ცა

ზე აღსახედი (1, 1 დაბად.). ცაჲ არს შემცველი ყოველთა დაბადებულთა და შექმნილთა თვინიერ ანგელოსთა და წმიდათა სულთა; ხოლო ცანი შეცულნი სასუფევლისაგან, სადა არს საყოფელი ანგელოზთა და წმიდათანი. ხოლო მხოლოდ ღ^~თი არს ყოველთა შემცველი და გარეშემოუწერელი და თვით უსაზღრო და მიუწდომელი. ცისასა რომელნიმე ოთხთა კავშირთაგან იტყვიან შემზადებასა, ხოლო რომელნიმე გარეშე ოთხთა კავშირთასა, ქმნილსა შემოქმედისა მიერ. ქვეყანა არს მრგვალი და გარე–შეცული ჰაერთაგან, ხოლო ჰაერი გარე–შეცული ეთერისა მიერ და ეთერი გარე–შეცული ცათაგან და ცანი შეცულნი სასუფეველისაგან. (კიდეზეა ჩამოწერილი: ცა: ჳნელი, ალბასტრო, კიმკიმელი, ჭიმჭიმელი, კოჭიმელი, მელტარო, ცორანო, ჭირანო, იავინთელი, ლარვისტომი, ჭიმაჭიმი, დეკნა) B. ცა(ჲ) არს გარეშემცველი (შემცველი Cb) ყოველთა დაბადებულთაჲ და მხოლოდ ღ^~თი ოდენ არს გარეშეუსაზღვრებელი და ყოველთა აღმავსებელი და ყოველთა გარე–შემცველი. რომელიმე იტყვიან ცისასა ოთხთა ასოთაგან შექმნასა, ხოლო რომელ(ნ)იმე გარეშე ოთხთა ასოთასა, სხვა რამე შექმნული დამბადებელისაგან; (+ ხოლო საღ^~თო ბასილი კვამლის სახედ იტყვის CaqD). (+ ხოლო Cb) ქვეყანა არს მგრგვალი და გარე–შეცული ჰაერისაგან, ხოლო ჰაერი გარე–შეცული ეთერისა მიერ და ეთერი შეცული ცათა მიერ, რომელთა შინა არიან შვიდნი ცთომილნი თ(ვ)ითოსა სარტყელსა ზედ(ა), მერმე – ვარსკვლავნი და სამყარო; (+ და CqD) დასასრულსა ცათასა – სასუფეველი. ვითარცა ქვეყანასა ზედა კერძო არიან ცანი, ეგრეთვე და ყოვლით კიდით (+ და CqD) ქვედა კერძო და იგვრდივ და სლვანი ვარსკვლავთანიცა ეგრეთვე, რომელნი უქვემოესთა ცათა ზედა არიან, უმსწრაფლესად მოვლიან და რომელ(ნ)ი მას ზედეთ (ზედათ Cb, ზეით CqD) უგვიანესად, ვითარცა ახლოს მავალი და შორით მომარ(თ)ებელი. და ურთიერთ(ი)ს(ა) განშორებისა და სიახლისა, განსწორებისა და პირისპირ ჭვირობისა მიერ იქმნებიან (იქმნების CqD) მზისა და მთოვარისა მოკლება(ნი), გინა წვიმა, თოვლი, ქარი, სეტყვა, გინა გვალვა და ნოტიობანი, ყოველივე ვარსკვლავთაგან არს CD.