გარეკა

1. ბევრი ილაპარაკა, იყბედა. „მსახიობის ბარიტონმა რაფიკა შეაჩქვიფა და: გარეკავს ახლაო, გუნება გაუფუჭდა“(ზაურ კალანდია): „...გურამს თამადობის მუზა ეწვია... და სალაპარაკოდ მოემზადა (...). – „მიდი, გარეკე! – დავრთე ნება. გურამმა გარეკა“ (ნოდარ დუმბაძე).
2. გაგიჟდა, გააფრინა. „ყველამ ერთდროულად გავრეკეთ?“, „გარეკე, ეტყობა, სიმთვრალეში“ (ლაშა თაბუკაშვილი).
3. დიდი სიჩქარით წაიყვანა ავტომობილი ან რამე სხვა სატრანსპორტო საშუალება. „ტიგრან ჯუსტინიანმა შავი „ვოლგა“ პირველად მოსწყვიტა ადგილს, – ხუმრობა საქმე ხომ არ იყო, ტო, „ორთაჭალაში გარეკეო!“, ხაზეინმა უთხრა“ (მიხო მოსულიშვილი).
   Source: ქართული ჟარგონის ლექსიკონი, მესამე შევსებული გამოცემა; ავტ. ლევან ბრეგაძე; რედ: ანა ჭაბაშვილი და სხვ.; შპს "ბაკურ სულაკაურის გამომცემლობა"; მისამართი: აღმაშენებლის 150,0112, თბილისი, 2013.