დაიკიდა

არად ჩააგდო, ყურადღების ღირსად არ ცნო („ფეხებზე დაიკიდა“-ს ჟარგონულად შემოკლებული ვარიანტი). „პუპას მაგრა გაუსწორდა, კახამ დაიკიდა და მე კიდე იზმენებში ვარ, ტო – არა ვგავარ და რანაირად ვარ ევროპელი!“ (მიხო მოსულიშვილი); „თუმცა კანონი აღარ მეხება, / აღარ ვიჩხირავ, აღარ ვიკეთებ, – / რა ჩემ ფეხებად მინდა ფეხები, / თუ ზედ ვერავის ვერ დავიკიდებ?! / კმაყოფილია დედაც, დიდედაც, / მაგრამ მაძალებს სიზმრის ვიდეო: / დაიკიდე და დაიკიდე და, / რაზედაც გინდა, დაიკიდეო“ (ვახტანგ ჯავახაძე).