საცხოვრებელ ბინებში არასასურველი ქიმიური, ფიზიკური ან ბიოლოგიური აგენტების (გამაბინძურებლების) შემოტანა, რომელთა წყაროებს წარმოადგენენ იატაკის სინთეტიკური საგებები (პოლიქლორილებული ფილები, ხალიჩები), მერქნის დამუშავების ნარჩენებისაგან დამზადებული ავეჯი, კედლის ან ავეჯის ლაქ-საღებავები, განსაკუთრებით თამბაქოს ბოლი. საძილე ოთახებში შეიძლება დაგროვდეს თვით ადამიანის მიერ გამოყოფილი (400-ზე მეტი) სხვადასხვა ნივთიერება, ან კიდევ ავადობის წარმომქნელი ბიოლოგიური (გრიპის ვირუსები) მიკროორგანიზმები, ალერგიის გამომწვევი მიკროსკოპული ტკიპები. გაბინძურების საწინააღმდეგო ღონისძიებებს მიეკუთვნება: ბინების განიავება, გამაბინძურებელი ნივთიერებების აკუმულაციის უნარის მქონე ოთახის მცენარეთა (ქლოროფიტუმი, ალოე) მოშენება.
Source: გარემოს პრობლემების ტერმინოლოგიური ცნობარი-ლექსიკონი (პროცესები, ცნებები, განმარტებები). ავტორი - მელორ ალფენიძე; რედაქტორები: ბიოლოგიურ მეცნიერებათა დოქტორი, პროფესორი ზაურ ლომთათიძე, გეოგრაფიულ მეცნიერებათა დოქტორი, პროფესორი ზურაბ სეფერთელაძე; რეცენზენტები: გეოგრაფიის აკადემიური დოქტორი, პროფესორი მერაბ გონგაძე ბიოლოგიის აკადემიური დოქტორი, პროფესორი ილია გოროზია. სოხუმის სახელმწიფო უნივერსიტეტი, გეოგრაფიის პროგრამული მიმართულება; თბილისი, 2011.
to main page 
top of page