სახლი

სახლი ზოგადი სახელი არს ყოველთა, არამედ ყოველთა სხვადასხვა რიგთა სხვადასხვა სახელი სძეს. სახელი არს საფუძველი, მაყენებელი წვიმათა და სიცხეთაჲ ქვათაგან და ძელთა B: სახლი ზოგადი სახელი არს ყოველთა სახლთა, ხოლო ესრეთ განიყოფებიან სახლნი, რამეთუ: ს ა ხ ლ ა კ ი ეწოდების მცირესა რასმე სახლთაგანსა; ხოლო ს ა წ ო ლ ი – სახლს განსასვენებელსა საძილად, გინა ცხედარსა; კ ა ს რ ი არს მომცრო სახლი სამეფო თავის–წინ საჯდომელი, ხოლო კ ა ს რ ა კ ი – უმცირეს მისსა; დ ა რ ბ ა ზ ი არს სახლი დიდი სამეფო სამყოფი; პ ა ლ ა ტ ი არს სახლი დიდი და ვრცელი სანადიმოდ და შესაკრებელად; ტ ა ძ ა რ ი ეწოდების სახლთა ღ^~თისათა სალოცველთა, კვალად სახლებთა მეფეთათა; ს ე ფ ე ითქმის დიდებულად (დიდებულისად Cb); კ ე ი ტ ო ნ ი არს სახლი (+ სადა დედანი შვილთა შობენ, გინა სახლი სალხინო; ს ი კ რ ი ტ ო ნ ი არს სახლი Cbq) თვისგან საჯდომი არა ერთა მრავალთა; (+ ს ა გ ა მ ზ რ ა ხ ი ო არს სახლი სალაპარაკო Cb); გ ო მ უ რ ი არს სახლი გლეხური ერდოიანი; (+ ჯ ი ხ უ რ ი არს სახლი მოდიდო და კარმრავალი Cab); დ ე ლ ა ქ ა რ ი არს სახლი დიდი უგვანად აღშენებული; ჩ ო დ ო ლ ო (+ არს Cbq) სახლი გლახაკისა მცირე; დ ე რ ე ფ ა ნ ი არს სახლი სამგნით ფარღია, საზაფხულოდ საჯდომი; დ ე ფ ა ნ ი არს უმცირეს დერეფნისა, რომელსა სპარსნი თ ა ლ ა რ თ ა (თალარს Cb) უჴმობენ; ქ ო რ ი არს სახლი სახლთა ზედა დგმული მაღალი (მაღლა Cbq); ჩ ა რ დ ა ხ ი არს სვეტთა ანუ მაღალთა კედელთა წაკიდებული მსგავსად დერეფნისა; ა ი ვ ა ნ ი არს მცირე დერეფანი და კედლით (კეთილ Cbq) ნაგები; ს ე ნ ა კ ი არს (+ სახლი Cbq) მონაზონთა (მონოზონთა Cb, მონოზანთა Cq) მცირე; კ ე ლ ე ნ ი არს სენაკთა უმცირესი და უცუდესი; ს ა რ თ უ ლ ი ეწოდების ზედა კერძოთა სახლისათა, გინა თავის შესაფარებელსა; ტ ა ლ ა ვ ა რ ი არს (+ მცირედი Caq) საჩრდილობელი რამე ნაგები: ქ ო ხ ი არს თივითა, გინა ბელტითა აღშენებული მცირე რამე ჩაბურვილი (ჩადგმული Cb); ფ ა ც ხ ა არს წნელითა და ჩალით(ა) აღშენებული (აგებული Caq) სახლი (+ ლ ა ჭ ყ ო რ ი – სახლი ლერწმითა გინა წკეპლითა დაწნული Cb); ფ ა ნ ჩ ა ტ უ რ ი არს ფოთლითა და ჩალით აღშენებული მსგავსი დერეფნისა; ნ ა ლ ი ა არს სახლი საღომე; ბ ე ღ ო არს სახლი საძნე; ა რ დ გ მ უ ლ ი არს სახლი კალოს პირს ნაგები, რომელსა სომეხნი კ ა რ ა პ ა ნ ს (კალაპანს Cab) უწოდენ; კ ა რ ა ვ ი ეწოდების სახლთა სამგზავროდ ნარმათა და ლართა მიერ შეკერილთა (შეკერულთა Cb), გინა ქოხთა მალიად აგებულთა; ფ ა ლ ა ნ გ ი არს სახლი ნაბდისა სამგზავრო, რომელსა თურქნი (თურქმანი Cbq) იქონებენ; ხ ა რ გ ა არს კარავი თხის ბალნისა; (+ ს ა გ ა ნ გ ი ო არს სახაბაზო, სამზარეულო და მისთანანი Cb); ს ა ჯ ი ნ ი ბ ო არს სახლი ცხენთა და ჯორთა; ბ ო ს ე ლ ი არს სახლი ზროხათა და კამბეშთა; ფ ა რ ე ხ ი არს სახლი ცხოვართა და თხათა; ი შ ე ლ ი არს სახლი ღორთა; ს ტ ო ვ ა არს ქვით კამრებითა შეკრული და გარ(ე)შემო ფარღია; პ ა რ ე ხ ი არს მცირედი რამე კლდეთაგან გამონახეთქი დასავანებ(ე)ლად; ქ ვ ა ბ ი არს გამონაკვეთი კლდეთა მიერ სახლი; (+ ს ა ნ ე შ ტ ე არს სახლი განსავალთა Cb) C. განუმარტავია DE.