სამხედრო დაზვერვა

შეიარაღებული ძალების ყველა დონის სარდლობების, შტაბებისა და ცალკეული ნაწილების მიერ ქვეყნებსა და სახელმწიფოთა კოალიციებში არსებული სამხედრო-პოლიტიკური ვითარების, რეალური ან სავარაუდო მოწინააღმდეგის სამხედრო პოტენციალის, მისი შეიარაღებული ძალებისა და სამხედრო-ეკონომიკური მდგომარეობის, მიზნების, საომარი მოქმედებების თეატრის, ბრძოლების ხასიათის შესახებ სადაზვერვო ინფორმაციის მოპოვების მიზნით განხორციელებული საქმიანობა.

სამხედრო დაზვერვა იყოფა:

• მის წინაშე მდგარი ამოცანების მასშტაბების მიხედვით - სტრატეგიულ, ოპერატიულ და ტაქტიკურ დაზვერვად;

• ჯარების სახეობების მიხედვით – სახმელეთო, საჰაერო, საზღვაო და კოსმოსურ დაზვერვად;

• გადასაწყვეტი ამოცანების მიხედვით – აგენტურულ, სპეციალურ, რადიო და რადიოტექნიკურ, საჯარისო, საარტილერიო, საინჟინრო, ქიმიურ, ბიოლოგიურ (ბაქტერიოლოგიურ), ტოპოგრაფიულ, ჰიდროგრაფიულ, ჰიდრომეტეოროლოგიურ, ტექნიკურ, ზურგის (ლოჯისტიკურ) დაზვერვად.

• გამოყენებული დაზვერვის ტექნიკური საშუალებების მიხედვით – რადიოელექტრონულ, ოპტიკურ, ხმოვან, ჰიდროაკუსტიკურ, სეისმოაკუსტიკურ, მაგნიტომეტრულ და სხვა სახის დაზვერვად.