დაასველა

რამე მოვლენა აღნიშნა ქეიფით; მაღარიჩი იკისრა. თავიდან მხოლოდ ახალ ტანსაცმელს „ასველებდნენ“ (იხ. „დასველება“ თ. სახოკიას ლექსიკონში). ახლა კი ყველაფრის დასველება შეიძლება. „თავიანთი გამარჯვება კრივორუჩკას დუქანში დაასველეს“ (თამაზ კვაჭანტირაძე. თარგმ.); „დღეს სახლმმართველი იყო და ასე მითხრა, ჩაუწერელი კაცი რომ გყავს სახლში, მაგას დასველება უნდაო!“ (ნოდარ დუმბაძე).