გრამაფონშია

იტყვიან, როცა უნდათ მიანიშნონ, რომ თანამოსაუბრე ფანტაზიორობს, არარეალური ზრახვები ამოძრავებს. რა კავშირი აქვს ამას გრამოფონთან (ფირსაკრავთან) უცნობია. „– სანამ [ფული] მქონდა, – ნერვიულად იკრავდა შარვლის ღილებს. – მქონდა „გრამაფონშია“. ეს ქუდი დაიხურე“ (რეზო კლდიაშვილი); „ჩემი გურული ბიძია ასეთ რამეზე იტყოდა – „შენ რომ გინდოდა, ბიძია, იგი გრამაფონშია, რაი გააკეთე, ის მითხარი შენო“ (ბაკურ სვანიძე).