საბრჴე

მახე–ჴუნდი. მახე ზოგადი სახელი არს ყოველთა მახეთა. ხოლო მახენიცა განიყოფებიან ესრეთ: რამეთუ ს ა ბ რ ჴ ე არს მახე–ჴუნდი, რომელ შემზადებენ რკინათა მიერ ანუ ხეთა მიერ და დაჰფლვენ მარჯვეთა ადგილთა ირემთა, (+ და Cq) დათვთა და დიდთა ნადირთათვის; ი ს ხ ე რ ტ ი არს მახე შემზადებული ხეთაგან მჴეცთათვის თავს–დასაცემელი; ი რ ე ჭ ი არს მახე ხითა და თოკით(ა) შემზადებული ფერჴთ(ა) შესაპყრობელი, (შემპყრობელი D), რათა მაღლა შეჰკიდოს ნადირი; ს ა ი ფ ე ჴ ი ო არს მახე თოკ(ი)თა და ხითვე შემზადებული დაბლა შემპყრობელი ფერჴ(ი)თა მელ(ა)თა და ეგევითართა; ი ლ ი ნ ჭ ა (+ არს მახე მსგავსი გალიისა; ა კ ა ნ ა თ ი Cb) არს მახე ძუითა და ხით(ა) შემზადებული სირთა და ჩიტთა(თვის); პ ო ტ ი კ ო არს მახე კაკაბთა და ჴოჴობთანი; გ ა წ ა რ ი არს მახე გრძ(ე)ლად დარწყმული მწყერთა და მისთანათათვის; ფ ა ც ე რ კ ო დ ი არს მახე გრკლითა და მშვილდით(ა) შემზადებული ტრედთა, ქედანთა და მისთანათათვის; გ უ ლ ყ ო არს მახე ხაშარზე მკედით შემზადებული ქორის(ა)თვის (ქორის D) ყელს გარდასაცმელად; დ ა ს ა კ ა ვ ი არს (+ მახე C) ბაწრით მორთული (მოურთვენ D) ქორთა და მისთანათა, რა (რათა Caq) ნანადირევი გააშვებინონ, (+ მუნვე დაუგონ Cb) და მით შეიპყრობენ; ს ა რ ე გ ვ ა ვ ი არს სხვადასხვა რიგი მახე, რომელიმე დიდი(ს) ქვითა მჴეცთათვის თავს დასაცემ(ელ)ი, რომელ(ნ)იმე მცირენი თაგვთა და მისთანათათვის (+ და C) სხვანი მახენიცა CD¹. მახე–ჴუნდი E.