გაქაჩა

1. დაიჭირა, დააპატიმრა. „ერთ მშვენიერ დღეს მაინც გაქაჩეს ის ტიპი“ (დალი ფანჯიკიძე. თარგმ.).
2. დააწინაურა; ხელი შეუწყო ვიღაცის ან რაღაცის პოპულარობას, სახელი გაუთქვა, საინტერესო გახადა ფართო აუდიტორიისთვის. „...რაბლეზიანური ეპიზოდი – როცა გარყვნილთა დასი ორი ანგელოზის დათრევას ცდილობს – „გაქაჩავდა“ წიგნს“ (მალხაზ ხარბედია. თარგმ.); „მოსკოვში გაიკეთა კარიერა (...), ებრაელობა დაიბრალა და ებრაელმა მხატვრება გაქაჩეს“ (ზურაბ სამადაშვილი).
3. გასწვდა, აუვიდა, მოერია საქმეს. „– გრუპენსექსი რო ვერ გავქაჩე, პლიუსი ჩაწერე თუ მინუსი?“ (აკა მორჩილაძე).
   Source: ქართული ჟარგონის ლექსიკონი, მესამე შევსებული გამოცემა; ავტ. ლევან ბრეგაძე; რედ: ანა ჭაბაშვილი და სხვ.; შპს "ბაკურ სულაკაურის გამომცემლობა"; მისამართი: აღმაშენებლის 150,0112, თბილისი, 2013.