მეორეული დოკუმენტი, რომელშიც შეკუმშული, სისტემური სახით (თანდართული დასკვნებითა და რეკომენდაციებით) გადმოცემულია პირველად დოკუმენტში განხილული პრობლემისა და მისი განვითარების ძირითადი ტენდენციების ამსახველი მასალები. მიმოხილვას, ჩვეულებრივ, აქვეყნებენ საინფორმაციო გამოცემის სახით. მიმოხილვის სახეებია: ა ნ ა ლ ი ზ უ რ ი მიმოხილვა, რომელიც შეიცავს პირველწყაროს ანალიზსა და შეფასებას, საკვლევ საკითხებზე არსებითი ხასიათის დასკვნებსა და რეკომენდაციებს; ბ ი ბ ლ ი ო გ რ ა ფ ი უ ლ ი მიმოხილვა – ბიბლიოგრაფიული დამხმარე წიგნს, რომელშიც წარმოდგენილია ბეჭდური ნაწარმოების შესახებ დალაგებული თხრობა; რ ე ფ ე რ ა ტ უ ლ ი მიმოხილვა, რომელშიც დახასიათებულია პირველწყაროში განხილული პრობლემები, მათი კრიტიკული შეფასებისა და რეკომენდაციების გარეშე.
Source: საგამომცემლო ლექსიკონი/ავტ.-შემდგ.: ვახტანგ დოხნაძე; [რედ.: მურმან სუხიშვილი ; მხატვ.: ვახტანგ რურუა]. - [მე-2 შესწ. და შევს. გამოც.]. - თბ.: საგამომც. საქმის სასწ. ცენტრი, 2006. - 305გვ.; 20სმ.. - ბიბლიოგრ.: გვ. 301-304. - ISBN: 99928-998-1-6 : [ფ.ა.]
to main page 
top of page