მწარე

(+ 15, 23 ZAa) არს გემო პირის დამწველი. მწარედ ითქმის სამწუხარო სიტყვა გოდებათა და ცრემლნი, გინა ბოროტ მოუბარი ენა, ანუ გვემა და ტანჯვა სასტიკი. უფროსად მწარე არიან უნანელთა სიკვდილი და ჯოჯოხეთი. ხოლო მწარე გემონიცა ესრეთ განიყოფ(ებ)იან: რამეთუ მწარე არს ნაღველი, აბზინდა, ძირმწარე და მისთანანი; მომწარო არს მცირედ რამე გემო სიმწარისა ჰქონდეს; მწალტე არს სიმჟავესა ანუ მოტკბოსა მცირე რამე სიმწარე ჰქონდეს უგემურად, ვითარცა მჭნავსა და ძაჴველსა და მისთანათა; მწვავე არს მწარე გემოს მქონებელი, ვითარცა (+ ნეხოა Aa), კასია, კოჭი, ყარამფილი და მისთანა(ნი); კოლომანი არს (+ მწარე, ვითარცა Z) ხახვი, ნიორი და მისთანანი (+ 5, 20 ესაია Aa) ZA.

მწარე ეწოდების გემოსა პირის დამწველსა; მწარედ ითქმის სამწუხარო სიტყვა, გოდება და ცრემლნი, გინა ბოროტ მოუბარი ენა, ანუ გვემა და ტანჯვანი სასტიკნი: უფროსად მწარე არიან უნანელი სიკვდილი და ჯოჯოხეთი; ხოლო მწარენიცა ესრეთ განიყოფიან: მომწარო, მწალტე და მწვავე. მომწარო არს მცირედი რამე სიმწარე ჰქონდეს; მწალტე არს, რომელ რა სიმწარე და სიმჟავე ერთბამად ჰქონდეს უგემურად, ვითარცა მჭნავსა, ჯღარდლათა და მისთანათა; მწვავე არს მწარე გემოიანი, ვითარცა კასია, კოჭი, ყარამფილი, პილპილი და მისთანანი, ხახვი, ნიორი და მისთანანი B. განუმარტავია CDE.