ხოლო განიყოფების (განიყოფვის CqDE) შიშიცა ექვსად: მცონარებად, კდემულებად, სირცხვილად, განკვირვებად, გა(ნ)ცვიფრებად და უღონოებად. მცონარებაჲ ვიდრემე არს შიში ყოფადისა მოქმედებისა; ხოლო კდემულებაჲ შიში მოლოდებითა ძაგებისაჲთა და კეთილ არს ესე ვნებაჲ; ხოლო სირცხვილი – შიში ბილწებისა რასამე საქმესა ზედა და არცა ესე უსასო არს ცხო(ვ)რებისაგან; და განკვირვებაჲ – შიში დიდისა ოცნებისაგან; ეგრეთვე განცვიფრება – შიში უჩვეველისა საოცრისაგან; ხოლო უღონოება – შიში განვრდომილებისა, რამეთუ შეგვეშინის რაჲ, ჴვებულ ყოფასა უღონოებდითა1. ამას ზეითი იოვანე დამასკელის წიგნში ეწერა. ხოლო ნემესიოს(ის) ფილასოფოსის წიგნში (ფილასოფობაში D) განკვირვების ნაცვლად წყლვა ეწერა და უღონოების ნაცვლად ზრუნვა ესრეთ:2 წყლვა – საკვირველი შიში უჩინოსა საოც(რ)ისაგანო (საოცრებისაგანო Cb), ხოლო ზრუნვა – შიში დაცემისა, ესე იგი არს ვერ მიმთხვევისაჲ, რამეთუ მოშიშარნი ვერ მიმთხვევად საქმისა ვზრუნავთ. (ხოლო C) განეყოფვის კდემა სირცხვილსა: რამეთუ სირცხვილი (სირცხვილეული E) მათთვის, რომელი ქმნა, მძრწოლარე არს, ხოლო მეკდემე მოშიშია შთავარდნად ვინაჲ უპატიო(ე)ბასა, ხოლო უწოდენ მრავალგზის უძველესნი კდემასა სირცხვილად და სირცხვილსა – კდემად. (+ შიში რომლისა მიზეზისაგან იქმნების, ვრცელად ნემესიოსის 18 თავსა შინა იძიე C) CDE.
2აქედან ტექსტი აღებულია ნემესიოს ემესელიდან (გვ. 108, 18).
to main page | Top 10 • Feedback • Login | top of page |
© 2008 David A. Mchedlishvili | XHTML | CSS | Powered by Glossword 1.8.9 |