(ფრინ.) მამალ–დედლობა ყო(ვ)ელთა სულიერთა ზედა ითქმის, არამედ ფრინველთათვის უფროსად საკუთარ არს: ხოლო ქათმისა მართვესა ეწოდების
წიწილი და მისსა უდიდესსა –
ვარია, უკეთუ ვარია სადედლეა, უწოდენ
წრიაპსა და სამამლესა –
ჩიორასა და დიდსა ჩიორასა –
ყვინჩილსა (+ 26, 74 მათე ZAa) ZA.
(ფრინ.) სახელი დედალ–მამლობისა ყოველთა ცხოველთა ზედა არს, არამედ უფროსად ფრინველთათვის და ქათამთათვისცა იგივე: ხოლო მართვეთა ქათმისათა ეწოდება წიწილი და წიწილის უდიდესსა – ვარია და უკეთუ ვარია სადედლეა, უწოდენ წრიაპსა და სამამლესა უწოდენ ჩიორასა და დიდსა ჩიორასა – ყვინჩილსა B. (ფრინ.) ყოველთა ფრინველთათვის არს სახელი (სახელად D) მამალ–დედლობაჲ და ქათამთათვისცა; არამედ ქათამთა მართვესა (მართვეთა CqD) წიწილი ეწოდების (+ და C) წიწილისა უდიდესსა – ვარია; უკეთუ ვარია სადედლე იყოს, უწოდენ წრიაპსა (+ და C) სამამლესა უწოდენ ჩიორასა, ხოლო (უკეთუ D) უდიდეს(ს)ა (უდიდეს D) მისსა (+ არს D) ყვინჩილ(ა)სა (ყვინჩილი D) უწოდენ (ეწოდება D) CD. (ფრინ.) ყოველთა მფრინველთათვის არს სახელად მამალ–დედლობა და ქათამთათვისცა: არამედ ქათამთა მართვესა ეწოდების წიწილი და წიწილისა უდიდესსა ვარია; უკეთუ ვარია სადედლე იყოს, უწოდენ წრიაპსა და უკეთუ სამამლე იყოს, უწოდენ ჩიორასა; უკეთუ მისგანცა უდიდესი იყოს, ყვინჩილი ეწოდების E.