მილს უწოდენ. სხვაგან ეწერა, ერთი მილიონი ც წყრთა არისო. ^[ასი ეჯი ექვსასი მილიონი არის. აქიდამ ტარტაროზამდი ჯოჯოხეთის სიღრმე ექვსი–ათასჯერ ათასი მილიონი არის და ოთხმოცდათხუთმეტი ეჯი. ერთი ეჯი ექვსი მილიონი არის. ტარტაროზია ყინვას ქვიან და გეენია– ცეცხლს^] D. ერთი მილიონი ათასი ბიჯია. ორად რომ გარდადგას, რომ ერთი ბიჯი ხუთი ფერჴი გამოვიდეს და 2 წყრთა გინა... ერთს წიგნში 2 წყრთა ეწერა E.