ინფორმაციის სახეობა, რომელშიც მოცემულია სახელმწიფო საიდუმლოების შემცველი მონაცემები თავდაცვის, ეკონომიკის, საგარეო ურთიერთობების, დაზვერვის, სახელმწიფო უსაფრთხოებისა და მართლწესრიგის დაცვის სფეროებში, რომელთა გამჟღავნებას ან დაკარგვას შეუძლია ზიანი მიაყენოს ქვეყნის სუვერენიტეტს, კონსტიტუციურ წყობილებას, პოლიტიკურ და ეკონომიკურ ინტერესებს. ეს ინფორმაცია ექვემდებარება სახელმწიფო დაცვას.
თავისი მნიშვნელობიდან გამომდინარე, სადაზვერვო დაინტერესების ქვეყნის სახელმწიფო საიდუმლოება დაზვერვის მთავარი ინტერესის საგანს წარმოადგენს. შესაბამისად, ამ ქვეყნის ის უწყებები და ორგანიზაციები, სადაც კონცენტრირებულია სახელმწიფო საიდუმლოების შემცველი ინფორმაცია, დოკუმენტები და საგნები, ოპერატიული (აგენტურული) შეღწევის უმნიშვნელოვანესი ობიექტებია.
to main page 
top of page